Connect with us

ព័ត៌មានអន្ដរជាតិ

នៅសល់ជនសង្ស័យប្រដាប់អាវុធ ៥ នាក់ទៀត វៀតណាម មិនទាន់ចាប់បាន ក្រោយរត់ចេញពីខេត្តជាប់ កម្ពុជា

បានផុស

នៅ

វៀតណាមនៅតែបន្តតាមចាប់ខ្លួនជនសង្ស័យប្រដាប់អាវុធចំនួន ៥ នាក់ទៀត ដែលជាប់ពាក់ព័ន្ធនឹងការសម្លាប់មនុស្ស ៩ នាក់នៅឯការិយាល័យរដ្ឋបាលក្នុងខេត្ត Dak Lak ដែលមានព្រំប្រទល់ជាប់ខេត្តមណ្ឌលគិរីរបស់ព្រះរាជាណាចក្រកម្ពុជាកាលពីខែមុន ។

ប៉ូលិសនៅក្នុងខេត្ត Dak Lak បានប្រកាសកាលពីថ្ងៃអាទិត្យថា ក្រុមប្រដាប់អាវុធដែលរត់គេចខ្លួនទាំង ៥ នាក់ដែលរួមមានឈ្មោះ Y Khing Lieng អាយុ ៣១ ឆ្នាំ, Nay Yen អាយុ ៥៣ ឆ្នាំ, Y Ju Nie អាយុ ៥៥ ឆ្នាំ, Nay Tam អាយុ ៤៩ ឆ្នាំ និង Nay Duong អាយុ ៥៥ ឆ្នាំកំពុងស្ថិតនៅក្នុងការស្វែងរកតាមចាប់ខ្លួន បន្ទាប់ពី​អាជ្ញាធរ​បានចោទប្រកាន់ពួកគេពីបទប្រព្រឹត្តអំពើភេរវកម្ម ។

អាជ្ញាធរ​បាន​និយាយទៀត​ថា បច្ចុប្បន្នអ្នក​ទាំង ​៥​ នាក់​នោះ​បាន​រត់​គេច​ខ្លួនចេញពី​ខេត្ត​ Dak Lak រួច​ហើយ ហើយរហូតមកដល់ពេលនេះ ក៏មិនទាន់មានតម្រុយថាពួកគេសំងំលាក់ខ្លួននៅទីណា ខណៈអាជ្ញាធរបានជូនដំណឹងថា ​អ្នក​ណាក៏ដោយក៏​មាន​សិទ្ធិ​ចាប់ជនសង្ស័យប្រដាប់អាវុធទាំងនោះ​យក​ទៅឲ្យសមត្ថកិច្ចដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា កាលពីថ្ងៃទី១១ ខែមិថុនា ក្រុមប្រដាប់អាវុធចំនួន ២ បានបើកការវាយប្រហារលើការិយាល័យគណៈកម្មាធិការប្រជាជននៅឃុំ Ea Ktur និង Ea Tieu ដោយបានសម្លាប់មន្ត្រី ប៉ូលិស និងជនស៊ីវិលចំនួន ៩ នាក់ ខណៈ រហូតមកដល់ពេលនេះ ជនសង្ស័យប្រមាណ ៩០ នាក់ត្រូវបានចាប់ខ្លួនពីបទឧក្រិដ្ឋកម្មជាច្រើន រួមទាំងអំពើភេរវកម្មផងដែរ ។

ក្នុង​ចំណោមជនសង្ស័យទាំងនោះ គឺមាន​ម្នាក់​ជា​សមាជិក​នៃ​អង្គការភេរវកម្ម​ដែល​មាន​មូលដ្ឋាន​នៅ​សហរដ្ឋ​អាមេរិក ហើយពួកគេ​ទទួលបាន​ការ​ណែនាំ​ពី​អង្គការ​ ដើម្បី​​ចូលមក​ប្រទេស​វៀតណាម និង​ធ្វើ​ការ​វាយ​ប្រហារនេះតែម្ដង ជាពិសេសអង្គការថែមទាំងបានសន្យានឹងនាំពួកគេទៅក្រៅប្រទេស និងផ្ដល់លុយឲ្យពួកគេក្លាយជាអ្នកមាន ឲ្យតែសម្លាប់អ្នកណានៅចំពោះមុខ ៕

ប្រែសម្រួលដោយ ៖ ជីវ័ន្ត

ប្រភព ៖ VN Express

ចុចអាន ៖ លោក Zelensky ថា ព្រោះតែលោកខាងលិច ទើប អ៊ុយក្រែន បរាជ័យវាយ បកលើ រុស្ស៊ី

Helistar Cambodia - Helicopter Charter Services
Sokimex Investment Group
សន្តិសុខសង្គម១១ ម៉ោង មុន

ឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ

ព័ត៌មានអន្ដរជាតិ៥ ម៉ោង មុន

ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស

ព័ត៌មានអន្ដរជាតិ១០ ម៉ោង មុន

អតីតប្រធានាធិបតីអ៊ុយរូហ្គាយ ក្របំផុតលើលោក ទទួលមរណភាព ក្នុងវ័យ ៨៩ឆ្នាំ

ព័ត៌មានជាតិ១៣ ម៉ោង មុន

គ្រោះរញ្ជួយដីនៅថៃ៖ ពលករខ្មែរពីររូបទៀតបានទទួលមរណភាព ខណៈក្រសួងការងារចូលរួមរំលែកទុក្ខ និងបន្តតាមដានទាមទារសំណងជូនក្រុមគ្រួសារសព

សុខភាព៨ ម៉ោង មុន

គ្រូពេទ្យអាមេរិកព្រមាន កុំគេងបើកកង្ហារពេលយប់ អាចនាំឲ្យកើតជំងឺហឺតធ្ងន់ធ្ងរ

Sokha Hotels

ព័ត៌មានពេញនិយម