ជាថ្មី​ម្តង​ទៀត ក្រសួងណែនាំ​ម្ចាស់​រោង​ការ​ គម្លាត​អ្នក​ចូល​រួមមួយ​តុត្រឹម ០៥ នាក់

មុន​នេះ ក្រសួង​សុខាភិបាល​បាន​ចេញ​សេចក្តីណែនាំ​ជា​ថ្មីលើការ​អនុវត្តវិធានការ​សុខាភិបាល​ ដើម្បី​ទប់ស្កាត់​ការ​ចម្លង​ជំងឺ​កូវីដ ១៩។

ដោយសង្កេត​ឃើញ​ភាពចន្លោះ​ប្រហោង​ លើ​ដំណើរការ​រៀបចំ​​ឡើង​វិញ​កម្មវិធី​សង្គម​តាម​បែប​ប្រពៃណី ក្រសួង​បាន​ណែនាំ​ម្ចាស់​កម្មវិធី​​បុណ្យទាន​នានារួមទាំង​ពិធី​មង្គលការ ត្រូវ​ចូលរួម​អនុវត្ត​តាមសេចក្តីណែនាំ​​វិធានការ​បង្ការ​សុវត្ថិភាព​ជំងឺកូវីដ​របស់​ក្រសួង​សុខាភិបាល​។

ក្រសួង​សុខាភិបាល​ក៏​​ឲ្យ​អាជ្ញាធរ​ចុះណែនាំ​ម្ចាស់កម្មវិធី ត្រូវ​រៀបចំ​ឲ្យ​មាន​ទឹក​អាល់កុលឬជែល​សម្រាប់​ភ្ញៀវលាងដៃ ត្រូវកាត់បន្ថយកៅអីអង្គុយពី១០នាក់មកនៅត្រឹម៥នាក់។ ជាមួយ​គ្នា​នេះ ត្រូវ​រក្សាគម្លាតពេលជួបគ្នា កុំចាប់ដៃគ្នា ត្រូវសំពះគ្នាទៅវិញទៅមក និងត្រូវនៅឃ្លាតឆ្ងាយពីគ្នាចាប់ពី១ម៉ែត្រកន្លះឡើងទៅ ដើម្បីការពារពីការខ្ទាតទឹកមាត់ដាក់គ្នា។