Kylie Jenner ពោលស្ដាយក្រោយ មិនគួរកែដើមទ្រូង កាលអាយុ ១៩ឆ្នាំ

កំពូលអ្នកជំនួញវ័យក្មេង និងជាតារាបង្ហាញម៉ូដល្បីឈ្មោះ Kylie Jenner ដែលពេលនេះមានកូនពីរនាក់ទៅហើយ ស្រាប់ចេញមុខមកទម្លាយអារម្មណ៍ពិតប្រាប់ទស្សនិកជនថា ខ្លួនមិនគួវះកាត់ពង្រីកដើមទ្រូងទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងបទសម្ភាសន៍មួយនាពេលថ្មីៗនេះ មហាសេដ្ឋីនីវ័យ ២៥ឆ្នាំ Kylie Jenner ពោលពាក្យស្ដាយក្រោយ មិនសមណាលង់ខ្លួនកែដើមទ្រូង កាលអាយុ ១៩ឆ្នាំ ដែលនាងហាក់កំពុងបង្ហាញអារម្មណ៍ថា នាងពិតជាខកចិត្តនឹងខ្លួនឯងបំផុត។

នៅក្នុងបទសម្ភាសន៍ Kylie សារភាពឥតលាក់ ធ្លាប់កែកុនដើមទ្រូង មុនពេលសម្រាលកូនស្រីច្បង ដោយនាងបាននិយាយថា “ខ្ញុំបានធ្វើសុដន់របស់ខ្ញុំ មុនពេលមាន Stormi ហើយក្នុងរយៈពេល ៦ខែនៃការពពោះ Stormi ខ្ញុំបានជាសះស្បើយពីការវះកាត់” ។

មូលហេតុដែលសេដ្ឋីនីរូបនេះវះកាត់ដើមទ្រូង មិនខុសអីពីមនុស្សស្រីទូទៅមួយចំនួនឡើយ គឺដោយសារនាងយល់ថាដើមទ្រូងពីធម្មជាតិពុំមានភាពស្រស់ស្អាតគ្រប់គ្រាន់។ យ៉ាងណាមិញកន្លងទៅ ៦ឆ្នាំ Kylie ស្រាប់តែនិយាយថា នាងខូចចិត្តដែលកាលណោះសម្រេចកែដើមទ្រូង ហើយនាងពិតជាមិនចង់ធ្វើការវះកាត់កែសម្ផស្ស នៅវ័យក្មេងបែបនេះឡើយ។

ក្រៅពីវះកាត់ដើមទ្រូង ម្ចាស់ប្រាក់ពាន់លានដុល្លាររូបនេះក៏បានវះកាត់កែកុនផ្ទៃមុខរបស់នាងផងដែរ៕

ប្រែសម្រួល៖ សន្យា

ចុចអាន៖ ក្រៅពីសិល្បៈ Kwan ជាម្ចាស់ជំនួញដ៏ជោគជ័យមួយរូប

ចុចអាន៖ ទម្លាយអាថ៌កំបាំងសេដ្ឋីនីវ័យក្មេង Kylie Jenner មនុស្សភាគច្រើនមិនធ្លាប់ដឹង