ក្រុមហ៊ុនទឹកចំនួន ៦ នៅអង់គ្លេសប្រឈមមុខនឹងការបង់ប្រាក់សំណងជាង ១ ពាន់លានដុល្លារ

ក្រុមហ៊ុនទឹកចំនួន ៦ ក្នុងប្រទេសអង់គ្លេសប្រឈមមុខនឹងការបង់ប្រាក់សំណងជាង ១ ពាន់លានដុល្លារ ដោយសារមិនរាយការណ៍ពីការបំពុលទឹក និងគិតថ្លៃហួសប្រមាណ ។

ក្រុមហ៊ុនទាំង ៦ នោះរួមមាន Severn Trent Water, Thames Water, United Utilities, Anglian Water, Yorkshire Water និង Northumbrian Water ។

ពាក់ព័ន្ធនឹងករណីខាងលើ សាស្ត្រាចារ្យ Carolyn Roberts ទីប្រឹក្សាបរិស្ថាន និងទឹកអះអាងថា ក្រុមហ៊ុនទឹកទាំង ៦ បានបំពានច្បាប់ប្រកួតប្រជែងដោយបំភាន់ភ្នែកទីភ្នាក់ងារបរិស្ថាន និងនិយតករ Ofwat ។ ពួកគេបានបំបាត់ការរាយការណ៍ពីចំនួនទឹកស្អុយដែលហូរចេញ បណ្ដាលឱ្យអតិថិជនត្រូវបង់ប្រាក់ដោយអយុត្តិធម៌សម្រាប់សេវាកម្មទឹកកខ្វក់។

ចំពោះក្រុមហ៊ុនដែលប្រឈមមុខខ្លាំងជាងគេគឺ Severn Trent Water ព្រោះមានមនុស្ស ៨ លាននាក់កំពុងប្ដឹង ហើយគេប៉ាន់ប្រមាណថាមានតម្លៃប្រហែល ៤២០ ៩០០ ០០០ លានដុល្លារឯណោះ ។

សូមបញ្ជាក់ថា អ្នកដែលអាចទទួលបានប្រាក់សំណង លុះត្រាតែធ្លាប់បង់វិក្កយបត្រទឹកដល់ក្រុមហ៊ុនណាមួយក្នុងចំណោមក្រុមហ៊ុនទាំង ៦ ចាប់ពីខែមេសា ឆ្នាំ២០២០ និងចាប់ពីខែមេសា ឆ្នាំ ២០១៧ សម្រាប់ក្រុមហ៊ុន Severn Trent Water ជាពិសេស ៕

ប្រែសម្រួល៖ វារី

ប្រភព៖ Dailymail

ចុចអាន៖ អត្តពលិកប្រកួតកីឡាទ្រីយ៉ាត្លុងនៅ អង់គ្លេស ជាង ៥០ នាក់កើតជំងឺរាក