អត្តពលិកប្រកួតកីឡាទ្រីយ៉ាត្លុងនៅ អង់គ្លេស ជាង ៥០ នាក់កើតជំងឺរាក

មន្ត្រីសុខាភិបាលអង់គ្លេសបាននិយាយថា យ៉ាងហោចណាស់មានអត្តពលិកចំនួន ៥៧ នាក់នៅឯព្រឹត្តិការណ៍ជើងឯកទ្រីយ៉ាត្លុងពិភពលោក (WTC) ក្នុងទីក្រុង Sunderland ប្រទេសអង់គ្លេស បានឆ្លងជំងឺ និងរាក បន្ទាប់ពីចូលរួមប្រកួតក្នុងវិញ្ញាសាហែលទឹកសមុទ្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការប្រកួតជើងឯកដែលមានអត្តពលិកប្រហែល ២,០០០ នាក់កាលពីថ្ងៃអាទិត្យមុន រួមទាំងកីឡាករហែលទឹកនៅឯឆ្នេរ Roker របស់ទីក្រុង Sunderland ផងដែរនោះ ទីភ្នាក់ងារសុខភាពចក្រភពអង់គ្លេស (UKHSA) បានរកឃើញកំហាប់បាក់តេរី E Coli ក្នុងសំណាកទឹកសមុទ្រច្រើនជាងធម្មតា ៣៩ ដង ដែលជាបាក់តេរីបង្កបញ្ហាក្រពះ និងមេរោគក្នុងឈាម ។

ពាក់ព័ន្ធនឹងបញ្ហាខាងលើ ក្រុមហ៊ុន Northumbrian Water ដែលជាក្រុមហ៊ុនផ្តល់សេវាទឹក និងលូដល់ប្រជាជន ២.៧ លាននាក់នៅភាគឦសាននៃប្រទេសអង់គ្លេស រួមទាំងទីក្រុង Sunderland បាននិយាយថា ក្រុមហ៊ុនមិនបានបង្ហូរកាកសំណល់ដែលអាចប៉ះពាល់គុណភាពទឹកតាំងពីខែតុលា ឆ្នាំ ២០២១ មកម្ល៉េះ ។

ដូច្នេះសហព័ន្ធកីឡាទ្រីយ៉ាត្លុងអង់គ្លេស នឹងសហការជាមួយក្រុមប្រឹក្សារបស់ទីក្រុង Sunderland និងភ្នាក់ងារ UKHSA ដើម្បីកំណត់មូលហេតុនៃជំងឺផ្សេងៗដែលកើតឡើង ក្រោយការប្រកួត ដូចជាបញ្ហាទឹកស្អុយ ឬទឹកហូរចេញពីចម្ការក្បែរនោះជាដើម ៕

ប្រែសម្រួល៖ វារី

ប្រភព៖ RT

ចុចអាន៖ បង្គន់អភិជនអាយុកាល ២៥០០ ឆ្នាំ នៅទីក្រុងហ្ស៊េរុយសាឡិម សុទ្ធតែលាមកមនុស្សឈឺ