កីឡា
ឪពុកអះអាងថា ឈុត សេរីវ៉ាន់ថង នៅតែល្អ ពេលវិលមកសង្វៀនវិញខែក្រោយ
កីឡាករវ៉ៃក្បាច់ ឈុត សេរីវ៉ាន់ថង នឹងវិលត្រឡប់មកកាន់សង្វៀនវិញនាខែកញ្ញាខាងមុខនេះហើយ បន្ទាប់ពីបាត់មុខពីសង្វៀនរយៈពេលប្រមាណ២ខែកន្លងទៅនេះ ខណៈលោក ឈុត សេរី ជាឪពុកបានអះថា កូនប្រុសរបស់លោកនឹងនៅតែល្អដូចមុន។
លោក ឈុត សេរី ឪពុកបង្កើត និងជាគ្រូបង្វឹករបស់ ឈុត សេរីវ៉ាន់ថង បានឲ្យដឹងថា គ្មានអ្វីប៉ះពាល់ដល់សមត្ថភាពរបស់ សេរីវ៉ាន់់ថងឡើយ បើទោះបីជាខកខានឡើងប្រកួតមួយរយៈពេលកន្លងទៅនេះ ពីព្រោះរូបគេនៅតែបន្តហ្វឹកហាត់ជាប្រចាំ។
ឈុត សេរីវ៉ាន់ថង បានបាត់មុខពីសង្វៀនប្រកួតអស់រយៈពេលជាង២ខែពោលគឺចាប់តាំងពីខែមិថុនា ក្រោយពីយកឈ្នះកីឡាករ អេលីត សាន់ និងក្លាយជាម្ចាស់ខ្សែក្រវាត់ Kun Khmer NNP។
លោក ឈុត សេរី បាននិយាយប្រាប់«កម្ពុជាថ្មី»ថា ៖«តាមមតិរបស់ខ្ញុំសម្រាប់កីឡាករកម្រិតវ៉ៃនិងលំដាប់ប្រហែល សេរីវ៉ាន់ថង ការខកខានប្រកួតត្រឹមរយៈពេល២ទៅ៣ខែ មិនមានជាបញ្ហាចោទអ្វីទេ ឲ្យតែកីឡាករខំហ្វឹកហាត់ ប៉ុន្តែបើខកខានការប្រកួតរយៈពេល១ឆ្នាំ ទើបអាចមានផលប៉ះពាល់ខ្លាំង»។
សម្រាប់អវត្តមានលើសង្វៀនគឺដោយសារភរិយារបស់ខ្លួនមានផ្ទៃពោះ និងសម្រាលកូន។ ភរិយារបស់កីឡាករ សេរីវ៉ាន់ថង បានសម្រាលកូនកាលពីថ្ងៃទី២៣ ខែមិថុនា ឆ្នាំ២០២៣។
តាមការគ្រោងទុក ឈុត សេរីវ៉ាន់ថង នឹងវិលចូលសង្វៀនប្រកួតវិញនៅថ្ងៃទី១០ ខែកញ្ញា ឆ្នាំ ២០២៣។
លោក ឈុត សេរី បានបន្ថែមថា៖«ចំពោះ សេរីវ៉ាន់ថង នៅតែបន្តការហ្វឹកហាត់ធម្មតា ប៉ុន្តែរូបគេខកខានហ្វឹកហាត់នៅពេល ដែលប្រពន្ធសម្រាលកូន។ ក្រោយមានឈ្នោះប្រកួត នៅថ្ងៃទី១០ ខាងមុខនេះ សេរីវ៉ាន់ថង បានបង្កើនការវឹកហ្វាក់ហាត់បន្ថែមទៀត ដើម្បីតៀមការប្រកួត»៕
អត្ថបទ៖ ផា រតនា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%