អ្នកជំនាញអប់រំ៖ ការប្រឡងបាក់ឌុបមិនមែនជាការកំណត់អនាគតរបស់ប្អូនៗនោះទេ

អ្នកជំនាញផ្នែកវិស័យអប់រំបានណែនាំដល់សិស្សានុសិស្សដែលត្រូវចូលរួមប្រឡបាក់ឌុបនៅឆ្នាំនេះមិនត្រូវចាត់ទុកការប្រឡងបាក់ឌុបជាការកំណត់អនាគតរបស់ប្អូនៗនោះទេពោលគឺប្អូនៗនៅមានជំរើសជាច្រើនទៀតដែលត្រូវធ្វើដើម្បីឈានឆ្ពោះទៅអនាគតមួយដ៏ភ្លឺស្វាង។

ឧកញ៉ា ប៉ិច បូឡែន បានមានប្រសាសន៍ថា៖ «សិស្សានុសិស្សដែលប្រឡងបាក់ឌុបជាប់ឬធ្លាប់នៅឆ្នាំនេះកុំគិតថា ការប្រឡងបាក់ឌុបជាការកំណត់អនាគតរបស់ប្អូនគ្រាន់តែថាអ្នកដែលប្រឡងជាប់និងមាននិទ្ទេសល្អមានឱ្យកាសច្រើនជាងអ្នកដ៏ទៃដូចជាទទួលបានអាហារូបករណ៍សិក្សាក្នុងនិងក្រៅប្រទេស។ ចំពោះអ្នកប្រឡងធ្លាក់កុំគិតថាគឺជាការបញ្ចប់អនាគតរបស់ខ្លួនដោយសារប្អូនៗអាចបន្តការសិក្សានៅមហាវិទ្យាល័យបាននិងមានជំរើសជាច្រើនក្នុងការអភិវឌ្ឍន៍មុខរបរសម្រាប់ទៅថ្ងៃអនាគត»។

លោកបានបន្ថែមថាអ្វីដែលត្រូវធ្វើនៅពេលនេះត្រូវខិតខំបង្រៀនសិស្សដែលរៀនពូកែឱ្យទទួលបាននិទ្ទេសកាន់តែល្អនៅពេលប្រឡងបាក់ឌុបខាងមុខនិងអ្នកដែលមិនបានចំណាត់ថ្នាក់ល្អធ្វើយ៉ាងណាឱ្យគាត់អាចប្រឡងជាប់។ប៉ុន្តែការងារនេះមិនមែនសាលា តែម្នាក់ឯងអាចធ្វើបាននោះទេវាទាមទារមានការចូលរួមពីសំណាក់អាណាព្យាបាល និងសិស្សានុសិស្សផ្ទាល់ផងដែរ។

លោកបានជំរុញឱ្យសិស្សានុសិស្សត្រូវខិតខំប្រឹងប្រែងរៀនសូត្រដើម្បីចូលរួមកសាងប្រទេសជាតិឱ្យកាន់តែរីកចម្រើនព្រោះនៅឆ្នាំ២០៣០កម្ពុជាបានដាក់គោលដៅប្រែក្លាយជាប្រទេសមានប្រាក់ចំណូលមធ្យមកំរិតខ្ពស់និងឆ្នាំ២០៥០នឹងក្លាយជាប្រទេសមានប្រាក់ចំណូលខ្ពស់ដែលទាមទារនូវធនធានមនុស្សមួយដែលមានចំណេះដឹងនិងជំនាញខ្ពស់ផងដែរ។

គួរបញ្ជាក់ថា ប្រឡងបាក់ឌុបឆ្នាំនេះក្រសួងអប់រំនឹងរៀបចំនៅថ្ងៃទី៦វិច្ឆិកានិងប្រកាសលទ្ធផលប្រឡងនៅថ្ងៃទី២៩វិច្ឆិកាឆ្នាំ២០២៣៕

សំអឿន