កំពង់ចាម ទម្លាក់ជើងឯកចាស់ថ្នាក់ខេត្តឡើងវគ្គ៤ក្រុមពានសម្ដេចតេជោ(វីដេអូ)

គួរឲ្យភ្ញាក់ផ្អើលក្នុង​ពាន​រង្វាន់​សម្ដេចតេជោ ហ៊ុន សែន លើកទី១៧ ថ្នាក់​ខេត្ត​​​ ក្រុម​ខេត្តកំពង់ចាម​បានទម្លាក់ក្រុមភ្នំពេញហ្គាឡាក់ស៊ី ដែលជាក្រុម​ជើងឯក​ថ្នាក់​ខេត្ត​រដូវកាលមុន​នៅ​វគ្គ៨​ក្រុមចុងក្រោយ​ដើម្បី​ឡើង​ទៅ​កាន់​វគ្គ​ពាក់​កណ្តាល​ផ្តាច់​ព្រ័ត្រ។

ការប្រកួតពានសម្ដេចតេជោ ហ៊ុន សែន លើក​ទី​១៧ ថ្នាក់​ខេត្ត វគ្គ៨ក្រុមចុងក្រោយ ​កាល​ពី​ជើង​ទី១ ភ្នំពេញហ្គាឡាក់ស៊ី​បានឈ្នះ​០-១ នៅ​ទឹក​ដី​ខេត្ត​កំពង់ចាម កាលពី​ថ្ងៃ​ទី​២៦ ខែ​តុលា ប៉ុន្តែ​ជើង​ទី​២ ក្រុម​ខេត្ត​កំពង់ចាម បាន​យក​ឈ្នះ​នៅ​ដី​ ភ្នំពេញ​ហ្គាឡាក់ស៊ី ០-១ កាល​ពី​ថ្ងៃ​ទី​១ ខែ​តុលា​ សរុប​ទាំង​ពីរ​ជើង​ស្មើ​គ្នា ១-១។ ដូច្នេះ​ការ​ទាត់​បាល់​កាត់​សេចក្តី ក្រុម​ខេត្តកំពង់ចាម បានយកឈ្នះលើក្រុមភ្នំពេញហ្គាឡាក់ស៊ី ដោយលទ្ធផល ៤-២។

លទ្ធផល​ជើង​ទី១

• ខេត្ត​កំពង់ចាម ០-១ ភ្នំពេញ​ហ្គាឡាក់​ស៊ី ថ្ងៃ​២៦ ខែតុលា
• ខេត្ត​រតនគិរី ១-៣ ខេត្ត​បន្ទាយ​មាន​ជ័យ ថ្ងៃ​ទី៣១ ខែតុលា
• ខេត្ត​ពោធិ៍សាត់ ១-១ ខេត្ត​កំពង់ធំ ថ្ងៃ​ទី​៣១ ខែ​តុលា
• ខេត្តព្រះសីហនុ ២-២ ខេត្តត្បូងឃ្មុំ ថ្ងៃ​ទី១ ខែ​វិច្ឆិកា

លទ្ធផល​ជើង​ទី​២

• ភ្នំពេញ​ហ្គាឡាក់ស៊ី ០-១ ខេត្ត​កំពង់ចាម ថ្ងៃ​ទី១ ខែ​វិច្ឆិកា

អត្ថបទ៖ ផា រតនា