ជីវិតកម្សាន្ដ

ក្រោយលេចឮថាស្លាប់ ម្ចាស់បទ My Heart Will Go on បង្ហាញមុខដ៏កម្រ

បានផុស

២ years មុន

នៅ

ថ្ងៃពុធ ៨ វិច្ឆិកា ២០២៣

ដោយ

តារាចម្រៀង Celine Dion បានបង្ហាញខ្លួនដ៏កម្រនៅក្នុងការប្រគំតន្ត្រីរបស់ Katy Perry ដែលបានប្រារព្ធធ្វើនៅឯ Resorts World Theatre ទីក្រុង Las Vegas។

ក្នុងនោះផងដែរគេសង្កេតឃើញថាតារាចម្រៀងជើងចាស់រូបនេះបាននៅឆ្ងាយពីភ្នែកសាធារណៈ បន្ទាប់ពីការធ្វើរោគវិនិច្ឆ័យថានាងមានជំងឺប្រសាទដ៏កម្រ (stiff-person syndrome ) បណ្តាលឲ្យមានការឡើងរឹងនៃសាច់ដុំ និងការកន្ត្រាក់ឈឺចាប់ អាចបណ្តាលមកពីរឿងផ្សេងៗ រួមមានចលនា សីតុណ្ហភាពត្រជាក់ ស្ត្រេស ឬសំឡេងរំខាន។

តារាចម្រៀងវ័យ ៥៥ឆ្នាំរូបនេះបានចូលរួមការប្រគំតន្ត្រីជាមួយកូនប្រុសភ្លោះរបស់នាងគឺ Eddy និង Nelson ខណៈដែលព្រះអង្គម្ចាស់ Harry និង Meghan Markle ក៏ត្រូវបានគេប្រទះឃើញចៃដន្យ ព្រមទាំង Cameron Diaz និង Benji Madden ។

យោងតាមកាសែត Las Vegas Review-Journal តារាចម្រៀងរូបនេះត្រូវបានគេមើលឃើញថា ហាក់បង្ហាញសកម្មភាពរាំសប្បាយរីករាយក្នុងកម្មវិធីខណៈអ្នកគាំត្រក៏មានមានទំនុកចិត្តកាន់តែច្រើនថាគាត់អាចត្រលប់មកឆាកវិញនៅឆ្នាំ ២០២៤វិញ។

លើសពីនេះទៀតកាសតែតដដែលបានបញ្ចាក់ទៀតថា “តំណាង AEG នៅតែមានសុទិដ្ឋិនិយមថា នាងនឹងមានសុខភាពល្អគ្រប់គ្រាន់ ដើម្បីត្រលប់មកកាន់ឆាកម្ដងទៀត”។

ទោះយ៉ាងណាក៏ដោយ ចាប់តាំងពីមានពាក្យចចាមអារ៉ាមមក នេះមិនមែនជារាត្រីតែមួយសម្រាប់តារាចម្រៀងរូបនេះទេចេញទៅក្រៅផ្ទះឡើយ។ កាលពីដើមសប្តាហ៍ នាងបានចេញដំណើរជាមួយកូនប្រុសបង្កើតសម្រាប់ការប្រកួតវាយកូនគោលលើទឹកកក។ នាងបានសរសេរនៅលើ Instagram ថា “ពួកគេលេងបានល្អណាស់! “នោះគឺជាការចងចាំសម្រាប់យើងទាំងអស់គ្នា។ សូមមានរដូវកាលដ៏អស្ចារ្យ!”

ម្ចាស់ជ័យលាភី Grammy ប្រាំសម័យកាលក៏ធ្លាប់បានបង្ហោះវីដេអូរំជួលចិត្តនៅលើ Instagram ផ្ទាល់ខ្លួន ពន្យល់ពីការសម្រេចចិត្តរបស់នាងក្នុងការពន្យារពេលដំណើរទេសចរណ៍ឆ្នាំ ២០២៣ ផងដែរ៕