ជីវិតកម្សាន្ដ
G-Devith ៖ «ខ្ញុំមិនរស់ឆ្លៀតឱកាសទេ រស់ដោយស្នាដៃ និងកិត្តិយស»
តារាចម្រៀងរ៉េប លោក ងួន ចាន់ដេវីដ ហៅ G -Devith បានប្រកាសរក្សាជំហរដោយប្ដេជ្ញាថា លោកមិនរស់ឆ្លៀតឱកាសទេ គឺរស់ដោយស្នាដៃ និងកិត្តិយស។
តារាចម្រៀង G-Devith កាលថ្មីៗនេះ បានបង្ហាញវត្តមានច្រៀង និងសម្តែងនៅលើឆាក នៃកម្មវិធីដ៏ធំមួយនាទីធ្លា OCIC ក្នុងទឹកដីខណ្ឌជ្រោយចង្វារ ដែលមានអ្នកគាំទ្រជាច្រើនចូលរួមទស្សនាកក្រើកឆាក។ ក្នុងនោះ ក៏មានវត្តមានតារាចម្រៀងដ៏ល្បី DJ Soda លេចមុខនៅក្នុងកម្មវិធីប្រគំតន្ត្រីនោះផងដែរ។
យ៉ាងណាអ្វីដែលចាប់អារម្មណ៍នោះ បន្ទាប់ពីចុះពីលើឆាក ស្រាប់តែ លោក G-Devith បានពោលពាក្យសុំទោសអ្នកគាំទ្រ ព្រោះមានបញ្ហាសុខភាពច្រៀងមិនសូវបានល្អ។ លោកបាននិយាយដោយខ្លីថា «ខ្ញុំសុំទោស»។ ប៉ុន្តែរឿងថ្មីទៀតនោះ ស្រាប់តែមានមតិមួយចំនួនបានរិះគន់រឿងលោក និងភរិយា ទេព បូព្រឹក្ស ថា ពួកគេ”តោងល្បីពីគុនខ្មែរ”។
ពាក់ព័ន្ធការរិះគន់នេះដែរ G-Devith បញ្ជាក់ពីឆន្ទៈរបស់ខ្លួនខ្លីថា «ខ្ញុំ បានព្យាយាមណាស់នៅពេលដែលខ្ញុំមានឱកាសទោះតិចក្តីច្រើនក្តី លទ្ធភាព ខ្ញុំមិនរស់នឹងឆ្លៀតឱកាសទេ គឺរស់ដោយស្នាដៃ និងកិត្តិយស»។ សូមជម្រាបថា ការរិះគន់នេះបានកើតឡើងក្រោយគេឃើញតារាស្រីរូបនេះបានរំលេចខ្លួនក្នុងខោប៉ាក់ឈ្មោះ គុនខ្មែរ។
ដោយឡែកឆ្លើយតបការរិះគន់នេះដែរ តារាចម្រៀងអ្នកនាង ទេព បូព្រឹក្ស បានចាត់ទុកថា សម្រាប់នាងតែម្នាក់គឺមិនអាចផ្គាប់ចិត្តអ្នកគិតខ្លីគិតអត់ដល់ទេ។ ហើយនាងនិយាយថា បើពួកគេគិតថានាងចង់តោងល្បីពីគុនខ្មែរក៏ធ្វើតាមចិត្តគិតនោះចុះ។ នាងមិនអាចទាញចិត្តអ្នកដែលស្អប់ឲ្យមកស្រលាញ់ទេ។
ទេព បូព្រឹក្ស បញ្ជាក់ថា «”Okay អ៊ីចឹងក៏អ៊ីចឹងចុះ ពួកខ្ញុំចង់ល្បី ចង់តោងល្បីជាការពិតណាស់ ពិតជាមិនអាចទាញចិត្តឲ្យអ្នកស្អប់មកស្រលាញ់យើងបាននោះទេ ក្នុងកាគិតអ្នកគឺមានតែភាពអវិជ្ជមានចុះ បើគិតថានេះមិនខុសឆ្គងអី្វផងល្អដែរតើឲ្យតែជាអ្វីជាផលប្រយោជន៍ជាតិរួមយើងក៏ដាក់កំហឹងមួយឡែកសិនទៅ»។
តារាចម្រៀងកូនមួយរូបនេះ និយាយបន្តថា នាងមិនអាចផ្គាប់ចិត្តអ្នកដែលគិតខ្លី គិតអត់ដល់ ចាំតែទើស ចាំតែគិតចេះ គិតចុះ ទាំងខ្លួនឯងមិនបានធ្វើ។ តែសម្រាប់នាង និង ដេវីត គឺតែងតែធ្វើអ្វីសម្រាប់ជនរួមជាតិទាំងអស់គ្នា។ នាង បន្ថែមថា «អ៊ីចឹង ដើម្បីជាតិរបស់យើង វប្បធម៌របស់យើង យើងត្រូវតែជួយគ្នា កុំអង្គុយយាយអ៊ីចឹង ជួយចែករំលែកជួយអីទៅឲ្យពិភពលោកគេទទួលស្គាល់ជាអ្វីដែលយើងមានដែលជារបស់យើង ដូចជាគុនខ្មែរនេះជាដើម»៕
អត្ថបទ ៖ ចាន់រ៉ា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ