ព័ត៌មានជាតិ

លោកឧត្តមសេនីយ៍ឯក រ័ត្ន ស្រ៊ាង សូមឲ្យបងប្អូន មានការប្រុងប្រយ័ត្នខ្ពស់ ករណីឆបោកឲ្យផ្ញើលុយតាមវីង

បានផុស

៥ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

លោកឧត្តមសេនីយ៍ឯក រ័ត្ន ស្រ៊ាង តែងតែធ្វើការអំពាវនាវដោយផ្ទាល់ សូមឲ្យបងប្អូនប្រជាពលរដ្ឋ មានការប្រុងប្រយ័ត្នឲ្យបានខ្ពស់ កុំមានចិត្តលោភលន់ កុំចង់បានអ្វីដែលមិនមានប្រភព ជាពិសេសលាភសក្ការៈដែលនៅសុខៗ មកដោយឯកឯង ដោយមិនមានការប្រឹងប្រែងសោះនោះ ច្រើនតែជាអន្ទាក់នាំយើងធ្លាក់ទៅក្នុងការខាតបង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវនេះធ្វើឡើងជាបន្តបន្ទាប់ដែលប៉ុន្មានថ្ងៃមកនេះ កម្លាំងអាវុធហត្ថរាជធានីភ្នំពេញទើបតែបង្ក្រាប ករណីឆបោកឲ្យផ្ញើលុយតាមវីង ០២ករណី បន្តបន្ទាប់គ្នា ដោយឃាត់ខ្លួនជនល្មើសជាជនជាតិស្បែកខ្មៅ០២នាក់ បញ្ជូនទៅតុលាការ ផ្តន្ទាទោស តាមច្បាប់ជាហូរហែ។ ជាញឹកញាប់សមត្ថកិច្ចអាវុធហត្ថរាជធានីភ្នំពេញ តែងតែបង្ក្រាបករណីឆបោកឲ្យផ្ញើលុយតាមវីង និងឆបោកតាមវិធីផ្សេងៗ បានជាហូរហែ និងតែងតែធ្វើការអំពាវនាវផ្សព្វផ្សាយជាប់ជាប្រចាំ ដើម្បីជៀសវាងជនល្មើសយកល្បិចដដែលនេះ ទៅបោកប្រាស់អ្នកផ្សេងទៀតបាន ប៉ុន្តែទោះបីជាមានការអំពាវនាវនិងផ្សព្វផ្សាយយ៉ាងណា ក៏គេសង្កេតឃើញថា នៅតែមានជនរងគ្រោះមួយចំនួន នៅតែចាញ់បោកល្បិចចោរទាំងនេះជាដដែលៗ។

លោកឧត្តមសេនីយ៍ ឯក រ័ត្ន ស្រ៊ាងមេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ សូមអំពាវនាជាថ្មីម្តងទៀត ដល់មហាជនទូទៅ សូមមានការប្រយ័ត្ន ចំពោះល្បិចកល ជនខិលខូចទាំងនេះឲ្យបានខ្ពស់ កុំមានចិត្តលោភលន់ ចង់បានផលប្រយោជន៍ណាមួយ ដែលបានមកដោយស្រួលគ្មានប្រភព ច្បាស់លាស់ ព្រោះវាសុទ្ធតែជាអន្ទាក់ ដែលនាំអ្នកទៅរកការខាតបង់ទាំងអស់៕

អត្ថបទ៖ វិមាន

Related Topics:ករណីឆបោក