អគ្គិភ័យឆាបឆេះរោងចក្រមួយកន្លែង នៅស្រុកព្រៃនប់ ខេត្តព្រះសីហនុ

សេចក្តីរាយការណ៍បឋមបានឲ្យដឹងថា នៅម៉ោង ៧និង ៥០ នាទី យប់ថ្ងៃទី១៦ ខែកុម្ភៈ ឆ្នាំ២០២៤នេះ មានករណីអគ្គីភ័យកំពុងឆាប់ឆេះរោងចក្រ ក្បែររោងចក្រផលិតបារីមួយកន្លែងនៅឃុំអូរឧកញ៉ាហេង ក្នុងភូមិសាស្ត្រស្រុកព្រៃនប់។

ក្នុងករណីអគ្គិភ័យនាពេលនេះ កម្លាំងសមត្ថកិច្ចនគរបាលខេត្ត និងកងរាជអាវុធហត្ថស្រុក ក្រុង ខេត្ត បានបញ្ជូនរថយន្តពន្លត់អគ្គីភ័យទៅចូលរួមបាញ់ពន្លត់ភ្លើងដែលកំពុងតែឆាប់ឆេះយ៉ាងសន្ធោរសន្ធៅនៅក្នុងរោងចក្រនេះ។ ភ្លាមៗនេះគេមិនទាន់ដឹងពីមូលហេតុដែលបង្កឲ្យកើតមានគ្រោះអគ្គីភ័យឬក៏ទំហំនៃការខូចខាត បណ្ដាលមកពីភ្លើងឆេះនៅឡើយទេ។

តាមសេចក្តីរាយការណ៌ដដែលបានឲ្យដឹងថា ស្ថានភាពភ្លើងពេលនេះកម្លាំងសមត្ថកិច្ចកំពុងសម្រុកបាញ់ទឹកពន្លត់ភ្លើង ហើយពេលនេះភ្លើងបានរលត់និងថមថយខ្លះ ហើយស្ថិតក្នុងការគ្រប់គ្រងរបស់សមត្ថកិច្ច៕