កីឡា
លក្ខខណ្ឌមួយនេះ Superlek អាចប៉ះ Rodtang ក្នុងជំនួបកំពូលដែលអ្នកគាំទ្រខ្មែរចង់ឃើញ
Superlek ជាជើងខ្លាំងថៃ ដែលបានប្រកួតឈ្នះជើងខ្លាំងកម្ពុជា ឡៅ ចិត្រា ដោយពិន្ទុ ខណៈ Rodtang បានផ្តួល សុខ ធី ក្នុងទឹកទី២នៅ ONE Championship។ ដូច្នេះអ្នកគាំទ្រកម្ពុជាបានស្គាល់អ្នកទាំងពីរយ៉ាងច្បាស់ ហើយពិតជាចង់ឃើញជើងខ្លាំងថៃទាំងពីរនេះជួបគ្នា។
ការចង់ឃើញអ្នកទាំងពីរប៉ះប្រហែលជាភាគរយខ្ពស់នឹងកើតមានឡើង នៅពេលអ្នកទាំងពីរកំពុងចូលប្រឡូកឃីកបុកសីងដូចគ្នាគឺ Superlek ត្រូវឡើងប្រកួតដណ្តើមខ្សែក្រវាត់ឃីកបុកសីងពិភពលោក ខណៈ Rodtang ឈ្នះក្នុងការប្រកួតមិត្តភាពក្នុងរាត្រីជាមួយគ្នា។
ជើងខ្លាំង«រន្ទះជើងម៉ាស៊ីន» Superlek ត្រូវប្រកួតដណ្តើមខ្សែក្រវាត់ឃីកបុកសីងពិភពលោក ONE Flyweight ជាមួយនឹងម្ចាស់ខ្សែក្រវាត់ Ilias Ennahachi នៅព្រឹត្តិការណ៍ ONE: FISTS OF FURY នាថ្ងៃសុក្រ ទី២៦ ខែកុម្ភៈ ខាងមុខនេះនៅប្រទេសសិង្ហបុរី។ នៅរាត្រីជាមួយគ្នា Rodtang ក៏ឡើងសង្វៀនដែរ គឺជាការប្រកួតឃីកបុកសីងជាលើកដំបូងក្នុងអាជីពរបស់ខ្លួនជាមួយកីឡាករអេស្ប៉ាញ Alegandro Rivas។ វាជាការប្រកួតមិត្តភាពប៉ុណ្ណោះ ប៉ុន្តែ«មនុស្សដែក»របស់ថៃនេះមានគោលដៅធំ។ រូបគេមានគោលដៅឈ្នះខ្សែក្រវាត់ពិភពលោកក្នុងប្រភេទកីឡាទី២ បន្ទាប់ពីរូបគេបានឈ្នះខ្សែក្រវាត់មួយថៃពិភពលោកនៅ ONE មួយគ្រឿងហើយ។ Rodtang និយាយពីជំនួបដណ្តើមខ្សែក្រវាត់រវាង Superlek និង Ennahachi ថា ៖«ខ្ញុំចាំមើល នរណាជាជើងឯក ហើយខ្ញុំនឹងប្រកួតជាមួយម្ចាស់ខ្សែក្រវាត់នោះ»។
ចំណែក Superlek ធ្លាប់ឈ្នះជើងឯកមួយថៃបានពីរដងនៅសង្វៀន Lumpinee មុនពេលបោះជំហានចូលស្ថាប័ន ONE ប៉ុន្តែមិនទាន់បានខ្សែក្រវាត់ពិភពលោកពីស្ថាប័នចុងក្រោយនេះទេ។ យ៉ាងណា រូបគេក៏មិនទាន់ស្គាល់បរាជ័យឡើយ បន្ទាប់ពីប្រកួត៤លើកឈ្នះទាំងអស់ក្នុងនោះឈ្នះកីឡាករកម្ពុជា ឡៅ ចិត្រា, ឈ្នះកីឡាករព័រទុយហ្គាល់ Rui Botelho, ឈ្នះមិត្តរួមជាតិ Panpayak និងឈ្នះ Fahdi Khaled មុនពេលបានឱកាសប្រកួតដណ្តើមខ្សែក្រវាត់នាឆ្នាំ២០២១នេះ។ សម្រាប់ម្ចាស់ខ្សែក្រវាត់ Ennahachi បានផ្តួលកីឡាករថៃ Petchdam ក្នុងទឹកទី៣ ដើម្បីក្លាយជាជើងឯកពិភពលោក។ បន្ទាប់មករូបគេការពារខ្សែក្រវាត់ពិភពលោកនេះបានជោគជ័យម្តងរួចហើយជាមួយកីឡាករចិន មុនពេលប៉ះ Superlek ដើម្បីការពារជាលើកទីពីរ។
អ្នកប្រជែងខ្សែក្រវាត់ពិភពលោកបានមើលឃើញពីចំណុចខ្វះខាតរបស់ម្ចាស់ខ្សែក្រវាត់ដែលរំពឹងថា រូបគេអាចមានប្រៀប។ Superlek និយាយថា ៖«គាត់ជាកីឡាករដ៏ល្អម្នាក់។ គាត់មានល្បឿនលឿនណាស់ ហើយមានបទពិសោធឃីកបុកសីងច្រើន។ ជាពិសេសគាត់ទាត់ខ្ពស់គ្រោះថ្នាក់»។ «ប៉ុន្តែចំណុចខ្សោយរបស់គាត់គឺកម្លាំង។ នៅទឹកចុងក្រោយ គាត់គ្មានកម្លាំងខ្លាំងដូចទឹកដំបូងៗទេ។ គាត់អស់កម្លាំងស៊ុហ្វ»។
រន្ទះជើងម៉ាស៊ីនរបស់ថៃជឿជាក់ថា បទពិសោធជោកជាំ និងអាវុធធ្ងន់ៗរបស់ខ្លួននឹងមានប្រៀបលើម្ចាស់ខ្សែក្រវាត់ ហើយនឹងទទួលបានលទ្ធផលគួរជាទីគាប់ចិត្ត។ អាវុធសំខាន់របស់ខ្លួនគឺទាត់ឲ្យបានច្រើនបំផុតដូចអ្វីដែលរូបគេធ្លាប់ឈ្នះកីឡាករ ឡៅ ចិត្រា។
Rodtang បន្ថែមថា ៖«ប្រសិនបើខ្ញុំឈ្នះខ្សែក្រវាត់ ហើយ Rodtang ឈ្នះការប្រកួតមិត្តភាពនៅយប់ជាមួយគ្នានោះ ភាគច្រើនណាស់ យើងនឹងជួបគ្នា។ បើខ្ញុំបានជួប Rodtang មែនគឺជាជំនួបកំពូលដ៏អស្ចារ្យបំផុតដែលមានអ្នកគាំទ្រទូទាំងប្រទេសថៃ និងប្រទេសផ្សេងៗចង់ឃើញ»៕
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ឯកឧត្តម ហ៊ុន ម៉ានី៖ ការជួបជុំគ្នារបស់ពលរដ្ឋកម្ពុជា គឺដើម្បីចងចាំថា ទាំងអស់គ្នាគឺជាផ្នែកមួយនៃខឿនការពារជាតិ
ក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀមប្រគេនទៀនព្រះវស្សា និងទេយ្យទាន ព្រះសង្ឃគង់នៅវត្តហាន់ជ័យ
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន
-
ព័ត៌មានអន្ដរជាតិ៤ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ