កីឡា
អគ្គនាយកដ្ឋានកីឡា ជំរុញឲ្យសហព័ន្ធកីឡាជាតិ៤១ ដែលទទួលថវិកាគាំទ្រ២០២០ ត្រូវយល់ដឹងពីនីតិវិធី នៃការចំណាយ
អគ្គនាយកដ្ឋានកីឡា ជំរុញឲ្យបណ្តាសហព័ន្ធកីឡាជាតិ រៀបចំវគ្គបណ្ដុះបណ្ដាលមុនបើកការប្រកួតជើងឯកថ្នាក់ជាតិ និងរបាយការណ៍សហព័ន្ធកីឡាជាតិ ដែលទទួលថវិកាគាំទ្រ២០២០ របស់ក្រសួងអប់រំយុវជន និងកីឡា ត្រូវយល់ដឹងពីនីតិវិធី នៃការចំណាយត្រូវតាមគោលការណ៍។
ការជំរុញរបស់អគ្គនាយកដ្ឋានអប់រំកាយ និងកីឡានេះ ខណៈដែលសហព័ន្ធកីឡាជាតិមួយចំនួននៅពេលខាងមុខនេះ នឹងត្រូវរៀបចំបើកការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២០។
លោក ម៉ិល កាដូ អគ្គនាយករង នៃអគ្គនាយកដ្ឋានកីឡាតំណាងឲ្យ លោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា បានមានប្រសាសន៍ថា សហព័ន្ធកីឡាជាតិចំនួន២១ ទទួលបានថវិកាគាំទ្រ២០២០ របស់ក្រសួងអប់រំ យុវជន និងកីឡា ត្រូវតែដឹងច្បាស់ពីការចំណាយថវិកាដែលកំណត់ជា៣មុខសញ្ញាចំណាយ គឺការងាររដ្ឋបាល២០ភាគរយ ការងារបណ្ដុះបណ្ដាល៣៥ភាគរយ និងការងារប្រកួត៤៥ភាគរយរបស់សហព័ន្ធកីឡាជាតិនីមួយៗ។
លោកបន្តថា ដោយអនុវត្តតាមកំណែទម្រង់ក្រសួងអប់រំ យុវជន និងកីឡា ក្រសួង បានផ្តល់ថវិកាគាំទ្រដល់សហព័ន្ធកីឡាជាតិក្នុងឆ្នាំ២០១៧ មានចំនួន២១សហព័ន្ធ ឆ្នាំ២០១៨ ចំនួន៣៤សហព័ន្ធ និងឆ្នាំ២០១៩ ចំនួន៤០សហព័ន្ធ។ ដោយឡែក ក្នុងឆ្នាំ២០២០នេះ សហព័ន្ធជាតិ ចំនួន៤១ទទួលបានការគាំទ្រ។
ដោយពិនិត្យរបាយការណ៍ចំណូលចំណាយឆ្នាំកន្លងមក សហព័ន្ធកីឡាជាតិមួយចំនួន ពុំទាន់អនុវត្តបានត្រឹមត្រូវតាមនីតិវិធីរបស់ក្រសួងសេដ្ឋកិច្ច និងហិរញ្ញវត្ថុដែលបានណែនាំ ដូចនេះ នាយកដ្ឋានអប់រំកាយ និងកីឡា ជាអង្គភាពជំនាញ ត្រូវជួយបង្ហាញដល់មន្ត្រីសហព័ន្ធ ដែលទទួលភារកិច្ចផ្នែកផែនការហិរញ្ញវត្ថុ និងគណនេយ្យ។ ក្នុងនោះ ដើម្បីធានាបាននូវការអនុវត្តតាមនីតិវិធីចំណាយថវិកាគាំទ្ររបស់ក្រសួងអប់រំ យុវជន និងកីឡា ដែលបានចុះកិច្ចព្រមព្រៀងជាមួយសហព័ន្ធជាតិជារៀងរាល់ឆ្នាំ៕
អត្ថបទ ៖ វិសិទ្ធ
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ