(មាន​វិដេអូ) ករណីខូច CBC តើមានដំណោះស្រាយបែបណា?

គ្រប់គ្រឹះស្ថានហិរញ្ញវត្ថុទាំងអស់តែងតែត្រូវការទិន្នន័យពី CBC ជាចាំបាច់ នៅពេលដំណើរការសិក្សានិងផ្តល់កម្ចីឥណទានដល់អតិថិជន។

ការពិតទៅ CBC គឺជាឈ្មោះក្រុមហ៊ុនក្រេឌីត ប្យួរ៉ូ Credit bureau Cambodia ដែលហៅកាត់ថា (CBC) ជាស្ថាប័នដែលផ្តល់សេវារបាយការណ៍ និងវិភាគទិន្នន័យសម្រាប់ការគ្រប់គ្រងហានិភ័យឥណទានដល់គ្រឹះស្ថានហិរញ្ញវត្ថុ។

ការខូច CBC ត្រូវបានអ្នកជំនាញអះអាង ភាគច្រើនមកពីអតិថិជនបង់សងយឺតទៅគ្រឹះស្ថានធនាគារ។ យ៉ាងណាមិញ ករណីខូច CBC មិនសុទ្ធបិទលទ្ធភាពដល់អតិថិជនទៅស្វែងរកសេវាកម្ចីពីគ្រឹះស្ថានធនាគារ ហើយក៏មានវិធីសាស្រ្តដើម្បីកែលម្អឲ្យប្រសើរឡើងវិញ។

លោក អឿ សុធារ័ត្ន នាយកប្រតិបត្តិក្រុមហ៊ុន ក្រេឌីត ប្យួរ៉ូ ខេមបូឌា (CBC) បានចែករំលែកពីដំណើរការប្រព័ន្ធ CBC នៅក្នុងវគ្គបណ្តុះបណ្តាលស្តីពី «ការស្វែងយល់អំពីប្រតិបត្តិការប្រព័ន្ធចែករំលែកព័ត៌មានឥណទាននៅកម្ពុជា» ដល់អ្នកសារព័ត៌មានកាលពីថ្ងៃទី៣ ខែមេសា ឆ្នាំ២០២៤។