ព័ត៌មានជាតិ

អ្នកតែងទៅខ្ចីលុយតាមគ្រឹះស្ថានធនាគារ ត្រូវស្គាល់ស្ថាប័នដ៏សំខាន់មួយនេះ

បានផុស

១២ ខែ មុន

នៅ

ថ្ងៃព្រហស្បតិ៍ ៤ មេសា ២០២៤

ដោយ

ស្ថាប័នដ៏សំខាន់មួយបានដើរតួនាទីមិនអាចខ្វះបាននៅក្នុងប្រព័ន្ធធនាគារនៅកម្ពុជា ហើយដែលគ្រប់គ្រឹះស្ថានហិរញ្ញវត្ថុទាំងអស់តែងតែត្រូវការទិន្នន័យជាចាំបាច់ នៅពេលដំណើរការសិក្សានិងផ្តល់កម្ចីឥណទានដល់អតិថិជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថាប័នមួយនេះគឺក្រុមហ៊ុនក្រេឌីត ប្យួរ៉ូ Credit bureau Cambodia ហៅកាត់ថា (CBC) ដែលជាក្រុមហ៊ុនតែមួយគត់ដែលផ្តល់សេវារបាយការណ៍ឥណទាននៅក្នុងប្រទេសកម្ពុជា។

ដំណើរការបានជាង ១២ ឆ្នាំ តាំងពីឆ្នាំ ២០១២ សេវារបស់ក្រុមហ៊ុនគឺការផ្តល់ដំណោះស្រាយតាមរយៈរបាយការណ៍វិភាគទិន្នន័យសម្រាប់ការគ្រប់គ្រងហានិភ័យឥណទានដល់គ្រឹះស្ថានហិរញ្ញវត្ថុ។

ក្រុមហ៊ុនក្រេឌីត ប្យួរ៉ូ (CBC) ជាក្រុមហ៊ុនឯកជនដែលវិនិយោគក្រោមភាគទុនិកពីគ្រឹះស្ថានហិរញ្ញវត្ថុក្នុងស្រុក និងការរួមសហការជាមួយបណ្តាដៃគូនៅក្រៅប្រទេស។

រហូតមកដល់បំណាច់ខែមករា ឆ្នាំ ២០២៤ មានគ្រឹះស្ថានហិរញ្ញវត្ថុចំនួន ១៩៤ ជាសមាជិករបស់ក្រុមហ៊ុន ក្រេឌីត ប្យួរ៉ូ (CBC) មានទាំងធនាគារពាណិជ្ជ ធនាគារឯកទេស មីក្រូហិរញ្ញវត្ថុ ក្រុមហ៊ុនភតិសន្យា និងប្រតិបត្តិករឥណទានជនបទ។