ជីវិតកម្សាន្ដ

ឡាយ លក្ខិណា ចាយជីវិតហ៊ឺហាលើទឹកដីកាណាដា ខណៈគ្មានតម្រុយវិលមកខ្មែរវិញ

បានផុស

២ years មុន

នៅ

ថ្ងៃព្រហស្បតិ៍ ២០ មិថុនា ២០២៤

ដោយ

តារាចម្រៀង ឡាយ លក្ខិណា បើគិតមកទល់ពេលនេះ នាងបានចាកចេញពីប្រទេសកម្ពុជាទៅច្រៀងសម្តែងនៅទឹកដីកាណាដាមានរយៈពេលប្រមាណ ៥ ឆ្នាំ ហើយ ខណៈដំណើរ នៃការវិលត្រឡប់ហាក់គ្មានតម្រុយនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់មកដល់ពេលនេះគេកត់សម្គាល់តារាស្រីចាស់វស្សា ឡាយ លក្ខិណា នៅតែបន្តប្រើជីវិតឡូយឆាយលើទឹកដីកាណាដា ខណៈកន្លងមកធ្លាប់មានការសង្ស័យថា នាងសម្ងំសាងស្នេហ៍ថ្មីនៅទីនោះ។ ហេតុផលនេះ ទើបធ្វើឲ្យ លក្ខណា ហាក់មិនចង់វិលមកស្រុកខ្មែរវិញឡើយ ពោលគឺនាងរក្សាការបន្តស្នាក់នៅទីនោះដដែល។

ឡាយ លក្ខិណា បានសម្ងំនៅកាណាដារយៈពេលជិត ៥ ឆ្នាំ ទៅហើយ ក្រោយអាក់ខានវិលវិញតាមការសន្យាកាលពីខែវិច្ឆិកា ឆ្នាំ ២០១៩ កន្លងទៅ។ ដោយឡែកកាលពីពេលកន្លងមក ស្រីស្រស់ ឡាយ លក្ខិណា ធ្លាប់បន្លុយឲ្យដឹងពីមូលហេតុដែលខកខានមិនទាន់បានវិលត្រឡប់មកខ្មែរដូច្នេះថា ការជាប់គាំងនេះ បណ្ដាលមកពីនាងត្រូវបន្តការងារនៅទីនោះជាមួយខាងស្ពន់ស័រ ទើបមិនអាចវិលត្រឡប់មកកម្ពុជាតាមការកំណត់។

ទាក់ទងព័ត៌មានរបស់តារាចម្រៀងស្រី ឡាយ លក្ខិណា ដែលកំពុងជាប់គាំងនៅលើទឹកដី នៃប្រទេសកាណាដាភ្ជាប់នឹងការសង្ស័យ នៃការសម្ងំសាងសម្ព័ន្ធស្នេហានេះដែរ កម្ពុជាថ្មី មិនអាចស្វែងរកការបកស្រាយពីតារាស្រីរូបនេះបាននៅឡើយទេ ខណៈពេលនេះនាងកំពុងស្នាក់នៅឯនាយសមុទ្រ។ ងាកមកចាប់អារម្មណ៍នៅលើបណ្ដាញសង្គមហ្វេសប៊ុករបស់នាងឯណេះវិញ ជារឿយៗ តារាចម្រៀង ឡាយ លក្ខិណា តែងបង្ហោះរូបភាពបង្ហាញពីដំណើរកម្សាន្តយ៉ាងមានក្តីសុខ ក្នុងនោះនាងក៏បានសម្ញែងសម្រស់យ៉ាងស្រឡូនបញ្ចេញសាច់ខ្ចីបង្អួតភាពសិចស៊ីនៅលើទឹកដី នៃប្រទេសកាណាដាផងដែរ។

សូមរម្លឹកថា តារាចម្រៀងស្រី ឡាយ លក្ខិណា បានចាកចេញពីកម្ពុជាចាប់តាំងពីថ្ងៃទី ១៣ ខែសីហា ឆ្នាំ ២០១៩ ម្ល៉េះ ហើយកាលណោះបើតាមគម្រោងនាងត្រូវវិលមកវិញនៅថ្ងៃទី ៣១ ខែវិច្ឆិកា ឆ្នាំ ២០១៩ ពោលគឺការចេញទៅកាណាដាមានរយៈពេលតែ ៣ ខែ ប៉ុណ្ណោះ។ ប៉ុន្តែរហូតមកដល់ពេលនេះ មានរយៈពេលប្រមាណ ៥ ឆ្នាំ ទៅហើយ ដែលអ្នកនាង ឡាយ លក្ខិណា នៅមិនទាន់ត្រឡប់មកស្រុកវិញឡើយ៕

អត្ថបទ ៖ ចាន់រ៉ា

Related Topics:តារាខ្មែរ ឡាយ លក្ខិណា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា