ព័ត៌មានអន្ដរជាតិ
ចាប់ខ្លួនទាហានអូស្ត្រាលី និងប្ដី ក្រោយលួចយកការណ៍ឲ្យរុស្ស៊ី
ស្ត្រីជាទាហានអូស្ត្រាលីម្នាក់ និងប្ដីរបស់នាង ត្រូវបានចាប់ខ្លួន ហើយរងការចោទប្រកាន់ថាបានធ្វើចារកម្មឲ្យរដ្ឋាភិបាលរុស្ស៊ី។ នេះបើយោងតាមការប្រកាសរបស់អាជ្ញាធរអូស្ត្រាលី នៅថ្ងៃទី១២ ខែកក្កដា ឆ្នាំ២០២៤។
ជនដែលត្រូវចាប់ខ្លួន មានឈ្មោះថា Kira Korolev អាយុ៤០ឆ្នាំ មានមុខងារជាកូនទាហាន និងប្ដីរបស់នាងឈ្មោះ Igor Korolev អាយុ៦០ឆ្នាំ។ តុលាការអូស្ត្រាលី នឹងបើកសវនាការលើសំណុំរឿងអ្នកទាំង២ នៅរសៀលថ្ងៃសុក្រនេះ ដែលទោសចារកម្មអាចប្រឈមនឹងការជាប់ពន្ធនាគាររហូតដល់ ១៥ឆ្នាំ។
វាគឺជាការកាត់ក្ដីជាលើកដំបូងហើយនៅក្នុងប្រទេសអូស្ត្រាលី គិតចាប់តាំងពីចេញច្បាប់ស្ដីពីអំពើចារកម្មដែលជ្រៀតជ្រែកដោយបរទេស កាលពីឆ្នាំ២០១៨កន្លងទៅ។
ប៉ូលិសសហព័ន្ធអូស្ត្រាលី បានឲ្យដឹងថា ប្ដីប្រពន្ធដែលជាចារកម្មនេះ មានដើមកំណើតមកពីប្រទេសរុស្ស៊ី ហើយបានចូលមករស់នៅក្នុងប្រទេសអូស្ត្រាលីជាង១០ឆ្នាំ មុនរងការចោទប្រកាន់ ហើយអ្នកទាំង២នេះបានចូលសញ្ជាតិអូស្ត្រាលីពេញសិទ្ធិកាលពីប៉ុន្មានឆ្នាំកន្លងទៅ។
Kira គឺជាអ្នកបច្ចេកទេសប្រព័ន្ធព័ត៌មាននៅក្នុងជួរកងទ័ព ដែលមានតួនាទីត្រួតពិនិត្យសេវាកម្មសន្តិសុខ។ នាងបានធ្វើដំណើរដោយសម្ងាត់ទៅកាន់ប្រទេសរុស្ស៊ី ក្នុងពេលឈប់សម្រាកពីការងារ បន្ទាប់មកបានណែនាំឲ្យប្ដីរបស់នាង ចូលទៅកាន់គណនីការងាររបស់នាង និងផ្ញើព័ត៌មានសំខាន់ ដើម្បីនាងអាចបញ្ជូនវាទៅកាន់ភ្នាក់ងាររុស្ស៊ី។
លោក Reece Kershaw ស្នងការប៉ូលិសអូស្ត្រាលី បាននិយាយថា ប៉ូលិសកំពុងធ្វើការស៊ើបអង្កេតថាតើព័ត៌មានណាមួយ ដែលត្រូវបានលួចយកទៅឲ្យរុស្ស៊ី ហើយលោកបានបន្ថែមថា ក្រោយស៊ើបអង្កេតដឹង ប្រហែលអាចមានការដាក់បណ្ដឹងបន្ថែមលើជនសង្ស័យទាំង២រូប។
ជាមួយគ្នានេះដែរ ប្រធានទីភ្នាក់ងារចារកម្មអូស្ត្រាលី លោក Mike Burgess បានប្រាប់ថា ការគំរាមកំហែងលើផ្នែកចារកម្មគឺ មាន”ពិតប្រាកដ” ហើយលោកនិយាយថា “ប្រទេសជាច្រើនកំពុងព្យាយាមលួចព័ត៌មានអាថ៌កំបាំងរបស់អូស្ត្រាលី។ យើងមិនអាចធ្វើជាមនុស្សឆោតល្ងង់ទេ ហើយយើងក៏មិនអាចអត់ខ្វល់ខ្វាយបានឡើយ”៕
ដោយ៖ ឈាង
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១៣ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ១ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៥ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ