ព័ត៌មានអន្ដរជាតិ
អាមេរិក-អូស្ត្រាលី ចុះហត្ថលេខាលើកិច្ចព្រមព្រៀងរ៉ែកម្រ ទប់ទល់ការត្រួតត្រារបស់ចិន
សហរដ្ឋអាមេរិក និងអូស្ត្រាលី បានចុះហត្ថលេខាលើកិច្ចព្រមព្រៀងមួយក្នុងគោលបំណងធានាការផ្គត់ផ្គង់រ៉ែកម្រ និងរ៉ែសំខាន់ៗផ្សេងទៀត។ យ៉ាងណា ការផ្លាស់ប្តូរនេះទំនងជាកិច្ចខិតខំប្រឹងប្រែងមួយដើម្បីទប់ទល់នឹងការគ្របដណ្តប់ទីផ្សាររបស់ប្រទេសចិនលើពិភពលោក។ នេះបើយោងតាមប្រព័ន្ធផ្សព្វផ្សាយ Reuters នាថ្ងៃទី២១ ខែតុលា។
ឯកសារនេះត្រូវបានចុះហត្ថលេខាក្នុងជំនួបរវាងប្រធានាធិបតីអាមេរិក ដូណាល់ ត្រាំ និងនាយករដ្ឋមន្ត្រីអូស្ត្រាលី លោក Anthony Albanese ដែលធ្វើឡើងនៅសេតវិមានកាល ពីថ្ងៃចន្ទទី២០ ខែតុលា ឆ្នាំ២០២៥។
នៅក្រោមកិច្ចព្រមព្រៀងនេះ សហរដ្ឋអាមេរិក និងអូស្ត្រាលីនឹងចាត់វិធានការក្នុងរយៈពេល៦ខែ ដើម្បីផ្តល់ហិរញ្ញប្បទានដល់គម្រោងដែលនឹងត្រូវបានអនុវត្តនៅក្នុងប្រទេសទាំងពីរ។ កិច្ចព្រមព្រៀងនេះអំពាវនាវឲ្យមានការវិនិយោគលើការរុករករ៉ែ និងការកែច្នៃរ៉ែកម្រ និងរ៉ែសំខាន់ៗផ្សេងទៀត។
នាយករដ្ឋមន្ត្រីអូស្ត្រាលី លោក Anthony Albanese បាននិយាយថា កិច្ចព្រមព្រៀងនេះនឹងគាំទ្រដល់គម្រោង ត្រៀមរួចជាស្រេច ចំនួន ៨.៥ ពាន់លានដុល្លារអាមេរិកដែលនឹងពង្រីកសមត្ថភាពរុករករ៉ែ និងដំណើរការរបស់ប្រទេសរបស់លោក។ ជាពិសេសទៀត កិច្ចព្រមព្រៀងបន្ថែមរួមមានគម្រោងដែលអូស្ត្រាលី អាមេរិក និងជប៉ុននឹងរួមគ្នាផលិតហ្គាលលីញ៉ូម ដែលត្រូវបានប្រើសម្រាប់ផលិតឧបករណ៍អេឡិចត្រូនិក។
នៅក្នុងជំនួបនោះ លោកត្រាំក៏បានលើកឡើងអំពីផែនការផ្តល់នាវាមុជទឹកដើរដោយថាមពលនុយក្លេអ៊ែរ ដែលផលិតដោយសហរដ្ឋអាមេរិកដល់ប្រទេសអូស្ត្រាលី ក្រោមក្របខណ្ឌសន្តិសុខត្រីភាគីដែលគេស្គាល់ថា AUKUS។ ស្របពេលដែល អាមេរិក អូស្ត្រាលី និងអង់គ្លេស សុទ្ធតែជាផ្នែកនៃក្របខ័ណ្ឌមួយនេះ។
យ៉ាងណាមិញ ដោយសារអូស្ត្រាលីជាប្រទេសមួយក្នុងចំណោមប្រទេសផលិតរ៉ែដ៏កម្រ។ ដូច្នេះ តាមរយៈការសហការជាមួយ អូស្ត្រាលី អាមេរិកហាក់ដូចជាកំពុងព្យាយាមបង្កើតខ្សែសង្វាក់ផ្គត់ផ្គង់ស្ថិរភាព និងងាកចេញពីការពឹងផ្អែកទាំំងស្រុងលើចិន។ កន្លងមក ក្រុមហ៊ុនអាមេរិកពឹងផ្អែកយ៉ាងខ្លាំងលើវត្ថុធាតុដើមដែលធ្វើឲ្យពួកគេងាយរងគ្រោះនៅឆ្នាំនេះ ដោយសារចិនបានចាត់វិធានការរឹតបន្តឹងការចូលទៅកាន់ការផ្គត់ផ្គង់ ខណៈបច្ចុប្បន្នប្រទេសអាស៊ីគ្រប់គ្រងប្រហែល ៧០% នៃការជីកយករ៉ែកម្រ និង ៩០% នៃការកែច្នៃវត្ថុធាតុដើម ដែលត្រូវបានរកឃើញនៅក្នុងអ្វីគ្រប់យ៉ាងចាប់ពីឧបករណ៍ការពារ រហូតដល់បន្ទះសៀគ្វីកុំព្យូទ័រ និងរថយន្ត៕
អត្ថបទ៖ សាង ស្រីល័ក្ខ
ចុចអានខាងក្រោមនេះ៖
លោក ស៊ី អបអរមេដឹកនាំថ្មីរបស់បក្សប្រឆាំងតៃវ៉ាន់ ក្រោមគោលការណ៍ «ចិនតែមួយ»
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១០ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ