ជីវិតកម្សាន្ដ

Hyun Bin ថា ភាពជោគជ័យរបស់លោក គឺមានភរិយានៅពីក្រោយ

បានផុស

៧ ខែ មុន

នៅ

ថ្ងៃព្រហស្បតិ៍ ១២ កញ្ញា ២០២៤

ដោយ

តារាសម្តែងកូរ៉េខាងត្បូង Hyun Bin បានសម្តែងការដឹងគុណយ៉ាងជ្រាលជ្រៅចំពោះភរិយា គឺតារាសម្តែង Son Ye Jin ដោយបានគូសបញ្ជាក់ពីការយល់ដឹង និងការលើកទឹកចិត្តរបស់នាងគឺជាកត្តាសំខាន់សម្រាប់អាជីពរបស់គាត់កាន់តែជោគជ័យនាពេលនេះ។

យោងតាមសារព័ត៌មាន Chinatimes បានឲ្យដឹងថា Hyun Bin ទទួលបានការចាប់អារម្មណ៍យ៉ាងខ្លាំងនៅឯការបញ្ចាំងភាពយន្ត Harbin នៅមហោស្រពភាពយន្តអន្តរជាតិ Toronto ឆ្នាំ២០២៤ ដែលជាព្រឹត្តិការណ៍អន្តរជាតិកាលពីថ្ងៃចន្ទ។

នៅពេលដែលត្រូវបានសួរអំពីភរិយារបស់គាត់មានចំពោះអាជីពរបស់គាត់ ក្នុងអំឡុងពេលសម្ភាសន៍លើកម្រាលព្រំក្រហម Hyun Bin បាននិយាយថា «យើងទាំងពីរគឺជាតារាសម្តែង ដូច្នេះនាងយល់ និងយល់ពីចិត្តខ្ញុំ។ ការយល់ និងការយល់ចិត្តពិតជាមានសារៈសំខាន់ខ្លាំងណាស់។ ខ្ញុំដឹងគុណចំពោះវត្តមានរបស់នាងនៅក្នុងជីវិតរបស់ខ្ញុំ នាងលើកទឹកចិត្តខ្ញុំគ្រប់យ៉ាងដែលខ្ញុំបានធ្វើ»។

ថ្វីដ្បិតតែភរិយាមិនអាចចូលរួមព្រឹត្តិការណ៍នេះជាមួយស្វាមី ដោយសារតែរវល់ថតភាពយន្តថ្មីក៏ពិតមែន។ ប៉ុន្តែការលើកឡើងរបស់ Hyun Bin អំពីប្រពន្ធ បានរីករាលដាលយ៉ាងឆាប់រហ័សនៅលើប្រព័ន្ធផ្សព្វផ្សាយសង្គម ដែលកំពុងពេញនិយមនៅលើ Weibo ស្របពេលដែលអ្នកគាំទ្រសរសើរពីទំនាក់ទំនងរបស់ពួកគេថាស្មោះត្រង់ និងស្រលាញ់គ្នាខ្លាំងលើសអ្វីទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ មានមតិជាច្រើនបានលើកឡើងអំពីគូស្វាមីភរិយានេះថា នៅពេលពួកគេបានឮពាក្យទាំងនោះមានអារម្មណ៍កក់ក្ដៅណាស់ ហើយក្ដីស្រឡាញ់របស់ Hyun Bin ចំពោះភរិយាបង្ហាញឲ្យឃើញនៅលើទឹកមុខ និងពួកគេគឺជាការផ្គូផ្គងគ្នាយ៉ាងល្អឥតខ្ចោះទាំងរូបរាង ទេពកោសល្យសម្ដែង និងកិត្តិនាម។

ដោយឡែក ក្នុងអំឡុងពេលព្រឹត្តិការណ៍ខែកក្កដា Son Ye Jin បានបង្ហាញពីក្តីស្រលាញ់ដ៏ជ្រាលជ្រៅរបស់នាងចំពោះស្វាមីដោយពណ៌នាថា គាត់មានភាពស្មោះត្រង់ ហេតុផល សុភាព និងអាចទុកចិត្តបាន។ នាងក៏បានចែករំលែកថា នាងធ្លាប់តស៊ូបំបែកការងារពីជីវិតផ្ទាល់ខ្លួន ដោយក្នុងរយៈពេលពីរឆ្នាំមកនេះ នាងបានផ្តោតទៅលើខ្លួនឯងកាន់តែច្រើន ដោយបានប្រារព្ធព្រឹត្តិការណ៍សំខាន់ៗ ដូចជាអាពាហ៍ពិពាហ៍ ការសម្រាលកូន និងការចិញ្ចឹមកូនប្រុស ដែលនោះជាហេតុផលនាំឲ្យនាងមានសុភមង្គលក្នុងជីវិតសាមញ្ញប្រចាំថ្ងៃ៕