ព័ត៌មានជាតិ
អ្នកនាំពាក្យ ៖ ជិត ២០ ថ្ងៃនេះ ជំនន់ទឹកភ្លៀងប៉ះពាល់ពលរដ្ឋជាង ១ ម៉ឺនគ្រួសារ និងស្រូវជាង ៩ ពាន់ហិតា
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី ២៤ កញ្ញា នេះថា គិតចាប់ពីថ្ងៃទី ៥-២៣ ខែកញ្ញា ឆ្នាំ ២០២៤ ជំនន់ទឹកភ្លៀងបានប៉ះពាល់ដល់ខេត្តចំនួន ៩ រួមមាន ខេត្តក្រចេះ, ស្ទឹងត្រែង, ព្រះសីហនុ, មណ្ឌលគិរី, សៀមរាប, ត្បូងឃ្មុំ, រតនគិរី, កំពង់ចាម, កំពង់ធំស្មើ ២៦ ក្រុង ស្រុក និង ១០៣ ឃុំ សង្កាត់ ដោយប៉ះពាល់ប្រជាពលរដ្ឋ ១៣,៩៤៤ គ្រួសារ ផ្ទះ ៤,៣៤០ ខ្នង ជម្លៀសពលរដ្ឋទៅរកទីទួលសុវត្ថិភាព ៣៣៣ គ្រួសារ ស្រូវ ៩ ៣៥៥ ហិតា ក្នុងនោះស្រូវខូចខាត ៣៦៧ ហិតា។
លោកបានបន្តថា ក្នុងចំណោមខេត្តដែលរងផលប៉ះពាល់ដោយជំនន់ទឹកភ្លៀង ក្នុងនោះខេត្តក្រចេះ ប៉ះពាល់ច្រើនជាងគេរួមមាន ប្រជាពលរដ្ឋប៉ះពាល់ ១០,៥០៨ គ្រួសារ, ប៉ះពាល់ផ្ទះ ៣,០៥១ ខ្នង, ជម្លៀសប្រជាពលរដ្ឋ ៩៦ គ្រួសារ និង ប៉ះពាល់ស្រូវ ៧៣៦៧ ហិតា ក្នុងនោះ ១៤៧ ហិតា រងការខូចខាត។
យ៉ាងណាក៏ដោយ លោកបានបន្តទៀតថា ស្ថានភាពជំនន់ទឹកភ្លៀងមិនមានអ្វីធ្ងន់ធ្ងរទេ ដោយនៅតាមតំបន់ខាងលើរួមមាន ស្ទឹងត្រែង និងក្រចេះ ត្បូងឃ្មុំ និងកំពង់ចាម ទឹកបានចាប់ផ្តើមស្រកចុះជាបណ្តើរៗ ហើយ បន្ទាប់ទឹកបានហូរចូលទៅតំបន់វាលទំនាប ធ្វើឱ្យលិចតំបន់មួយចំនួននៅផ្នែកខាងលើដោយសារឥទ្ធិពលទឹកមកពីប្រទេសជិតខាងកម្ពុជា ធ្វើឱ្យទឹកទន្លេមេគង្គហក់ឡើងប៉ុន្មានថ្ងៃមុន។
ចំណែកកម្ពស់ទឹកទន្លេមេគង្គ បានឡើងសន្សឹមៗ ជាង ១ តឹក ក្នុង ១ ថ្ងៃ ដែលជារបបទឹកទន្លេមេគង្គ ដោយសារមានភ្លៀងធ្លាក់។ រីឯភ្លៀងធ្លាក់ ក៏មិនបង្កឱ្យមានទឹកជំនន់ធ្ងន់ធ្ងរដែរ។
លោកបានបន្ថែមថា ការងារនេះ គណៈកម្មាធិការជាតិគ្រប់គ្រងគ្រោះមហន្តរាយបាននិងកំពុងតាមដាន និងយកចិត្តទុកដាក់ និងចាត់វិធានការជាបន្តបន្ទាប់ ដោយបានចុះផ្សព្វផ្សាយអប់រំបន្ថែមដល់ប្រជាពលរដ្ឋឱ្យបង្កើនការប្រុងប្រយ័ត្ន និងបានត្រៀមកម្លាំងអន្តរាគមន៍ មធ្យោបាយ ឧបករណ៍នានា ដើម្បីឆ្លើយតបរួចរាល់ហើយក្នុងការជួយសង្គ្រោះដល់ប្រជាពលរដ្ឋពេលមានស្ថានភាពទឹកជំនន់ធ្ងន់ធ្ងរណាមួយ ក្រៅពីការជួយពីអាជ្ញាធរមូលដ្ឋានហើយ ក្រសួងស្ថាប័នពាក់ព័ន្ធ ក៏បានចេញសេចក្ដីជូនដំណឹងពីវិធីបង្ការការពារនៅពេលមានទឹកជន់ដែលបានជួយកាត់បន្ថយផលប៉ះពាល់ នៃគ្រោះទឹកជំនន់ដល់ប្រជាពលរដ្ឋបានច្រើន។
ក្រសួងធនធានទឹក និងឧតុនិយម បានឱ្យដឹងថា កម្ពស់ទឹក ម៉ោង ៧ ព្រឹក ថ្ងៃទី ២៤ ខែកញ្ញា ឆ្នាំ ២០២៤ នៅតាមបណ្ដាស្ថានីយជលសាស្ត្រស្ថានភាពទឹកទន្លេ ៖ ស្ថានីយជលសាស្ត្រទន្លេមេគង្គ ទន្លេសាប និងទន្លេបាសាក់ ទឹកបាននិងកំពុងឡើងជាបន្តបន្ទាប់។ ទឹកទន្លេមេគង្គក្នុងខេត្តស្ទឹងត្រែង ក្រចេះ កំពង់ចាម និងទន្លេបាសាក់-កោះខែល អាចនឹងឡើងដល់កម្ពស់ប្រុងប្រយ័ត្ន អាស្រ័យហេតុនេះ សូមក្រសួង-ស្ថាប័ន អាជ្ញាធរដែនដីពាក់ព័ន្ធ និងប្រជាពលរដ្ឋដែលរស់នៅតាមដងទន្លេមេគង្គ និងទន្លេបាសាក់ ជ្រាបជាព័ត៌មាន និងបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីជៀសវាងគ្រោះថ្នាក់ផ្សេងៗ អាចកើតមានឡើងជាយថាហេតុ។
ចំណែកស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី ២៤ ខែកញ្ញា ឆ្នាំ ២០២៤ ខ្យល់មូសុងនិរតី ដែលបក់លើសមុទ្រអានដាមម៉ែន ឈូងសមុទ្រថៃ សមុទ្រចិនខាងត្បូង នៅបន្តមានឥទ្ធិពល ខណៈសម្ពាធទាបនៅបន្តគ្របដណ្ដប់លើភាគកណ្ដាល នៃអាងទន្លេមេគង្គ និងលើព្រះរាជាណាចក្រកម្ពុជា។ ស្ថានភាពបែបនេះ នឹងធ្វើឱ្យ ៖ ចាប់ពីថ្ងៃទី ២៤ ដល់ថ្ងៃទី ២៦ ខែកញ្ញា ឆ្នាំ ២០២៤ មានភ្លៀង ផ្គរ រន្ទះ និងខ្យល់កន្ត្រាក់ គ្របដណ្ដប់ផ្ទៃដី ៥៥% នៅទំនាបកណ្ដាល ៥០% នៅតំបន់ខ្ពង់រាប និង ១៥% នៅតំបន់មាត់សមុទ្រ៕
អត្ថបទ ៖ សំអឿន
ណេតាន់យ៉ាហ៊ូ ប្រកាសថាអត់មានបទឈប់បាញ់ទេ ទោះហាម៉ាសដោះលែងចំណាប់ខ្មាំងអាមេរិក
មន្ត្រីជំនាញ ចុះសិក្សាផ្ទាល់ដល់ចម្ការល្ពៅរបស់កសិករដើម្បីស្វែងយល់ពីដំណើរការផលិត និងខ្សែចង្វាក់នៃតម្លៃល្ពៅ
ក្រសួងរ៉ែទទួលយកសំណើរពលរដ្ឋដែលស្នើសុំកិនសំណល់រ៉ែមាសលើដីក្នុងខេត្តមណ្ឌលគិរីទៅពិភាក្សា
ផ្សែងពុលចេញពីភ្លើងឆេះរោងចក្រគ្រឿងសង្ហារឹមនៅបាងកកជំរុញឱ្យមានការជម្លៀសជាបន្ទាន់
កម្ពុជាកំពុងត្រូវការអ្នកជំនាញផ្នែកវិទ្យាសាស្ត្រជាច្រើន ដើម្បីជំរុញវិទ្យាសាស្ត្រ បច្ចេកវិទ្យា ឱ្យរីកចម្រើន
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
អាមេរិក និងចិន ព្រមគ្នាទម្លាក់ពន្ធក្នុងអត្រារៀងខ្លួនរយៈពេល ៩០ ថ្ងៃ
ខេត្តភូកេតប្រទេសថៃប្រកាសអាសន្នទឹកជំនន់
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៧ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៦ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ១ សប្តាហ៍ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានជាតិ២៣ ម៉ោង agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ