ហេតុការណ៍ក្រឡាប់ទូកនៅកុងហ្គោសម្លាប់មនុស្ស ៧៨នាក់

យ៉ាងហោចមនុស្ស៧៨នាក់បានស្លាប់បាត់បង់ជីវិត ដោយសារទូកមួយ​ដឹកមនុស្ស​២៧៨​នាក់​បានក្រឡាប់នៅភាគខាងកើត​ប្រទេសកុងហ្គោ​ក្នុង​ទ្វីប​អាហ្រ្វិក​​។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី៤ខែកញ្ញា។

តាមការ​ចុះផ្សាយ​ដែល​​​​​​​ដកស្រង់​ពី​មន្ត្រី​ខេត្ត យ៉ាងហោចណាស់មនុស្ស ៧៨នាក់បានស្លាប់ ដោយសារតែទូកដឹកលើសចំណុះបានក្រឡាប់នៅលើបឹង Kivu ភាគខាងកើតប្រទេសកុងហ្គោ កាលពី​សប្តាហ៍​មុន​។ ប្រតិបត្តិការស្វែងរក​និង​ជួយ​សង្គ្រោះ​កំពុង​ដំណើរការ ខណៈដែលមនុស្សជាច្រើនបាត់ខ្លួនក្នុងចំណោមមនុស្ស​២៧៨​នាក់នៅលើទូក។

អភិបាលខេត្ត South Kivu បាន​និយាយថា ចំនួនអ្នកស្លាប់គឺជាចំនួនបណ្តោះអាសន្ននោះទេ ដោយចំនួនអ្នកស្លាប់អាចកើនឡើងបន្ថែមទៀត។ ទូកនេះបានចាកចេញពីកំពង់ផែ Minova ក្នុងខេត្ត South Kivu កាលពីព្រឹកព្រលឹម ម្សិលមិញ និងកំពុងធ្វើដំណើរទៅកាន់ទីក្រុង Goma ក្នុងខេត្ត North Kivu ។ វាបានលិចខណៈពេលដែលព្យាយាមចូលចតនៅចម្ងាយតែប៉ុន្មានម៉ែត្រប៉ុណ្ណោះពីកំពង់ផែ Kituku នេះបើយោងតាមសាក្សីដែលបានស្ថិតនៅក្នុងហេតុ ការណ៍។

វាជាឧបទ្ទវហេតុលិចទូកមានមនុស្សស្លាប់ចុងក្រោយបង្អស់នៅក្នុងប្រទេសអាហ្រ្វិកកណ្តាលនេះ ដោយសារតែការផ្ទុកលើសចំណុះ ដែលជាញឹកញាប់បទប្បញ្ញត្តិដែនសមុទ្រក៏មិនអនុញាត្តដែរ។ មន្ត្រីកុងហ្គោជាញឹកញាប់បានព្រមានប្រឆាំងនឹងការផ្ទុកលើសទម្ងន់ និងបានប្តេជ្ញាដាក់ទណ្ឌកម្មអ្នកដែលបំពានលើវិធានការសុវត្ថិភាពសម្រាប់ការដឹកជញ្ជូនតាមផ្លូវទឹក ប៉ុន្តែនៅតំបន់ដាច់ស្រយាលដែលអ្នកដំណើរភាគច្រើនមកពីមិនមានលទ្ធភាពជួលមធ្យោបាយដឹកជញ្ជូនសាធារណៈដែលមានស្ដង់ដារទេនោះទេហើយពួកគេប្រថុយនឹងការធ្វើដំណើរដែលមានគ្រោះថ្នាក់។

ទោះយ៉ាងណាក្រុមគ្រួសារជនរងគ្រោះ និងអ្នកស្រុក Goma បានប្រមូលផ្តុំគ្នានៅកំពង់ផែ Kituku ដោយចោទប្រកាន់អាជ្ញាធរថាមានការធ្វេសប្រហែសចំពោះមុខអសន្តិសុខដែលកំពុងកើនឡើងនៅក្នុងតំបន់។

គួររម្លឹកថាចាប់តាំងពីការប្រយុទ្ធគ្នារវាងកងកម្លាំងប្រដាប់អាវុធ និងក្រុមឧទ្ទាម M23 បានធ្វើឱ្យផ្លូវរវាងទីក្រុង Goma និងទីក្រុង Minova មិនអាចឆ្លងកាត់បាន ដោយបង្ខំឱ្យបិទផ្លូវទៅកាន់រថយន្តដឹកជញ្ជូនអាហារ ពាណិជ្ជករជាច្រើនបានងាកទៅរកការដឹកជញ្ជូនតាមសមុទ្រនៅលើបឹង Kivu ដោយសារវា​ជា​ជម្រើស​ដែល​គេ​ចាត់​ទុក​ថា​មាន​សុវត្ថិភាព​ជាង​ចរាចរណ៍​ផ្លូវ​ថ្នល់ ដែល​ត្រូវ​បាន​គំរាម​កំហែង​ដោយ​អសន្តិសុខ ប៉ុន្តែវាក៏មានហានិភ័យផងដែរអាចបណ្ដាលឲ្យមានគ្រោះថ្នាក់ពីការផ្ទុកលើសចំណុះ៕

អត្ថបទ៖ ប៊ុន សុភាព