ខ្លួនតូចចិត្តធំ! ល្អហួស ហ៊ានចេញមុខនិយាយចំៗក្រោយចម្រូងចម្រាសកម្មវិធី Miss Grand International 2024

បវរកញ្ញាវ័យក្មេង ជូរី ល្អហួស ដែលត្រូវជាម្ចាស់មកុដ Miss Preteen Junior Idol World 2024 បានចេញមុខមកបង្ហោះរូបជាមួយ ND Miss Grand Cambodia អមជាមួយសំណេរយ៉ាងចាក់ដោតទៅកាន់អ្នកគ្រងគ្រងកម្មវិធី MGI ដែលមិនបានឲ្យតម្លៃកម្ពុជា។

តាមរយៈរូបភាពមួយសន្លឹកដែលអមជាមួយខ្លឹមសារថា “ធ្វើល្អអស់មួយគំនរនៅតែគេមើលមិនឃើញគេរង់ចាំតែចាប់កំហុស ហើយគេមកជិះជាន់យើង តែអំពើល្អរបស់កម្ពុជា ព្រះប្រាកដជាមើលឃើញ”។ លើសពីនោះ ល្អហួស ក៏បានបន្ថថា “នាងខ្ញុំហ៊ាននិយាយថា ប្រទេសកម្ពុជាគឺជាប្រទេសមួយដែលប្រជាជនមានបេះដូងល្អ ប្រជាជនមានភាពរួសរាយរាក់ទាក់ មានភាពស្មោះត្រង់ មានភាពទំនួលខុសត្រូវ ទីកន្លែងណាគេមិនឲ្យតម្លៃយើង ដើរចេញពីទីនោះ នៅមានកន្លែងជាច្រើនទៀត គេរង់ចាំនិងផ្តល់តម្លៃឲ្យយើង។ ក្រៅពីលើកឡើងគំនិត និងឧត្ដមកិត្តិរបស់ខ្លួនរួចហើយបវរកញ្ញាវ័យក្មេងរូបនេះក៏បានលើកទឹកចិត្តលោកស្រី អឹម សុគន្ធា ថា “Mommy ធ្វើបានល្អហើយ Mommy លះបង់ច្រើនហើយដើម្បីកម្ពុជា”។

ក្រោយពីមានរឿងចម្រូងចម្រាសរវាង Miss Grand International និង Miss Grand Cambodia រួចមលខាងអន្តរជាតិក៏បានដកសិទ្ធិធ្វើជាម្ចាស់ផ្ទះពីកម្ពុជា ហើយកម្ពុជាក៏បានបញ្ចប់កុងត្រាភ្លាមៗដែលបន្ទាប់ពីមានរឿងមិនឲ្យតម្លៃក្រុមការងារខ្មែរ និងព្រមទាំងមិនបញ្ជូនបេក្ខភាពតំណាងកម្ពុជាទៅចូលរួមប្រកួតនៅប្រទេសថៃថែមទៀតផង។ ទន្ទឹមនឹងនេះ ស្ថាប័ន Miss Grand Cambodia នឹងធ្វើសន្និសីទកាសែតជាផ្លូវការ ជុំវិញរឿងរ៉ាវបញ្ហាជាមួយនឹងលោក Nawat President of Miss Grand International៕