ព័ត៌មានអន្ដរជាតិ

ចិនអំពាវនាវឲ្យភាគីជម្លោះរុស្ស៊ី-អ៊ុយក្រែន «រក្សាការអត់ធ្មត់»ចូលរួមដោះស្រាយដោយនយោបាយ

បានផុស

២ years មុន

នៅ

ថ្ងៃសុក្រ ២២ វិច្ឆិកា ២០២៤

ដោយ

ប្រទេសចិនបានអំពាវនាវឱ្យភាគីជម្លោះគឺអ៊ុយក្រែននិងរុស្ស៊ី រក្សាការអត់ធ្មត់ បន្ទាប់ពីទីក្រុងមូស្គូបានប្រើប្រាស់មីស៊ីលផ្លោងដែលមានសមត្ថភាពដូចនុយក្លេអ៊ែរ វាយប្រហារលើមូលដ្ឋានរោងចក្រឧស្សាហកម្មផលិតសម្ភារៈយោធា Pivdenmash ក្នុងទីក្រុង Dnipro របស់អ៊ុយក្រែន ហើយចិនអំពាវនាវភាគីទាំងអស់ចាំបាច់ត្រូវ «ធ្វើឱ្យស្ថានភាពចុះត្រជាក់»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រុស្ស៊ីបានបង្កើនការវាយប្រហារយ៉ាងខ្លាំងលើប្រទេសអ៊ុយក្រែន ក្រោយដឹងថា អតីតប្រធានាធិបតី ដូណាល់ ត្រាំ ដែលសន្យាបញ្ចប់សង្គ្រាមរុស្ស៊ី-អ៊ុយក្រែនក្នុងរយៈពេលដ៏ខ្លី បានឈ្នះការបោះឆ្នោតសហរដ្ឋអាមេរិកកាលថ្ងៃទី៥ខែវិច្ឆិកា។

ជាការឆ្លើយតបចំពោះការវាយប្រហារយ៉ាងសន្ធាប់នេះ ប្រធានាធិបតីជិតផុតអាណត្តិរបស់សហរដ្ឋអាមេរិក លោក ចូ បៃដិនដែលតែងគាំទ្រអ៊ុយក្រែន កាលពីថ្ងៃទិត្យ បានអនុញ្ញាតឲ្យអ៊ុយក្រែនប្រើប្រាស់មីស៊ីលចម្ងាយឆ្ងាយ ATACMS សម្រាប់ការវាយប្រហារចូលដីរុស្ស៊ី។

រុស្ស៊ីបានចោទប្រកាន់អ៊ុយក្រែនថា ការវាយប្រហាររបស់ខ្លួនបានកើតឡើងជាការឆ្លើយតបទៅនឹងអ៊ុយក្រែនដែលដាក់គោលដៅលើរុស្ស៊ីក្នុងសប្តាហ៍នេះជាមួយនឹងកាំជ្រួចរយៈចម្ងាយឆ្ងាយដែលផលិតនៅសហរដ្ឋអាមេរិក អង់គ្លេស និងបារាំង។

អ្នកនាំពាក្យរបស់ក្រសួងការបរទេសចិនបាននិយាយនៅក្នុងសន្និសីទកាសែតប្រចាំសប្តាហ៍របស់ខ្លួនថា «ភាគីទាំងអស់គួរតែរក្សាភាពស្ងប់ស្ងាត់ និងការអត់ធ្មត់ ជំរុញការសន្ទនា និងការពិគ្រោះយោបល់ដើម្បីធ្វើឱ្យស្ថានការណ៍ចុះត្រជាក់វិញ និងប្រមូលលក្ខខណ្ឌសម្រាប់ការសម្រេចបានជាបឋមនៃបទឈប់បាញ់ និងដំណោះស្រាយនយោបាយនៃវិបត្តិ»។

ក្រសួងការបរទេសចិនក៏បានរំលឹកឡើងវិញនូវជំហរសាធារណៈរបស់ប្រទេសចិនចំពោះជម្លោះនេះ ដោយនិយាយថា «វិបត្តិគួរតែត្រូវបានដោះស្រាយតាមរយៈមធ្យោបាយនយោបាយ ដើម្បីជៀសវាងការកើនឡើងនៃស្ថានការណ៍»៕

ដោយ រ៉ាន់ រើយ

Related Topics:សង្គ្រាមរុស្ស៊ី-អ៊ុយក្រែន ចិន