ព័ត៌មានជាតិ
ប.ស.ស បង្ហាញពីភាពមិនប្រក្រតីអ្វីខ្លះដែលសមាជិក និងមូលដ្ឋានសុខាភិបាលដៃគូ ប.ស.ស អាចប្ដឹងមកក្រសួងការងារ?
បេឡាជាតិសន្តិសុខសង្គម(ប.ស.ស.) បានបង្ហាញពីភាពមិនប្រក្រតីអ្វីខ្លះដែលសមាជិក ប.ស.ស និងមូលដ្ឋានសុខាភិបាលដៃគូ ប.ស.ស. អាចប្ដឹងតាមរយៈប្រអប់អនាមិករបស់ក្រសួងការងារ និងបណ្ដុះបណ្ដាលវិជ្ជាជីវៈ?។
បេឡាជាតិសន្តិសុខសង្គមបានពន្យល់ថា ចំពោះសមាជិក ប.ស.ស. អាចប្ដឹងតាមប្រអប់អនាមិករបស់ក្រសួងការងារមានដូចជាករណីតម្រូវឱ្យបង់តម្លៃសេវាបន្ថែមលើការព្យាបាលដែលជាក់ស្ដែងជាបន្ទុករបស់ ប.ស.ស. ការទារសគុណពីសមាជិក ប.ស.ស. ចំពោះការប្រើប្រាស់ប័ណ្ណសមាជិក ប.ស.ស ដោយមន្ត្រី ឬបុគ្គលិក ប.ស.ស. ឬបុគ្គលិកមូលដ្ឋានសុខាភិបាលដៃគូ ប.ស.ស.។
ការមិនទទួលបានឱសថមិនគ្រប់ចំនួនតាមវេជ្ជបញ្ជា ការបើកឱសថឱ្យសមាជិក ប.ស.ស.ដោយមិនឆ្លងកាត់ការពិគ្រោះជំងឺ ការមិនទទួលបានប្រាក់ឧបត្ថម្ភរបស់រាជរដ្ឋាភិបាលរៀងរាល់ពេលពិនិត្យផ្ទៃពោះ ឬពេលទទួលវ៉ាក់សាំងបង្ការជំងឺដល់កូន ការមិនបានទៅប្រើប្រាស់សេវាសុខាភិបាលនៅមូលដ្ឋានជាដៃគូ ប.ស.ស. ប៉ុន្តែបែរជាមានទិន្នន័យប្រើប្រាស់សេវានៅក្នុងប្រព័ន្ធ ប.ស.ស. ករណីសង្ស័យអំពីការឃុបឃិតគ្នារវាងបុគ្គលិកសុខាភិបាល និងសមាជិក ប.ស.ស. ដែលរៀបចំឯកសារមិនពិតក្នុងគោលបំណងកេងចំណេញអត្ថប្រយោជន៍ណាមួយរបស់ ប.ស.ស។
បេឡាជាតិសន្តិសុខសង្គម បានបន្តទៀតថា រីឯដៃគូសុខាភិបាលរបស់ ប.ស.ស. អាចប្តឹងមកក្រសួងការងារបានដូចជា ការទូទាត់ចំណាយព្យាបាលសុខាភិបាលរបស់ ប.ស.ស. ទៅកាន់សុខាភិបាលដៃគូ ប.ស.ស. មានភាពយឺតយ៉ាវ ការទារសគុណពីមន្ត្រី ឬបុគ្គលិក ប.ស.ស. ការតម្រូវឱ្យមានឯកសារខុសប្រក្រតីក្នុងការស្នើសុំទូទាត់ចំណាយដែលទិន្នន័យដែលបានបង្ហាញខាងលើនេះជាធាតុផ្សំ នៃបទល្មើសអំពើពុករលួយ។
បេឡាជាតិសន្តិសុខសង្គម សូមអំពាវនាវឱ្យមានការចូលរួមទាំងអស់គ្នា ដើម្បីកែលម្អ និងពង្រឹងប្រសិទ្ធភាព នៃការផ្តល់សេវា ប.ស.ស និងលើកកម្ពស់ នៃការផ្តល់សេវានៅតាមមូលដ្ឋានសេវាសុខាភិបាលដៃគូ ប.ស.ស ដើម្បីតម្លាភាព គណនេយ្យភាព និងនិរន្តរភាព នៃរបបសន្តិសុខសង្គមផ្នែកថែទាំសុខភាពដែលជាឧត្ដមប្រយោជន៍រួមទាំងអស់គ្នា៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ