ព័ត៌មានជាតិ
ប្រធានក្រុមប្រឹក្សារាជធានីភ្នំពេញ ណែនាំពលរដ្ឋគិតរកតម្រូវការណាចាំបាច់បំផុត ប្រាប់អាជ្ញាធរដោះស្រាយជូន
លោក ម៉ប់ សារិន ប្រធានក្រុមប្រឹក្សារាជធានីភ្នំពេញ បានណែនាំទៅដល់ប្រជាពលរដ្ឋរស់នៅខណ្ឌកំបូល ត្រូវគិតរកតម្រូវការណាដែលចាំបាច់បំផុត លើកយកមកឱ្យអាជ្ញាធរដោះស្រាយជូន ពិសេសជាតម្រូវការរស់នៅប្រចាំថ្ងៃជាចាំបាច់ ដូចជាពាក់ព័ន្ធនឹងទឹកស្អាត អគ្គិសនីជាដើម។
ការណែនាំបែបនេះរបស់ប្រធានក្រុមប្រឹក្សារាជធានីភ្នំពេញ បានធ្វើឡើងក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី ៤ នៅខណ្ឌកំបូល កាលពីព្រឹកថ្ងៃទី ១០ ខែធ្នូ ឆ្នាំ ២០២៤ នេះ ក្រោមវត្តមាន លោក សេង វណ្ណៈ អភិបាលរងរាជធានីភ្នំពេញ តំណាង លោកឃួង ស្រេង អភិបាលរាជធានីភ្នំពេញ។
លោក ម៉ប់ សារិន មានប្រសាសន៍ថា “រដ្ឋបាលរាជធានីភ្នំពេញ ក៏ដូចជាខណ្ឌចង់បានជាងគេ គឺចង់ដឹងបញ្ហាជាអាទិភាពរបស់ប្រជាពលរដ្ឋក្នុងមូលដ្ឋាន បើមានសំណូមពរអ្វី ពិសេសបើមានតម្រូវការចាំបាច់អ្វីខ្លះ ដែលតម្រូវឱ្យរដ្ឋបាលសង្កាត់ ខណ្ឌ និងរាជធានី ដោះស្រាយជូន”។ ក្នុងនោះ លោកប្រធានក្រុមប្រឹក្សា ណែនាំឱ្យគិតគូរលើបញ្ហាពាក់ព័ន្ធនឹងការរស់នៅក្នុងជីវិតប្រចាំថ្ងៃនេះ ដូចជាផ្នែក សុខុមាលភាព ទឹកស្អាត និងអគ្គិសនី ជាដើម។
ក្នុងវេទិកានេះមានតំណាងប្រជាពលរដ្ឋមកពីសង្កាត់នានា បានសំណូមពរដោយផ្ទាល់មាត់ ចំនួន ៨ រូប ដើម្បីឱ្យរដ្ឋបាលរាជធានីភ្នំពេញ ធ្វើការដោះស្រាយជូនរួមមាន ៖ សំណូមពរឱ្យជួយបន្ថែមស្លាកសញ្ញាចរាចរណ៍ , ការទប់ស្កាត់ការបំពុលបរិស្ថានដោយការដុតបំភាយផ្សែងចេញពីរោងចក្រ, ស្នើសុំពង្រីកផ្លូវមួយខ្សែ ដែលពលរដ្ឋអះអាងថា កំពុងតែមានភាពមមាញឹកខ្លាំងជាងមុន និងអាចបង្កគ្រោះថ្នាក់ច្រើន, បញ្ហាទឹកស្អាតនៅមិនទាន់មានគ្រប់គ្រាន់ ប្រើប្រាស់បានតាមបន្ទប់ជួលមួយចំនួន, តំណាងក្រុមហ៊ុនឯកជន ស្នើដល់អាជ្ញាធរជួយអប់រំផ្សព្វផ្សាយដល់ប្រជាពលរដ្ឋ ត្រូវចេះទុកដាក់សំរាមឱ្យបានត្រឹមត្រូវ ជាពិសេសកុំបោះចោលតាមរបង នៃតំបន់សេដ្ឋកិច្ចពិសេស, មានការស្នើសុំឱ្យជួយជួសជុល ឬ ប៉ះប៉ូវអំពូលភ្លើងបំភ្លឺផ្លូវដែលខូច និងមិនទាន់មានគ្រប់គ្រាន់ ព្រមទាំងមានការស្នើសុំឱ្យពិនិត្យទៅលើបញ្ហាការបង្ហូរទឹកកង្វក់ចេញពីរោងចក្រដែលបង្កក្លិនស្អុយ ព្រមទាំងប៉ះពាល់ដល់បរិស្ថានជាដើម។
លោក ឃឹម ស៊ុនសូដា អភិបាលខណ្ឌកំបូល បានគូសបញ្ជាក់ទៅប្រធានអង្គការដែលលើកឡើងពីការព្រួយបារម្ភលើបញ្ហាបរិស្ថានវិញថា ប្រសិនបើមានបញ្ហាអ្វីមួយពាក់ព័ន្ធជាមួយនឹងបរិស្ថាន សូមឱ្យសហការគ្នា និងរាយការណ៍ជូនមកលោកផ្ទាល់ នោះលោកនឹងអាចសម្របសម្រួលជាមួយខាងរោងចក្រ ដូចជាករណីអង្គការចង់ចូលទៅពិនិត្យក្នុងរោងចក្រ ហើយត្រូវបានខាងរោងចក្រហាមឃាត់មិនឱ្យចូលពិនិត្យ ខណៈលោកអភិបាលខណ្ឌ ចាត់ទុកថា នេះជាកិច្ចការល្អដែលមានប្រជាពលរដ្ឋ ពោលគឺអង្គការជួយយកចិត្តទុកដាក់បន្ថែម ស្របពេលអាជ្ញាធរ ក៏បាននិងកំពុងយកចិត្តទុកដាក់ខ្ពស់លើបញ្ហានេះ។
បន្ថែមលើនេះ ពាក់ព័ន្ធទៅនឹងបញ្ហាផ្សេងៗ ដូចជាការតភ្ជាប់បណ្ដាញទឹកស្អាត លោកអភិបាលខណ្ឌ បានណែនាំទៅមេភូមិ ឬតំណាងប្រជាពលរដ្ឋ ត្រូវធ្វើឯកសារស្នើជាមួយរដ្ឋាករទឹកស្វយ័តក្រុងភ្នំពេញ បើទោះជាត្រូវឆ្លងជាមួយនឹងអាជ្ញាធរខណ្ឌក៏ដោយក្តី ក៏ប៉ុន្តែម្ចាស់ផ្ទះជួលផ្ទាល់ខ្លួនឯង ជាមួយប្រជាពលរដ្ឋ ត្រូវបំពេញបែបបទស្នើសុំជាមុនសិន។ ដោយឡែកការជួយអប់រំផ្សព្វផ្សាយ ទៅកាន់ប្រជាពលរដ្ឋទៅលើការទុកដាក់សំរាមជាដើមនោះ លោក ឃឹម ស៊ុនសូដា ក៏បានឯកភាពទទួលយកសំណើ ដោយត្រៀមកម្លាំងអន្តរាគមន៍ និងសហការជាប់ជាប្រចាំ និងណែនាំឱ្យគ្រប់បណ្តាក្រុមហ៊ុនឯកជនក្តី ប្រជាពលរដ្ឋក្តី ត្រូវបន្តចូលរួមទាំងអស់គ្នា ដើម្បីសោភណភាពទីក្រុង និងអនាម័យបរិស្ថានល្អ។
លោក សេង វណ្ណៈ អភិបាលរងរាជធានីភ្នំពេញ បានគូសបញ្ជាក់ថា “សំណួរសំណូមពរ និងមតិយោបល់ផ្ទាល់មាត់មួយចំនួន អង្គវេទិកាបានធ្វើការបំភ្លឺ និងដោះស្រាយជូនដោយផ្ទាល់រួចហើយៗ នឹងបន្តតាមដានកិច្ចការនេះជាបន្តទៀត ដើម្បីដោះស្រាយជូនបងប្អូន ប៉ុន្តែចំពោះសំណួរ សំណើ និងសំណូមពរជាលាយលក្ខណ៍អក្សរទាំងអស់នឹងដាក់ជូនគណៈអភិបាលរាជធានីភ្នំពេញ ដើម្បីពិនិត្យ និងដោះស្រាយជូន ព្រមទាំងផ្តល់នូវព័ត៌មានត្រឡប់ជូនដល់អស់លោកលោកស្រីវិញ តាមរយៈក្រុមប្រឹក្សាខណ្ឌក្រុមប្រឹក្សាសង្កាត់នូវលទ្ធផល នៃការដោះស្រាយជូនទាំងលទ្ធផលជា វិជ្ជមាន ឬអវិជ្ជមានក្តី ដោយមានបញ្ជាក់ពីមូលហេតុច្បាស់លាស់ជូនជ្រាបនៅពេលក្រោយ ឬនៅពេលវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី ៤ នៅតាមខណ្ឌទាំង ១៤ ត្រូវបានបញ្ចប់”៕
អត្ថបទ ៖ ស្រីរ័ត្ន
សម្ដេចតេជោ ហ៊ុន សែន កំពុងរួមចំណែក បញ្ជាកងទ័ពច្បាំងជាមួយថៃ
រុស្ស៊ី និងអ៊ុយក្រែន យល់ព្រមដោះដូរអ្នកទោសបន្ថែម ប៉ុន្តែគ្មានកិច្ចចរចាបទឈប់បាញ់នោះទេ
ចូលពេទ្យ ៥ថ្ងៃ តែអាការ:នាយ តាក់ស៊ី នៅមិនទាន់ធូរស្បើយដូចដើមវិញទេ
អ្នកជំនាញប្រាប់វិធីរស់បានយូរ ក្រោយសិក្សារយៈពេល ២០ ឆ្នាំ
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃជាអ្នកបង្កហេតុ
ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ
ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ