បិទផ្សាររាត្រីកំពង់ស្ពឺ និងទី​តាំង៤ ទៀតជាប់ពាក់ព័ន្ធអន្ទិតកក្កដា

អាជ្ញាធរខេត្តកំពង់ស្ពឺ បានប្រកាសបិទបណ្តោះនូវផ្សារ «រាត្រីកំពង់ស្ពឺ» និងទីតាំង ០៤កន្លែងទៀត ដែលរកឃើញមានស្ត្រីម្នាក់ពាក់ព័ន្ធនឹងព្រឹត្តិការឆ្លងសហគមន៍ដែលរកឃើញមានស្ត្រីម្នាក់បានប៉ះពាល់ដោយផ្ទាល់ជាមួយបុគ្គល កក្តដា សោភ័ណ្ឌហើយបានដើរលេង និងហូបអាហារតាមទីតាំងខាងលើ ។

ខណៈពេលនេះ មនុស្សដែលមានការពាក់ព័ន្ធករណីនេះ ត្រូវបានយកទៅធ្វើចត្តាឡីស័កនៅមណ្ឌលអភិវឌ្ឍន៍ជនបទកម្ពុជា-កូរ៉េ សង្កាត់ច្បារមន ក្រុងច្បារមន ដើម្បីយកសំណាកធ្វើតេស្តរកវីរុសកូវីដ-១៩ ។

ក្នុងនោះ រដ្ឋបាលសេចក្តីជូនដំណឹងស្ដីពី ករណីនារីម្នាក់ដែលជាអ្នកប៉ះពាល់ផ្ទាល់ជាមួយឈ្មោះ កក្កដា សុភ័ណ្ឌ មានវិជ្ជមានកូវីដ១៩ ហើយបានមកលេងមិត្តភក្កិនៅក្នុងភូមិសាស្រ្តក្រុងច្បារមន ខេត្តកំពង់ស្ពឺ ចាប់អំឡុងថ្ងៃទី១២-១៣ និង១៤ ខែមីនា ឆ្នាំ២០២១ នេះ។

ទីតាំងដែលមានការពាក់ព័ន្ធនឹងព្រឹត្តិការសហគមន៍ទាំង ៥កន្លែង រួមមាន៖ ១-ផ្សាររាត្រីកំពង់ស្ពឺ, ២-អាហារដ្ឋាន NONA Sea Food ខាងកើតផ្សារកំពង់ស្ពឺ, ៣-ផ្ទះល្វេងក្នុងភូមិពាណិជ្ជកម្ម សង្កាត់រការធំ, ៤-ហាងកាហ្វេ អាម៉ាស៊ូន ស្ថានីយ៍ប្រេងឥន្ធនៈ PTT សង្កាត់រការធំ និង៥-អាហារដ្ឋាន ម៉ែប៉ុក ឫស្សី ឃុំស្គុះ ស្រុកសំរោងទង ។

អាជ្ញាធរខេត្តកំពង់ស្ពឺ បានអំពាវនាវដល់អ្នកមានការពាក់ព័ន្ធដោយប្រយោល ផ្ទាល់ជាមួយអ្នកវិជ្ជមានជំងឺកូវីដ-១៩ សូមមេត្តាអញ្ជើញទៅមណ្ឌលសុខភាព មន្ទីរពេទ្យ បង្អែកខេត្ត ដើម្បីពិនិត្យ យកសំណាក និងបង្កើតការប្រុងប្រយ័ត្នខ្ពស់ ព្រមទាំងបន្តអនុវត្តន៍ឱ្យបានខ្ជាប់ខ្ជួននូវវិធានការសុខាភិបាល «៣កុំ ៣ការពារ» និងដាក់ខ្លួនដាច់ដោយខ្លួនឯងមួយរយៈសិន៕

អត្ថបទ៖ភួង រដ្ឋា