លោក គួច ខេវិន ស្អប់ខ្ពើមជនបំពុលសង្គម ដែលមិនប្រើបណ្តាញសង្គមឱ្យមានប្រយោជន៍សម្រាប់សង្គមជាតិ

អតីតផលិតករកម្មវិធីកម្សាន្តល្បីឈ្មោះលោក គួច ខេវិនបានចេញមុខបញ្ជាក់ថា លោកគាំទ្រពេញទំហឹងចំពោះប្រសាសន៍លោកជំទាវចិត្តធម៌ ហ៊ុន ស៊ីណាត ថ្កោលទោសមនុស្សអគតិដែលជាន់ឈ្លីព្រះកិត្តិនាមមហាបុព្វបុរសខ្មែរ ព្រះបាទជ័យវរ្ម័នទី៧ និង ព្រះមហេសីព្រះនាងជ័យរាជទេវី។ ក្នុងនោះលោកចាត់ទុកទង្វើបុគ្គលបំពុលសង្គមគឺជាជនអគតិនិងថោកទាបបំផុត។

ការលើកឡើងរបស់លោក គួច ខេវិន ដោយសារពេលថ្មីៗនេះ មានការវែកញែកនិងរិះគន់យ៉ាងចាស់ដៃពីសំណាក់មហាជនទៅលើបុគ្គលអ្នលក់ឡេល្បីឈ្មោះម្នាក់ដែលបាននិយាយតាំងខ្លួនជាព្រះនាងជ័យរាជទេវី បោកប្រាស់មហាជនបង្កឲ្យមានការភ័ន្តច្រឡំនិងជារឿងដែលបំពុលសង្គម។

ផលិតករកម្មវិធីកម្សាន្តលោក គួច ខេវិន បានលើកឡើងថា លោកស្ទើរតែលែងចង់បើក facebook មើលព័ត៌មានសង្គមដែលមានប្រយោជន៍ដោយសារតែជនបំពុលសង្គមគួរឱ្យស្អប់ខ្ពើម។

លោកបន្តថា តាមពិតទៅបណ្តាញសង្គម facebook មានអត្ថប្រយោន៍យ៉ាងសំខាន់ក្នុងការផ្តល់ព័ត៌មានការអប់រំ និងផ្សព្វផ្សាយវប្បធ៌មជាដើម ក៏ប៉ុន្តែជនអគតិមួយចំនួនបែរជាយកវេទិកានេះ មកបំពុលសង្គមបង្ហាញភាពថោកទាបប្រមាថមាក់ងាយអ្នកដទៃរហូតប្រមាថដល់ព្រះមហាវីរៈបុរសជាតិខ្មែរ ប្រមាថប្រជាជាតិខ្មែរ បំផ្លាញជំនឿ វប្បធម៌ អរិយធម៌ជាតិខ្មែរយ៉ាងគម្រក់បំផុត។

លោក គួច ខេវិន បញ្ជាក់ថា “ខ្ញុំសូមគាំទ្រយ៉ាងពេញទំហឹង និងកោតសរសើរយ៉ាងក្រៃលែងចំពោះអ្នកម្តាយចិត្តធ៌ម ហ៊ុន ស៊ីណាត ដែលលោកចេញមុខថ្កោលទោសមនុស្សអគតិ ដែលកំពុងជាន់ឈ្លីព្រះកិត្តិនាមមហាបុព្វបុរសខ្មែរព្រះបាទជ័យវរ្ម័នទី៧ និងព្រះមហេសីព្រះនាងជ័យរាជទេវីហើយថែមទាំង ប្រមាថមាក់ងាយមើលថោកចំពោះប្រជាជាតិខ្មែរជាទូទៅ”។

លោក គួច ខេវិន និយាយទៀតថា អ្នកម្តាយចិត្តធម៌ ហ៊ុន ស៊ីណាត ក៏ហ៊ានស្តីបន្ទោសដាស់តឿនមន្ត្រីក្រ សួងវប្បធ៌មនិងវិចិត្រសិល្បៈដែលហាក់ដេកលក់ហៀរទឹកមាត់កខ្លាក់ ស្តាប់មិនឮ មើលមិនឃើញនូវទង្វើគ្មានសីលធ៌មប្រមាថជាតិខ្មែរនោះសោះ។

លោកនិយាយទៀតថា”ខ្ញុំគិតថាជនគ្មានគតិនោះមិន មែនជាខ្មែរឬជាខ្មែរក្លែងក្លាយ ទើបបានជារស់នៅលើមាតុភូមិខ្មែរបែរជាមើលងាយប្រជាជាតិខ្មែរ ជាន់ឈ្លីព្រះកិត្តិស័ព្ទព្រះកិត្តិនាមមហាបុព្វបុរសព្រះមហាក្ស ត្រជ័យវរ្ម័នទី៧ និងព្រះមហេសីព្រះរាជនីជ័យទេវី ដែលជាអង្គក្សត្រកសាងអាណាចក្រលើកស្ទួយប្រជាជាតិខ្មែរឱ្យរុងរឿងយ៉ាងដូច្នេះ?”។

លោក គួច ខេវិន បន្ថែមថាក្នុងនាមជាខ្មែរលោកពិត ជាឈឺចាប់និងស្អប់ខ្ពើមជាទីបំផុតចំពោះជនអគតិណាដែលប្រមាថមើលងាយប្រជាជាតិកំណើតរបស់ខ្លួនប្រមាថបុព្វបុរស និងវប្បធ៌មរបស់ខ្មែរ សូមសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាលោកមេត្តា ចាត់វិធានការច្បាប់ចំពោះជនអគតិដើម្បីប្រជាជាតិខ្មែរ ទទួលបាននូវកិត្តិយសនិងសេចក្តីថ្លៃថ្នូរមកវិញ។

គួរបញ្ជាក់ដែរថាលោកជំទាវចិត្តធ៌មហ៊ុន ស៊ីណាត ថ្មីៗនេះក៏បានចេញមុខពន្លះយ៉ាងចាស់ដៃផងដែរទៅទ ង្វើរបោកប្រាស់មហាជនដែលតាំងនាមជាអ្នកមានបា រមី។ លោកជំទាវ ហ៊ុន ស៊ីណាត់បានលើកឡើងថានា ងឡាយថាអ្នកមិនស្គាល់នាងគឺជាមនុស្សភ្លេីហើយតាំ ងខ្លួនជាអ្នកមានបុណ្យចុះមកជួយប្រជារាស្ត្រខ្មែរជាការប្រមាថដល់មហាជនយ៉ាងធ្ងន់ធ្ងរ។ កន្លងមក ថ្នាក់ដឹកនាំបានចាត់វិធានការលើអ្នកតាំងខ្លួនជាអ្នកមានបារមីកន្លងមក ដូច្នេះសូមសមត្ថកិច្ចគួរមានវិធានការលើបុគ្គលទាំងនេះផង៕ អត្ថបទ៖ ចាន់រ៉ា