ព័ត៌មានអន្ដរជាតិ
តៃវ៉ាន់ ប្រទះឃើញបាឡុងចិនចំនួន៦ ខណៈសម្ពាធយោធាកំពុងបន្ត
ក្រសួងការពារជាតិតៃវ៉ាន់ បានរកឃើញបាឡុងរបស់ចិនចំនួន៦នៅក្បែរដែនកោះរបស់ខ្លួន ខណៈដែលទីក្រុងប៉េកាំងរក្សាសម្ពាធយោធា ដើម្បីជំរុញការទាមទារអធិបតេយ្យភាព។
យោងតាមការចុះផ្សាយរបស់ AFP ក្រសួងតៃវ៉ាន់ បានប្រកាសនៅថ្ងៃសុក្រទី៧ខែកុម្ភៈនេះថា បាឡុងចំនួន៦ ត្រូវបានគេប្រទះឃើញក្នុងរយៈពេល ២៤ម៉ោង គិតត្រឹមម៉ោង៦ព្រឹកថ្ងៃសុក្រ (ម៉ោងក្នុងស្រុក)។
ក្រៅតែពីបាឡុង យន្តហោះយោធាចិនចំនួន៩គ្រឿង នាវាចម្បាំង៦គ្រឿង និងនាវារដ្ឋ២គ្រឿង ក៏ត្រូវបានគេរកឃើញក្នុងរយៈពេលដូចគ្នានេះផងដែរនៅជិតកោះតៃវ៉ាន់។
បាឡុងរបស់ចិន ត្រូវបានគេប្រទះឃើញជាប្រចាំនៅលើផ្ទៃទឹកក្បែរកោះតៃវ៉ាន់ ប៉ុន្តែតួលេខនៅថ្ងៃសុក្រនេះគឺជាតួលេខខ្ពស់បំផុតមួយមិនធ្លាប់មាន។
ខណៈពេលដែលកោះតៃវ៉ាន់ហៅខ្លួនឯងថាជារដ្ឋអធិបតេយ្យ ចិនបានទាមទារកោះនេះជាផ្នែកមួយនៃទឹកដីរបស់ខ្លួន ហើយបានគំរាមប្រើកងកម្លាំង ដើម្បីធ្វើយ៉ាងណាឲ្យតៃវ៉ាន់នៅក្រោមការគ្រប់គ្រងរបស់ចិន។
ក្នុងរយៈពេលប៉ុន្មានឆ្នាំចុងក្រោយ ចិនបានបង្កើនការដាក់ពង្រាយយន្តហោះចម្បាំង និងនាវាចម្បាំងនៅជុំវិញកោះតៃវ៉ាន់ ហើយបានព្យាយាមលុបបំបាត់តៃវ៉ាន់ចេញពីឆាកអន្តរជាតិ ដោយកាត់ផ្ដាច់សម្ព័ន្ធមិត្តការទូតរបស់តៃវ៉ាន់ និងរារាំងតៃវ៉ាន់ពីវេទិកាពិភពលោក៕
ដោយ៖ ឈាង
-
ព័ត៌មានអន្ដរជាតិ១៣ ម៉ោង agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម២ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា១៥ ម៉ោង agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
កីឡា១ សប្តាហ៍ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានអន្ដរជាតិ១ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ១ សប្តាហ៍ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា១ សប្តាហ៍ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានអន្ដរជាតិ៥ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក