ព័ត៌មានជាតិ

គ្រូឆ្នើម ពេជ្រ សុផាន់៖ ខ្សែក្រវាត់-ថវិកា៤៨លានរៀល ពេជ្រ អាទិទេព នឹងក្លាយជាយុវជនល្អ

បានផុស

១ year មុន

នៅ

ថ្ងៃចន្ទ ១០ មីនា ២០២៥

ដោយ

លោក ពេជ្រ សុផាន់ ឬហៅថាគ្រូឆ្នើម បានចាត់ទុកការឈ្នះខ្សែក្រវាត់ IPCC និងថវិកា ៤៨លានរៀលពីអាជីពប្រដាល់គុនខ្មែរនេះសង្ឃឹមកូនសិស្ស ពេជ្រ អាទិទេព កែប្រែខ្លួនខំប្រឹងប្រែងក្លាយជាយុវជនល្អមួយរូបចាប់ពីនេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ សុផាន់(រូបភាពផេកលោក ពេជ្រ សុផាន់)

លើកឡើងក្នុងកិច្ចសម្ភាសមួយក្រោយបញ្ចប់ការប្រកួតយប់មិញ លោក ពេជ្រ សុផាន់ នាឱកាសឈ្នះខ្សែក្រវាត់ថ្មីនេះលោកសង្ឃឹមថា ពេជ្រ អាទិទេព កែប្រែខ្លួន និងអភិវឌ្ឍសមត្ថភាពឲ្យក្លាយជាយុវជនល្អ និងកីឡាករល្អមួយរូបពិសេសលើប្រភេទទម្ងន់ ៥៧គីឡូក្រាមចាប់ពីពេលនេះលើវិថីគុនខ្មែរ។

កីឡាករ ពេជ្រ អាទិទេព

លោក ពេជ្រ សុផាន់ បន្ថែមទៀតថា ឥឡូវនេះ អាទិទេព ឈ្នះខ្សែក្រវាត់ មានកេរ្តិ៍ឈ្មោះ និងទទួលបានប្រាក់រង្វាន់លើកទឹកចិត្តយ៉ាងច្រើន និងក្លាយជាមនុស្សល្បីរបស់មហាជន។ ចំណុចទាំងនេះហើយលោកសង្ឃឹមថា ទឹកចិត្តកូនសិស្សម្នាក់នេះកែប្រែទម្លាប់មិនល្អពីមុនមកឲ្យក្លាយជាយុវជនល្អក្នុងសង្គមឡើងវិញ និងប្រឹងប្រែងហ្វឹកហាត់រួមទាំងប្រកួតឲ្យបានល្អជូនអ្នកគាំទ្រដើម្បីរកចំណូលបានច្រើនដូចកីឡាករ ពេជ្រ សម្បត្តិ, ពេជ្រ ប៊ុនសិទ្ធ, ពេជ្រ សង្ហឹៈ ជាដើម។

លោក ពេជ្រ សុផាន់

កាលយប់ថ្ងៃទី៩ ខែមីនា ឆ្នាំ២០២៥ កីឡាករ ពេជ្រ អាទិទេព បានយកឈ្នះកីឡាករ រឿង ឌីណា ដោយពិន្ទុ ក្នុងវគ្គផ្ដាច់ព្រ័ត្រ ដណ្តើមបានខ្សែក្រវាត់ IPCC  ទម្ងន់ ៥៧គីឡូក្រាម នៅសង្វៀនថោន ដែលរៀបចំឡើងនៅឯខេត្តស្វាយរៀង។ ក្នុងនាមជាម្ចាស់ខ្សែក្រវាត់ រូបគេទទួលបានថវិកាលើកទឹកចិត្តចំនួន ៤៨លានរៀលដោយមិនទាន់បូកថវិកាឧបត្ថម្ភផ្សេងៗទៀត៕

អត្ថបទ៖ នួន ស៊ីណា

Related Topics:កីឡាប្រដាល់គុនខ្មែរ