ព័ត៌មានជាតិ

សមាជិកប.ស.ស និងមូលនិធិសមធម៌សង្គមកើនដល់ជាង៨លាន

បានផុស

១ ខែ មុន

នៅ

ថ្ងៃសៅរ៍ ២៤ ឧសភា ២០២៥

ដោយ

គិតត្រឹមខែមេសា ឆ្នាំ២០២៥នេះ សមាជិកប.ស.ស ផ្នែកថែទាំសុខភាព និងកម្មវិធីថែទាំសុខភាពតាមមូលនិធិសមធម៌ជូនគ្រួសារក្រីក្រងាយរងគ្រោះ និងកម្មករសេដ្ឋកិច្ចក្រៅប្រព័ន្ធកើនឡើងដល់ជាង៨លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងវេទិការផ្សព្វផ្សាយស្ដីពី វឌ្ឍនៈភាពនៃការអនុវត្តប្រព័ន្ធគាំពារសង្គមតាមរយៈការអនុវត្តយុទ្ធសាស្ត្របញ្ចកោណដំណាក់កាលទី១ កាលពីថ្ងៃទី១៩ ខែឧសភា ឆ្នាំ២០២៥ នៅអាគារដ្ឋបាលរដ្ឋសភាថ្មី រដ្ឋមន្ត្រីក្រសួងការងារលោក ហេង សួរ បានចាត់ទុកថាការគ្រប់ដណ្ដប់សេវាថែទាំងសុខភាពដល់ពលរដ្ឋជាង៨លាននាក់នេះគឺជាសមិទ្ធផលដ៏ធំមួយដើម្បីឈានដល់ការគ្រប់ដណ្ដប់សុខភាពជាសកលនៅកម្ពុជា។

លោកថា៖ «សម្ដេចធិបតីនាយករដ្ឋមន្ត្រី តែងតែយកចិត្តទុកដាក់ជាចម្បងបំផុតទៅដល់សុខុមាលភាពរបស់បងប្អូនកម្មករនិយោជិត ក៏ដូចជាប្រជាពលរដ្ឋនៅទូទាំងប្រទេស ដោយមិនទុកឱ្យប្រជាពលរដ្ឋណាម្នាក់ចោលឡើយនៅពេលដែលមានជំងឺ ដើម្បីសំដៅឆ្ពោះទៅរកការគ្របដណ្ដប់សុខភាពជាសកលនៅកម្ពុជា»។

តាមរបាយការណ៍គិតត្រឹមខែមេសា ឆ្នាំ២០២៥ កម្ពុជាមានសមាជិក ប.ស.ស. កើនឡើងដល់ប្រមាណ ៣,១លាននាក់ (ស្រី ១,៧លាននាក់) ក្នុងនោះកម្មករនិយោជិតមានប្រមាណ ១,៩លាននាក់។ ដោយឡែកសមាជិកនៃមូលនិធិសមធម៌ជូនគ្រូសារក្រីក្រ និងគ្រួសារងាយរងហានិភ័យ និងមូលនិធិសមធម៌សុខាភិបាលសម្រាប់កម្មករនិយោជិតក្រៅប្រព័ន្ធមានប្រមាណ៥លាននាក់៕