សន្តិសុខសង្គម
ក្មេងទំនើង ១ ក្រុម ព្រួតវាយអ្នកធ្វើការនៅ KTV ១ កន្លែង រងរបួស នៅខណ្ឌពោធិ៍សែនជ័យ
ក្មេងទំនើង ១ ក្រុម ប្រដាប់ដោយដំបង និងកាំបិតបុ័ងតោ បាននាំគ្នាព្រួតវាយទៅលើយុវជន ១ ក្រុមទៀត ដែលជាអ្នកធ្វើការនៅ KTV យីហោ «តន្ត្រី ឫស្សីមាស» បណ្ដាលឱ្យមានអ្នករងរបួស។
ហេតុការណ៍នេះបានកើតឡើងកាលពីវេលាម៉ោង ២ រំលងអធ្រាត្រ ឈានចូលថ្ងៃទី ២៤ ខែឧសភា ឆ្នាំ ២០២៥ ស្ថិតនៅតាមបណ្ដោយផ្លូវ ២០០៤ ចំណុច KTV ១ កន្លែង យីហោ «តន្ត្រីឫស្សីមាស» សង្កាត់កាកាបទី ១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីនារីៗ បម្រើការងារនៅក្នុង ខេធីវី ខាងលើឱ្យដឹងថា នៅមុនពេលកើតហេតុមានក្មេងទំនើង ១ ក្រុម ជិះម៉ូតូ ៧ ទៅ ៨ គ្រឿង ប្រដាប់ដោយកាំបិតបុ័ងតោ និងដំបង ព្រមទាំងដុំថ្ម ជិះឆ្វែលទៅមកជាច្រើនដង រួចហើយស្រាប់តែនាំគ្នាធ្វើសកម្មភាពឈប់ម៉ូតូចុះទៅកាប់ភាគីក្មេង ១ ក្រុមទៀត ដែលបម្រើការងារនៅក្នុងហាងខាងលើ និងបានតដៃទៅវិញទៅមក បណ្ដាលឱ្យមានអ្នករងរបួសធ្ងន់ម្នាក់ បែកក្បាល និងរបួសស្រាលជាច្រើននាក់។
បន្ទាប់មកក្មេងទំនើងទាំងនោះបានកាប់ចិញ្ច្រាំម៉ូតូចំនួន ២ គ្រឿង រងការខូចខាត ទើបបង្កការភ្ញាក់ផ្អើលដល់ពលរដ្ឋបានរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍ធ្វើការឃាត់ខ្លួនជនដៃដល់បានចំនួន ៣ នាក់។ ចំណែកបក្សពួកផ្សេងទៀត នាំគ្នាជិះម៉ូតូរត់គេចខ្លួនទៅបាត់ស្រមោលពីកន្លែងកើតហេតុ។ ដោយឡែកជនរងគ្រោះ ត្រូវបានដឹកយកទៅព្យាបាលរបួសនៅមន្ទីរពេទ្យភ្លាមៗ។
ក្រោយពីកើតហេតុ សមត្ថកិច្ចនគរបាលមូលដ្ឋាន បាននាំខ្លួនក្មេងទំនើងទាំង ៣ នាក់ ខាងលើ យកទៅប៉ុស្តិ៍ ដើម្បីសាកសួរចាត់ការតាមផ្លូវច្បាប់៕
អត្ថបទ ៖ សំណាង
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន