ដ្បិតទទួលការគាំទ្រលើការ Cover បទ «កំភេមតែងខ្លួន» តែ ជា សុជាតិ អះអាងថា អាចជាបទចុងក្រោយ

សមាជិកក្រុមក្មេងខ្មែរលោក ជា សុជាតិ ថ្មីៗនេះបានបញ្ចេញស្នាដៃ Cover ចម្រៀងបទ «កំភេមតែងខ្លួន» ដែលជាសំនៀងដើមរបស់អធិរាជសំឡេងមាសលោកតា ស៊ីន ស៊ីសាមុត កំពុងទទួលបានការគាំទ្រ និងចាប់អារម្មណ៍ខ្លាំងពីសំណាក់មហាជនអ្នកប្រើប្រាស់បណ្តាញសង្គមហ្វេសប៊ុកបន្តការចែករំលែក។

ទោះបីជាចម្រៀង Cover បទ «កំភេមតែងខ្លួន» របស់លោកទទួលបានការគាំទ្រនិងសរសើរច្រើនពីទស្សនិកជន ប៉ុន្តែអ្វីដែលធ្វើឱ្យកាន់តែភ្ញាក់ផ្អើលថែមទៀតគឺលោក ជា សុជាតិ ស្រាប់តែបង្ហើបថា នេះអាចជាបទចុងក្រោយរបស់ខ្លួន។

តារាចម្រៀងលោក ជា សុជាតិ បានបញ្ជាក់ថា នេះអាចជាបទ Cover ចុងក្រោយរបស់លោក ហើយតទៅមុខលោកអាចនឹងមានស្នាដៃបន្តបន្ទាប់សម្រាប់អ្នកគាំទ្រ។ លោកថា “តើបានមើលវីដេអូពេញហើយនៅទាំងអស់គ្នា? សង្ឃឹមថាបងប្អូនបានរីករាយកំសាន្ត និងចូលចិត្តវីដេអូមួយនេះ”។

ទន្ទឹមគ្នានៃការបញ្ចេញចម្រៀងCoverបទ«កំភេមតែ ងខ្លួន»សំនៀងដើមរបស់អធិរាជសំឡេងមាសលោក តា ស៊ីន ស៊ីសាមុត យើងសង្កេតឃើញមានការគាំទ្រនិងសរសើរពីដឹកដមសំឡេងរបស់តារាប្រុសខាងលើថាច្រៀងបានពិរោះដោយមានអ្នកខ្លះទៀតចង់ឃើញលោកបន្ត Cover បទចម្រៀងជំនាន់ដើម ឱ្យបានច្រើនផងដែរ៕ អត្ថបទ៖ ចាន់រ៉ា