ព័ត៌មានអន្ដរជាតិ
អាល្លឺម៉ង់ ប្រកាសជួយអ៊ុយក្រែន ផលិតមីស៊ីលរយៈចម្ងាយឆ្ងាយ និងផ្តល់ជំនួយយោធាបន្ថែមទៀត
ប្រទេសអាល្លឺម៉ង់ បានប្រកាសជួយទីក្រុងកៀវផលិតមីស៊ីលរយៈចម្ងាយឆ្ងាយដោយផ្ទាល់និងផ្តល់ជំនួយយោធាបន្ថែមទៀតដល់អ៊ុយក្រែន ដើម្បីយកទៅប្រយុទ្ធជាមួយរុស្ស៊ី ក្នុងសង្គ្រាមដែលកាន់តែរីកធំពីមួយថ្ងៃទៅមួយថ្ងៃ។
សេចក្តីប្រកាសនេះគឺចេញពីមាត់អធិការបតី Friedrich Merz ក្នុងអំឡុងដំណើរទស្សនកិច្ចរបស់ប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី នៅប្រទេសអាល្លឺម៉ង់ កាលពីថ្ងៃពុធទី២៨ខែឧសភាឆ្នាំ២០២៥។
ក្នុងសន្និសីទកាសែតរួមរវាងមេដឹកនាំទាំងពីរ អធិការបតីអាល្លឺម៉ង់និយាយថា «ទីក្រុងប៊ែរឡាំងនឹងគាំទ្រអ៊ុយក្រែនជានិច្ចក្នុងការអភិវឌ្ឍសមត្ថភាពមីស៊ីលរបស់ខ្លួន។ រដ្ឋមន្ត្រីការពារជាតិរបស់យើង នឹងចុះហត្ថលេខាលើអនុស្សរណៈយោគយល់គ្នានៅថ្ងៃនេះ ទាក់ទងនឹងការទិញប្រព័ន្ធអាវុធរយៈចម្ងាយឆ្ងាយដែលផលិតដោយអ៊ុយក្រែន។ យើងក៏ចង់ធានានូវការផលិតរួមគ្នាដែរ ប៉ុន្តែយើងនឹងមិនបង្ហាញព័ត៌មានលម្អិតជាសាធារណៈនោះទេ»។
ទាក់ទងជំនួយ ក្រសួងការពារជាតិអាល្លឺម៉ង់បញ្ជាក់ថា ទីក្រុងបែរឡាំងនឹងផ្តល់ជំនួយថ្មីទាក់ទងកិច្ចសហប្រតិបត្តិការក្នុងការសាងសង់សព្វាអាវុធ ប្រព័ន្ធការពារអាកាស និងអាវុធផ្សេងទៀត ព្រមទាំងការផ្តល់ហិរញ្ញប្បទាននៃការទំនាក់ទំនងផ្កាយរណប ដែលសរុបទៅមានតម្លៃប្រហែល ៥.៧ពាន់លានដុល្លារអាមេរិក។
ជំនួបរវាងលោក Merz និងហ្សេលេនស្គី គូសបញ្ជាក់ពីកិច្ចខិតខំប្រឹងប្រែងរបស់អធិការបតីក្នុងការពង្រីកមុខមាត់អាល្លឺម៉ង់ជាអ្នកដឹកនាំគេឡើងវិញ ក្នុងចំណោមសម្ព័ន្ធមិត្តអឺរ៉ុប ស្របពេលអាមេរិកលែងត្រូវខ្វល់ខ្វាយនឹងអឺរ៉ុប ជាពិសេសលើសង្គ្រាមនៅប្រទេសអ៊ុយក្រែនតែម្តង។
សេចក្តីប្រកាសរបស់លោក Merz កើតឡើងបន្ទាប់ពីអាល្លឺម៉ង់ បើកដៃឲ្យអ៊ុយក្រែន ប្រើមីស៊ីលរយៈចម្ងាយឆ្ងាយរបស់អង្គការណាតូ បាញ់ចូលជ្រៅក្នុងដីរុស្ស៊ីបាន លែងរឹតត្បិតដូចមុនទៀតហើយ។
ទង្វើនេះ ធ្វើឲ្យរុស្ស៊ីក្តៅស្លឹកត្រចៀក ហើយថែមទាំងដាក់ចំៗថា អាល្លឺម៉ង់ ថា កំពុងអុជភ្លើងសង្គ្រាមនៅអ៊ុយក្រែន ឲ្យកាន់តែឆេះ ធំទៅៗ។ អ្នកនាំពាក្យវិមានក្រឹមឡាំង Dmitry Peskov និយាយថា «ការប្រែក្រឡាស់គោលនយោបាយរបស់ទីក្រុងបែរឡាំង បានក្លាយទៅជាសញ្ញានៃការពង្រីកជម្លោះឲ្យកាន់តែធំនិងធ្ងន់ធ្ងរហើយ។ បើរឿងនេះជាការពិត វានឹងបំផ្លាញដល់ការប៉ុនប៉ងសម្រាប់ដំណោះស្រាយដោយសន្តិវិធី»៕
អត្ថបទ៖ សុខ សុវណ្ណ
ចុចអាន៖ រុស្ស៊ី ចង្អុលចំមុខ អាល្លឺម៉ង់ ថា កំពុងអុជភ្លើងសង្គ្រាមនៅអ៊ុយក្រែន ឲ្យកាន់តែឆេះ ធំទៅៗ
រដ្ឋអំពាវនាវឱ្យពង្រឹងការត្រួតពិនិត្យ និងទប់ស្កាត់ការនាំចូលចំណីអាហារមាន ជាតិគីមី និងជំងឺឆ្លង ជាពិសេសទុរេន និងសាច់គោ
អាល្លឺម៉ង់ ប្រកាសជួយអ៊ុយក្រែន ផលិតមីស៊ីលរយៈចម្ងាយឆ្ងាយ និងផ្តល់ជំនួយយោធាបន្ថែមទៀត
ក្រសួងបរិស្ថានបានបណ្តុះកូនឈើ ចំនួនជាង ៣,៣ លានដើមនៅក្នុងឆ្នាំ ២០២៥
ភ្នំគូលែន និងកំពង់ភ្លុក បើមានការកែច្នៃបន្ថែម មានសក្តានុពលទាក់ទាញទេសចរ ស្នាក់នៅខេត្តសៀមរាបកាន់តែយូរ
ជនជាតិខ្មែរមានបច្ចេកទេស យកសំបកលៀស ខ្យងធ្វើកំបោរប្រើក្នុងជីវភាពប្រចាំថ្ងៃ តាំងពី ២០០០ ឆ្នាំមុន
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេច យ៉ន សេងយៀត នឹងធ្វើដំណើរធម្មយាត្រាថ្មើរជើងតាមជួរភ្នំក្រវាញ ៣២ថ្ងៃ ដើម្បីពុទ្ធសាសនា និងបរិស្ថាន
កូវីដនៅថៃធ្ងន់ធ្ងរ! សប្តាហ៍មុនឆ្លងជាង ៦ម៉ឺនករណី និងស្លាប់ ៨នាក់ទៀត
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ២ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច
-
ព័ត៌មានជាតិ១៣ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ