ព័ត៌មានអន្ដរជាតិ
កិច្ចប្រជុំរុស្ស៊ី-អ៊ុយក្រែន នៅតែមិនអាចរកសន្តិភាពបាន ប៉ុន្តែសម្រេចលើ ២ចំណុច
ជំនួបទល់មុខលើកទី២រវាងគណៈប្រតិភូរុស្ស៊ីនិងអ៊ុយក្រែននៅទីក្រុងអ៊ីស្តង់ប៊ុលនៃប្រទេសតួកគី បានបញ្ចប់ទៅហើយក្រោយចាយពេលអស់ជាងមួយម៉ោង ដោយគ្មានការសម្រេចបានកិច្ចព្រមព្រៀងសន្តិភាពឡើយ ប៉ុន្តែភាគីទាំងសងខាង ឯកភាពគ្នាលើ២ចំណុច នោះគឺការដោះដូរឈ្លើយសឹកទ្រង់ទ្រាយធំ និងការប្រគល់សពទាហានដើម្បីយកទៅបញ្ចុះឲ្យបានសមរម្យ។
តាមការចុះផ្សាយរបស់ BBC, ភាគីទាំងសងខាងសុទ្ធតែច្រានចោលបទឈប់បាញ់ដោយគ្មានលក្ខខណ្ឌទើបមិនអាចធ្វើឲ្យកិច្ចព្រមព្រៀងសន្តិភាពលេចចេញជារូបរាងបាន។ យ៉ាងណា ក្នុងអំឡុងពេលនោះ រុស្ស៊ីបានស្នើឲ្យមានបទឈប់បាញ់រយៈពេល២-៣ថ្ងៃនៅតំបន់សមរភូមិជួរមុខផងដែរ ប៉ុន្តែមិនបញ្ជាក់លម្អិតឡើយ។
ថ្លែងក្នុងសន្និសីទខ្លីមួយបន្ទាប់ពីកិច្ចប្រជុំ រដ្ឋមន្ត្រីការពារជាតិអ៊ុយក្រែន Rustem Umerov ដែលដឹកនាំក្រុមចរចារបស់ទីក្រុងកៀវ បាននិយាយថា អ៊ុយក្រែនទទូចលើ «បទឈប់បាញ់ពេញលេញ» និង «គ្មានលក្ខខណ្ឌ» យ៉ាងហោចណាស់៣០ថ្ងៃទាំងនៅលើដីគោក ដែនសមុទ្រ និងអាកាស ដើម្បី «បញ្ចប់ការកាប់សម្លាប់ឥឡូវនេះ»។ អ៊ុយក្រែនបានប្រគល់សំណើបទឈប់បាញ់របស់ខ្លួនទៅឲ្យប្រទេសរុស្ស៊ីតាំងពីប៉ុន្មានថ្ងៃមុនមកម្ល៉េះ ប៉ុន្តែទីក្រុងមូស្គូមិនព្រមធ្វើតាម។
មូលហេតុនៅពីក្រោយ ការបដិសេធរបស់រុស្ស៊ីលើបទឈប់បាញ់នេះគឺដោយសារទីក្រុងមូស្គូ នៅតែប្រកាន់ជំហរទាមទារឲ្យអ៊ុយក្រែនដកទ័ពចេញពីតំបន់ចំនួនបួននៅភាគនិរតី និងបញ្ឈប់ការចល័តទាហានជាមុនសិន។ រុស្ស៊ីក៏ទាមទារឲ្យមានការទទួលស្គាល់ជាអន្តរជាតិលើតំបន់ Donetsk, Luhansk, Kherson និង Zaporizhzhia ព្រមទាំងឧបទ្វីបគ្រីមៀផងដែរ។
លក្ខខណ្ឌផ្សេងទៀតរួមមាន ការហាមឃាត់សមាជិកភាពរបស់អ៊ុយក្រែនក្នុងអង្គការណាតូ ការកំណត់ទំហំកងទ័ពអ៊ុយក្រែន យកភាសារុស្ស៊ីប្រើជាភាសាផ្លូវការ និងការដកទណ្ឌកម្មអន្តរជាតិលើរុស្ស៊ី។
ដោយឡែកតាមការចុះផ្សាយរបស់ RT វិញ, ដ្បិតមិនឯកភាពលើបទឈប់បាញ់រយៈពេលយូរ តែប្រមុខគណៈប្រតិភូរុស្ស៊ីលោក Vladimir Medinsky និយាយក្នុងសន្និសីទកាសែតថា «ភាគីទាំងពីរនឹងមានការដោះដូរឈ្លើយសឹកគ្នាយ៉ាងតិចម្ខាង១ ០០០នាក់ ប៉ុន្តែតួលេខនេះអាចប្រែប្រួលតាមការជាក់ស្តែង។ ម្យ៉ាងវិញទៀត នៅសប្តាហ៍ក្រោយ រុស្ស៊ីក៏នឹងប្រគល់សពទាហានអ៊ុយក្រែន ៦ ០០០នាក់ទៅឲ្យទីក្រុងកៀវ ផងដែរ ដើម្បីយកទៅបញ្ចុះឲ្យបានសមរម្យ»។
សូមជម្រាបជាថ្មី, កាលពីជំនួបដោយផ្ទាល់លើកទីមួយនៅថ្ងៃទី១៦ខែឧសភា ក្នុងទីក្រុងអ៊ីស្តង់ប៊ុល ដដែលនេះ បានចាយពេលជិត២ម៉ោង ប៉ុន្តែក៏មិនទទួលលទ្ធផលគាប់ប្រសើរ ក្នុងការឈានដល់បញ្ចប់សង្គ្រាមដែរ។ យ៉ាងណា ភាគីទាំងពីរបានឯកភាពដោះដូរឈ្លើយសឹកគ្នាម្ខាង ១ ០០០នាក់៕
អត្ថបទ៖ សុខ សុវណ្ណ
ចុចអាន៖ រុស្ស៊ី ទម្លាយមូលហេតុដែល ហ្សេលេនស្គី ស្វះស្វែងឲ្យមានកិច្ចប្រជុំត្រីភាគី ជាមួយ ពូទីន និងត្រាំ
ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?
សាកលវិទ្យាល័យ ប៊ែលធី អន្តរជាតិ មានកិត្តិយសទទួលស្វាគមន៍ដំណើរទស្សនកិច្ចរបស់ លោកជំទាវអគ្គលេខាធិការអាយប៉ា (AIPA)
ក្រសួងការងារ បដិសេធចំពោះជនខិលខូចដែលប្រើប្រាស់រូបនិងឈ្មោះ លោក ហេង សួរ ក្នុងចេតនាឆបោកសាធារណជន
ក្រុមក្មេងទំនើង៩នាក់ បើកឆាកប្រយុទ្ធគ្នានៅស្រុករវៀង ត្រូវនគរបាលឃាត់ខ្លួន
មន្ត្រីបច្ចេកទេសកសិកម្មឃុំត្រពាំងបី អនុវត្តប្រព័ន្ធកសិកម្មចម្រុះជួយលើកកម្ពស់គុណភាពដីនិងជីវភាពកសិករកាន់តែប្រសើរ
ថៃ ថា មីនដែលទាហានខ្លួនជាន់ ទើបបង្កប់ថ្មីៗ ផ្ទុយពីការអះអាងរបស់ Boonsin Phadklang
មកស្គាល់គ្រាប់មីន PMN-2 ដែលថៃអះអាងថា ទាហានខ្លួនជាន់ដាច់ជើង
លោក ចែម វីឌ្យ៉ា នឹងក្លាយជាកូនខ្មែរទី២ដែលកាន់តួនាទីជាន់ខ្ពស់ក្នុងស្ថាប័នអាស៊ាន
ថាក់ស៊ីន ប្រឈមនឹងការជាប់ពន្ធនាគារ ១៥ឆ្នាំក្នុងសំណុំរឿងបរិហារកេរ្តិ៍ព្រះមហាក្សត្រ
ថៃ កើតជម្លោះផ្ទៃក្នុងមិនចេះចប់! Phumtham និង Anutin ឈ្លោះគ្នារឿងលុយបក្ស
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ