ព័ត៌មានអន្ដរជាតិ
រុស្ស៊ី ទម្លាយមូលហេតុដែល ហ្សេលេនស្គី ស្វះស្វែងឲ្យមានកិច្ចប្រជុំត្រីភាគី ជាមួយ ពូទីន និងត្រាំ
ក្នុងសារបង្ហោះលើបណ្តាញ Telegram កាលពីថ្ងៃសុក្រទី៣០ខែឧសភាឆ្នាំ២០២៥ អនុប្រធានក្រុមប្រឹក្សាសន្តិសុខរុស្ស៊ី Dmitry Medvedev បានលាតត្រដាងអំពីមូលហេតុដែលប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី ចង់រៀបចំឲ្យមានជំនួបកំពូលត្រីភាគីជាមួយប្រមុខវិមានក្រឹមឡាំង វ្ល៉ាឌីមៀរ ពូទីន និងមេដឹកនាំអាមេរិក ដូណាល់ ត្រាំ។
តាមការចុះផ្សាយរបស់ RT, ហេតុផលនៅពីក្រោយរឿងនេះ ត្រូវបានលោក Medvedev អះអាងថា គឺដោយសារតែ ហ្សេលេនស្គី ចង់បង្ហាញដល់ពិភពលោកថា គាត់គឺជាមេដឹកនាំស្របច្បាប់ ដ្បិតអាណត្តិរបស់ខ្លួនក្នុងនាមជាមេដឹកនាំអ៊ុយក្រែន បានផុតកំណត់ទៅហើយក៏ដោយ។
រុស្ស៊ី លែងចាត់ទុកលោកហ្សេលេនស្គី ជាមេដឹកនាំអ៊ុយក្រែនស្របច្បាប់ទៀតហើយ ចាប់តាំងពីអាណត្តិរបស់គាត់ ត្រូវបញ្ចប់តាំងតែពីជាងមួយឆ្នាំមុនមកម្ល៉េះ ហើយតែងចោទថា ហ្សេលេនស្គី បានដាក់ច្បាប់អាជ្ញាសឹកមួយលើកជាពីរលើកដើម្បីយកលេសបញ្ចៀសការបោះឆ្នោតរើសមេដឹកនាំថ្មី។
ជុំវិញរឿងនេះ ត្រូវបានលោក Medvedev យកមកបង្ហោះលើ Telegram ថា លោកហ្សេលេនស្គី ព្យាយាមបង្ហាញឲ្យគេឯងឃើញថា ខ្លួននៅតែជាប្រធានាធិបតីស្របច្បាប់តាមរយៈការចូលរួមប្រជុំជាមួយថ្នាក់ដឹកនាំកំពូលដូចជាលោកពូទីន និងត្រាំ។
លោក Medvedev បន្តថា កិច្ចសន្ទនាត្រីភាគីមានន័យថា ហ្សេលេនស្គី នឹងទទួលបានកម្លាំងជំរុញថ្មីទៀតលើភាពជាមេដឹកនាំស្របច្បាប់របស់ខ្លួន ហើយគាត់អាចទាញយកប្រយោជន៍ពីកិច្ចប្រជុំក្នុងស្រុក ដោយប្រើវាជាលេសដើម្បីផ្អាកការបោះឆ្នោតជាបន្ត និងដើម្បីបញ្ចុះបញ្ចូលពួកឥស្សរជនអ៊ុយក្រែនថា ឥឡូវនេះមិនមែនជាពេលវេលាដើម្បីផ្លាស់ប្តូរមេដឹកនាំទាំងពាក់កណ្តាលទីនោះទេ។
យ៉ាងណា រម្លឹកទៅកាលពីថ្ងៃទី១៦ខែមេសា សភាអ៊ុយក្រែនបានបោះឆ្នោតឲ្យពន្យារពេលច្បាប់អាជ្ញាសឹក រហូតដល់ថ្ងៃទី១១ខែសីហាឆ្នាំ២០២៥ ដែលនេះបានន័យថា លោក ហ្សេលេនស្គី អាចកាន់តំណែងជាប្រធានាធិបតីបន្តទៀតអំឡុងពេលប្រទេសកំពុងកើតសង្គ្រាម។
ការបោះឆ្នោតពន្យារពេលនោះ គឺគាំទ្រដោយតំណាងរាស្រ្ត ៣៥៧រូប អនុញ្ញាតឲ្យរដ្ឋាភិបាលបន្តការកៀរគរកងទ័ព និងផ្អាកដំណើរការបោះឆ្នោត។ អាណត្តិរបស់លោក ហ្សេលេនស្គី ដើមឡើយត្រូវបានបញ្ចប់ជាផ្លូវការនៅឆ្នាំ២០២៤។ យ៉ាងណាមិញ នៅក្រោមច្បាប់អាជ្ញាសឹកអ៊ុយក្រែន ការបោះឆ្នោតរើសមេដឹកនាំថ្មីមិនអាចធ្វើឡើងបានទេ៕
អត្ថបទ៖ សុខ សុវណ្ណ
ចុចអាន៖ រុស្ស៊ី បង្ហាញសមាសភាពគណៈប្រតិភូ សម្រាប់ការចរចាសន្តិភាពថ្មី ជាមួយអ៊ុយក្រែន
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង