ព័ត៌មានជាតិ

ការឆ្លើយតបរបស់កម្ពុជាចំពោះឧប្បត្តិហេតុព្រំដែនថៃ៖ យុគសម័យថ្មីនៃភាពជាអ្នកដឹកនាំរបស់កម្ពុជា

បានផុស

១០ វិនាទី មុន

នៅ

ថ្ងៃពុធ ៤ មិថុនា ២០២៥

ដោយ

លោក Arnaud Darc អតីតប្រធានសភាពាណិជ្ជកម្មអឺរ៉ុបប្រចាំនៅកម្ពុជា (EuroCham Cambodia) និងជាអគ្គនាយកនៃក្រុមហ៊ុន Thalia បានសរសេរនៅលើបណ្តាញសង្គមផ្លូវការរបស់លោកពាក់ព័ន្ធនឹងឧប្បត្តិហេតុព្រំដែនកម្ពុជា-ថៃកាលពីពេលថ្មីៗនេះ ជុំវិញចំណាត់ការរបស់រាជរដ្ឋាភិបាលកម្ពុជាថា៖ អ្វីដែលបានកើតឡើងនៅព្រំដែនកម្ពុជា-ថៃកាលពីសប្តាហ៍មុនបានទាក់ទាញចំណាប់អារម្មណ៍ទូទាំងអាស៊ាន ប៉ុន្តែវាមិនមែនគ្រាន់តែអំពីដីជម្លោះនោះទេ វាជាឆ្លុះបញ្ចាំងពីការផ្លាស់ប្តូរកាន់តែស៊ីជម្រៅក្នុងប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ពីខាងកម្ពុជា ខ្ញុំឃើញមានរឿងសំខាន់មួយដែលបានលាតត្រដាង» នេះបើតាមលោក Arnaud Darc។ លោកថា៖« ក្រោមការដឹកនាំរបស់លោកនាយករដ្ឋមន្ត្រី ហ៊ុន ម៉ាណែត ការឆ្លើយតបរបស់កម្ពុជាចំពោះឧបទ្ទវហេតុនេះមានភាពម៉ឺងម៉ាត់ ប៉ុន្តែស្ថិតក្នុងការគ្រប់គ្រងបាន និង មិនមានការរអ៊ូរទាំឡើយ។ មិនមានការកើនឡើងនៃប្រើប្រាស់អារម្មណ៍លើការដោះស្រាយបញ្ហានោះទេ។ នេះគ្រាន់តែជាសារច្បាស់លាស់៖«អធិបតេយ្យភាពរបស់យើង; ហើយយើងនឹងការពារវាដោយស្ងប់ស្ងាត់ តាមរយៈច្បាប់ ការទូត និងការត្រៀមខ្លួនជាស្រាច់»។ លោកថា ការប្រើប្រាស់នូវយុទ្ធសាស្រ្តនោះគឺពិតជាថ្មី។ វាបង្ហាញពីជំហរចាស់ទុំក្នុងគោលនយោបាយការបរទេសរបស់ប្រទេសកម្ពុជា ដែលពឹងផ្អែកលើភាពស្របច្បាប់ជាជាងការប្រឈមមុខដាក់គ្នា។

លោកបានគូសបញ្ជាក់ទៀតថា ការសម្រេចប្រើប្រាស់យន្តការតុលាការយុត្តិធម៌អន្តរជាតិ(ICJ) ជាកន្លែងដ៏មានសក្ដានុពល មិនមែនគ្រាន់តែជាសិល្ប៍នៃការដោះស្រាយនោះទេ។ វាជាសេចក្តីថ្លែងការណ៍មួយប្រាប់តំបន់ និងពិភពលោកថា «កម្ពុជាជ្រើសរើសច្បាប់ជាជាងការប្រើវោហាសាស្ត្រ។ យើងមិនស្វែងរកការប្រយុទ្ធនោះទេ ប៉ុន្តែយើងក៏មិនរាថយនោះដែរ»។

លោកArnaud Darc បានកក់សម្គាល់ទៀតថា ជាមួយគ្នានេះ រដ្ឋាភិបាលកម្ពុជាបានបញ្ចៀសនូវពាក្យជេរប្រមាថ និងគ្រប់គ្រងការដាក់ពង្រាយកងទ័ពដោយប្រុងប្រយ័ត្ន។ នៅក្នុងបរិយាកាសភូមិសាស្ត្រនយោបាយនាពេលបច្ចុប្បន្ននេះ តុល្យភាពបែបនេះគឺកម្រឃើញណាស់។ ហើយវាផ្ញើសារមិនត្រឹមតែទៅប្រទេសថៃប៉ុណ្ណោះទេ ប៉ុន្តែចំពោះអ្នកវិនិយោគ ដៃគូក្នុងតំបន់ និងប្រជាជនកម្ពុជាខ្លួនឯង៖ នេះគឺជាប្រទេសដែលដឹងពីតម្លៃរបស់ខ្លួន និងដោះស្រាយសម្ពាធដោយវិន័យ។

ប្រៀបធៀបវាទៅនឹងសម្ពាធផ្ទៃក្នុងដ៏ស្មុគស្មាញដែលឥឡូវនេះកំពុងប្រឈមមុខនឹងប្រទេសថៃ ពោលគឺប្រទេសថៃដែលកំពុងប្រឈមអស្ថិរភាពនយោបាយ ការបែកបាក់នៃសម្ព័ន្ធភាព និងឥទ្ធិពលយោធាដែលកំពុងកើនឡើង ហើយអ្នកចាប់ផ្តើមមើលឃើញពីរបៀបដែលចំណុចព្រំដែនអាចមានច្រើនជាងគ្រោះថ្នាក់ក្នុងតំបន់។ រឿងបានក្លាយទៅជានិមិត្តរូបថាតើនរណាដែលកំពុងទទួលបានការគាំទ្រ និងនរណានឹងចាកចេញ។

Arnaud Darc លើកឡើងថា៖«ការណ៍នេះ ខ្ញុំមិនមែននិយាយអំពីជ័យជំនះទេ។ យើងនិយាយអំពីភាពជាអ្នកដឹកនាំក្នុងគ្រាមិនច្បាស់លាស់»។

«ការឆ្លើយតបរបស់កម្ពុជារំឭកយើងថា ភាពខ្លាំងគឺមិនសំដៅទៅលើអំណាចប៉ុណ្ណោះទេ ពោលគឺបង្ហាញអំពីជំហរ។ ហើយនៅក្នុងឥរិយាបថនោះ ខ្ញុំឃើញទិដ្ឋភាពនៃប្រទេសកម្ពុជាសម័យទំនើបដែលកំពុងផ្តល់នូវទំនុកចិត្ត និងលេចរូបរាងឡើងកាន់តែច្បាស់» នេះបើតាមការគូសបញ្ចាក់របស់លោក Arnaud Darc។

បើយោងតាមក្រសួងការបរទេសកម្ពុជា ដែលបានផ្ញើកំណត់ទូតទៅកាន់ស្ថានទូតថៃប្រចាំទីក្រុងភ្នំពេញ ចុះកាលបរិច្ឆេទថ្ងៃទី ២៩ ខែឧសភា បានបញ្ជាក់យ៉ាងច្បាស់ថា នៅថ្ងៃទី ២៨ ខែឧសភា ឆ្នាំ ២០២៥ វេលាម៉ោង ០៥:៣០ នាទីព្រឹក កងកម្លាំងថៃបានបើកការបាញ់ប្រហារដោយខុសច្បាប់ទៅលើលេណដ្ឋានមួយកន្លែង ស្ថិតក្នុងភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ នៃប្រទេសកម្ពុជា ដែលបណ្តាលឱ្យមានការសម្លាប់ទាហានខ្មែរដោយអយុត្តិធម៌។
កំណត់ទូតបញ្ជាក់ថា៖« រាជរដ្ឋាភិបាលកម្ពុជា ទាមទារឱ្យមានការស៊ើបអង្កេតជាបន្ទាន់ និងម៉ត់ចត់លើឧប្បត្តិហេតុហិង្សានេះ ហើយបុគ្គលដែលទទួលខុសត្រូវចំពោះអំពើដ៏សាហាវ និងខុសច្បាប់នេះត្រូវតែនាំមកផ្តន្ទាទោសតាមច្បាប់»។

ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត បានបញ្ជាក់នាឱកាសសម្តេចធិបតី អញ្ជើញចូលរួមបើកកិច្ចប្រជុំគណៈកម្មាធិការសមាជរដ្ឋសភា និងព្រឹទ្ធសភា លើកទី ១ នៅព្រឹកថ្ងៃទី ២ ខែមិថុនា ឆ្នាំ ២០២៥ ជុំវិញតំបន់ព្រំដែន ទោះបីជាភាគីថៃមិនឯកភាពជាមួយកម្ពុជាក្នុងការយកបញ្ហានេះទៅតុលាការយុត្តិធម៌អន្តរជាតិ( ICJ) ក៏កម្ពុជានឹងប្តឹងទៅ ICJ ដើម្បីបញ្ចប់ និងពន្លត់លើបញ្ហានេះ៕