ជីវិតកម្សាន្ដ
ធ្លាក់ខ្លួនលក់អាហារតាមផ្លូវមែនពិត តែតារាប្រុស Yaodong នៅដឹងគុណដល់អ្នកគាំទ្រជានិច្ច
តារាសម្ដែងម៉ាឡេស៊ី Zhang Yaodong បានថតវីដេអូឃ្លិបមួយនៅបណ្ដាញសង្គម TikTok ដើម្បីអរគុណអ្នកដែលបានបង្ហាញការគាំទ្រ បន្ទាប់ពីគេឃើញលោកធ្វើការនៅតូបលក់អាហារមួយកន្លែងក្នុងប្រទេសសិង្ហបុរីកាលពីប៉ុន្មានថ្ងៃមុននេះ។
យោងតាមសារព័ត៌មាន The Star នៅក្នុងការបង្ហោះ TikTok លើកដំបូងរបស់គាត់ដែលបានបង្ហោះកាលពីថ្ងៃពុធ តារាសម្តែងរូបនេះបានថតខ្លួនឯងនៅខាងក្រៅតូបលក់អាហារចំហុយនៅក្នុងហាងកាហ្វេ ក្នុងតំបន់ឧស្សាហកម្ម Tampines ដោយផ្តល់ឲ្យអ្នកទស្សនានូវទិដ្ឋភាពខ្លីៗអំពីស្លាកសញ្ញា និងម៉ឺនុយរបស់តូប។
លោក Zhang បានសរសេរតាមរយៈសំណេរមួយថា «ការចាប់ផ្តើមថ្មីមួយ! សូមអរគុណសម្រាប់ការក្លាយជាផ្នែកមួយនៃវា។ ថ្ងៃនោះនៅតូបលក់អាហារគឺជាការដាស់តឿន។ សេចក្តីសប្បុរសរបស់អ្នកគ្រប់គ្នា បានផ្តល់ឲ្យខ្ញុំនូវកម្លាំងដើម្បីឆ្លុះបញ្ចាំងនិងស្វែងរកជំហានបន្ទាប់របស់ខ្ញុំ»។
តារាសម្ដែងសញ្ជាម៉ាឡេស៊ីរូបនេះថែមទាំងបញ្ចាក់នៅក្នុងវីដេអូទៀតថា «ខ្ញុំដឹងថាមានមិត្តភក្តិជាច្រើន សូម្បីតែអតិថិជនស្មោះត្រង់ ដែលបានថតរូបខ្ញុំជួយនៅទីនេះកាលពីសប្តាហ៍មុន។ ខ្ញុំពិតជាមានអំណរគុណយ៉ាងខ្លាំងចំពោះរាល់ការលើកទឹកចិត្តដែលខ្ញុំបានទទួលនៅលើប្រព័ន្ធផ្សព្វផ្សាយសង្គមនាពេលកន្លងមក។ ខ្ញុំសូមឆ្លៀតឱកាសថ្លែងអំណរគុណដល់មហាជនដែលនៅខាងខ្ញុំ ទោះជានៅស្ងៀមស្ងាត់តែពួកគេបានគាំទ្ររូបខ្ញុំ ក៏ដូចជាមិត្តភក្តិដែលបានមកដល់បន្ទាប់ពីបានឃើញរូបភាព»។
ការបង្ហោះ TikTok បានកើតឡើងប្រហែលមួយសប្តាហ៍ បន្ទាប់ពីអ្នកប្រើប្រាស់ប្រព័ន្ធផ្សព្វផ្សាយសង្គមចែករំលែកវីដេអូរបស់លោកគ្រប់គ្រងតូប និងទទួលការបញ្ជាទិញតែម្នាក់ឯង។ អ្នកប្រើប្រាស់បានកត់សម្គាល់ថា តារាប្រុសតាមពិតចូលទៅជួយ បន្ទាប់ពីបុគ្គលិកម្នាក់បានលាលែងពីការងារ ហើយថាគាត់នៅតែមានសុភាពរាបសារនិងដាក់ខ្លួនជានិច្ច។
អាជីវកម្មអាហាររបស់ Zhang Yaodong កើតឡើងនេះផងដែរ បន្ទាប់ពីមានការត្រួតពិនិត្យជាសាធារណៈមួយរយៈ។ នៅខែកក្កដាឆ្នាំ ២០២៤ មានពាក្យចចាមអារ៉ាមថា គាត់បានបង្កើតកូនចេញពីអាពាហ៍ពិពាហ៍ជាមួយស្ត្រីដែលមានសញ្ជាតិផ្សេងៗគ្នា។ ទោះបីជាលោកបានដាក់របាយការណ៍ប៉ូលិស ហើយបានបដិសេធមិនធ្វើអត្ថាធិប្បាយបន្ថែមនៅពេលនោះក៏ដោយ ប៉ុន្តែក្រោយមកគាត់បានបញ្ជាក់ពីភាពជាឪពុករបស់គាត់នៅក្នុងខែវិច្ឆិកា តាមរយៈការបង្ហោះ Instagram ដែលបង្ហាញពីថ្ងៃឈប់សម្រាកនៅប្រទេសកូរ៉េខាងត្បូង ជាមួយកូនស្រីពីរនាក់របស់គាត់។
នៅក្នុងខែកុម្ភៈឆ្នាំនេះ អង្គភាពគ្រប់គ្រងទេពកោសល្យរបស់ Mediacorp ដែលជាភ្នាក់ងារតារាល្បីបានប្រកាសថា ខ្លួនបានបញ្ចប់តំណាងរបស់ខ្លួនរបស់តារាប្រុសវ័យ៤៧ឆ្នាំ ដែលមិនបានចូលរួមក្នុងផលិតកម្មថ្មីណាមួយឡើយ។
លោក Zhang បានចាប់ផ្តើមអាជីពសម្តែងរបស់គាត់នៅឆ្នាំ ២០០២ បន្ទាប់ពីបានបញ្ចប់ក្នុងចំណាត់ថ្នាក់លេខ១ ក្នុងកម្មវិធីប្រកួតប្រជែងទេពកោសល្យ Star Search នៅប្រទេសម៉ាឡេស៊ី។ មុនពេលសម្ដែង លោកធ្លាប់ធ្វើជាតារាបង្ហាញម៉ូដ និងបង្ហាញខ្លួនក្នុងការផ្សាយពាណិជ្ជកម្មក្នុងប្រទេសម៉ាឡេស៊ី៕
អត្ថបទ៖ សាង ស្រីល័ក្ខ
ចុចអាន៖
-
សន្តិសុខសង្គម៥ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៣ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ១ សប្តាហ៍ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៤ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ