ព័ត៌មានអន្ដរជាតិ
តុលាការធម្មនុញ្ញថៃបើកផ្លូវឲ្យផែថងថានសុំពន្យាពេល ប៉ុន្តែ NACC ត្រៀមចាត់វិធានការបន្ត
រហូតមកដល់ពេលនេះ មិនទាន់មានសេចក្តីរាយការណ៍ជាសាធារណៈណាមួយដែលបានអះអាងថា នាយករដ្ឋមន្រ្តី ផែថងថាន ស៊ីណាវ៉ាត្រ បានស្នើសុំពន្យាពេលសម្រាប់ការដាក់ការឆ្លើយបញ្ជាក់ទៅកាន់តុលាការធម្មនុញ្ញដែលបានសម្រេចព្យួរតំណែងតួនាទីរបស់លោកស្រីនោះទេ បើទោះបីជាលោកស្រីមានសិទ្ធិស្នើសុំពន្យាពេលក៏ដោយ។
តាមសេចក្តីរាយការណ៍របស់ សារព័ត៌មាន បាងកកប៉ុស្តិ៍ នៅថ្ងៃទី១៥ខែកក្កដានេះ ប្រធានតុលាការធម្មនុញ្ញលោក Nakharin Mektrairat បានអះអាងថា លោកស្រី ផែថងថាន អាចស្នើពន្យាពេលដើម្បីដាក់ការឆ្លើយការពាររបស់ខ្លួនក្នុងសំណុំរឿងរំលោភបទដ្ឋានរដ្ឋធម្មនុញ្ញនេះ។
មានសេចក្តីរាយការណ៍ថា លោកស្រី ផែថងថាន នឹងស្នើសុំពន្យាពេលឲ្យបានយូរបំផុតក្នុងបណ្តឹងប្រឆាំងនឹងលោកស្រី ដើម្បីមានពេលវេលាគ្រប់គ្រាន់ធ្វើសកម្មភាព ទាញទំនុកចិត្តពីសាធារណៈជន លើរដ្ឋាភិបាលរបស់លោកស្រី ប៉ុន្តែ នាយករដ្ឋមន្ត្រី ផែថងថាន ក៏ត្រូវប្រឈម នឹងបណ្តឹងដូចគ្នានេះ ដែលត្រូវស៊ើបអង្កេតដោយ គណៈកម្មការប្រឆាំងអំពើពុករលួយជាតិ (NACC)។
NACC នៅថ្ងៃទី១៤ខែកក្កដានេះ បានបោះឆ្នោតជាឯកច្ឆន្ទៈទទួលយកបណ្តឹងរបស់ព្រឹទ្ធសមាជិក៣៦រូបដែលបានដាក់ពាក្យប្តឹងលោកស្រី ផែថងថាន ស៊ីណាវ៉ាត្រ ដោយចោទប្រកាន់ពីប្រព្រឹត្តប្រាសចាកបទដ្ឋានរដ្ឋធម្មនុញ្ញ និង ខ្វះសុចរិតភាព។ ការទទួលយករបស់ NACC គឺនៅពេលត្រឹមតែ២ថ្ងៃប៉ុណ្ណោះ មុនពេលដែលលោកស្រី ផែថងថាន ត្រូវដាក់ការឆ្លើយបញ្ជាក់ទៅកាន់តុលាការធម្មនុញ្ញ។
ស្របគ្នានេះដែរ សេចក្តីរាយការណ៍របស់សារព័ត៌មាន The Nation បានអះអាងថា លោកស្រីផែថងថាន នឹងប្រើប្រាស់សិទ្ធិរបស់ខ្លួនស្នើសុំពន្យាពេលឲ្យបានកាន់តែយូរបំផុតតាមការកំណត់របស់ច្បាប់ ដើម្បីទាញពេលវេលាឲ្យបានយូរសម្រាប់ការស្តារទំនុកចិត្តពីសាធារណៈជនវិញ។
ក្នុងករណីមានការស្នើសុំពន្យាពីលោកស្រី ផែថងថាន កាលបរិច្ឆេទចុងក្រោយបន្ទាប់សម្រាប់ការឆ្លើយបញ្ជាក់របស់លោកស្រី គឺនៅថ្ងៃទី៣១ខែកក្កដា។
ក្នុងពេលដែលតុលាការធម្មនុញ្ញសម្រេចព្យួរតួនាទីនាយករដ្ឋមន្ត្រី របស់លោកស្រីកាលពីថ្ងៃទី១ខែកក្កដា លោកស្រី បានឆ្លើយនឹងអ្នកសារព័ត៌មានថា លោកស្រីនឹងប្រើប្រាស់ពេលវេលា១៥ថ្ងៃដែលនឹងផុតកំណត់នៅថ្ងៃទី១៦ខែកក្កដា ឆ្លើយបំភ្លឺជាមួយតុលាការ។
នៅពេលដែលការដាក់ពាក្យឆ្លើយបំភ្លឺបានទៅដល់ដៃតុលាការធម្មនុញ្ញ ក្រុមសមាជិកព្រឹទ្ធសភាដែលដាក់ពាក្យប្តឹងនោះ នឹងមានពេល១៥ថ្ងៃដើម្បីឆ្លើយតប ហើយការសម្រេចរបស់តុលាការត្រូវបានគេរំពឹងទុកថា នឹងធ្វើឡើងក្នុងពេលណាមួយក្នុងរយៈពេល៦០ថ្ងៃចាប់ពីថ្ងៃព្យួរតួនាទីកាលថ្ងៃទី១ខែកក្កដានោះមក៕
រ៉ាន់ រើយ
តុលាការធម្មនុញ្ញថៃបើកផ្លូវឲ្យផែថងថានសុំពន្យាពេល ប៉ុន្តែ NACC ត្រៀមចាត់វិធានការបន្ត
អភិបាលខេត្តកណ្ដាល ជំរុញឲ្យមន្ត្រីជំនាញ និងអាជ្ញាធរក្រុងតាខ្មៅ ពន្លឿនការស្ដារប្រព័ន្ធលូ ដើម្បីបញ្ចៀសការជន់លិចពេលមានភ្លៀងធ្លាក់
ប្រឡងឌីប្លូមព្រឹកថ្ងៃទី២នៅមណ្ឌលភ្នំពេញអវត្តមានបេក្ខជន៨នាក់ ខណៈថ្ងៃទី១អវត្តមានជាង២០០នាក់
ឱកាសលេងខ្សែក្រវាត់លើកទី២ ក្នុងអាជីពប្រដាល់ សៅយ៉ាន់ វិសាល មានផលចំណេញអ្វីខ្លះ…
មន្ត្រីក្រសួងមហាផ្ទៃ ជំរុញខេត្តសៀមរាប ឱ្យបន្តអនុវត្តគោលនយោបាយភូមិឃុំ សង្កាត់ មានសុវត្ថិភាព កាន់តែល្អ
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
មេធាវីថៃម្នាក់ចេញមុខគាំទ្រជនកំសាក ដែលលួចវាយទាហានកម្ពុជា ទោះប្រទេសថៃកំពុងអាម៉ាស់
CMAC រកឃើញអាវុធវែង៥២ដើមកប់ទុកក្នុងដីបម្រើឲ្យសមរភូមិកាលពីសម័យសង្គ្រាម
មីយ៉ាន់ម៉ា បន្តទម្លាក់គ្រាប់បែកលើតំបន់ជាប់ព្រំដែនថៃ ស្លាប់អ្នកភូមិ២នាក់នៅខាងមីយ៉ាន់ម៉ា
មេភូមិភាគ២ថៃ ថា ជនកំសាកដែលលួចវាយទាហានកម្ពុជា ប្រហែលដោយសារទប់អារម្មណ៍មិនជាប់
-
ព័ត៌មានអន្ដរជាតិ៣ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៥ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានជាតិ៦ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៤ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
សន្តិសុខសង្គម១៩ ម៉ោង agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
-
ព័ត៌មានអន្ដរជាតិ៧ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ