សេដ្ឋកិច្ច
អ្នកនាំពាក្យ៖ ការចុះបញ្ជីចម្ការនាំចេញផ្លែទុរេនស្រស់ទៅចិន ក្រសួងធ្វើឡើង ១ ឆ្នាំម្តង
លោក ឃឹម ហ្វីណង់ បានគូសបញ្ជាក់ថា រាល់ការចុះបញ្ជីចម្ការដើម្បីអាចនាំចេញផ្លែទុរេនស្រស់ទៅកាន់ទីផ្សារប្រទេសចិន គឺ រយៈពេល ១ឆ្នាំ ក្រសួងធ្វើការចុះបញ្ជីចម្ការតែម្តងប៉ុណ្ណោះ ក្នុងនោះប្រសិនបើផុតរដូវប្រមូលផលហើយ គឺមិនអាចចុះបញ្ជីចម្ការបានទៀតនោះទេ។
ប្រាប់ «កម្ពុជាថ្មី» នៅព្រឹកថ្ងៃទី១៤ ខែសីហា នេះ លោក ឃឹម ហ្វីណង់ បានមានប្រសាសន៍ថា៖ ការចុះបញ្ជីចម្ការ នៅក្រសួង ក្នុងការបំពេញតាមគោលការណ៍កសិកម្មល្អ (GAP) លក្ខខណ្ឌភូតគាមអនាម័យ និងស្តង់ដាសុវត្ថិភាពចំណីអាហាររបស់ប្រទេសចិន គឺក្រសួងធ្វើឡើង មានជាវគ្គនៅក្នុងការចុះបញ្ជី ដូច្នេះម្ចាស់ចម្ការដែលបានចុះបញ្ជីជាប់ និងបានវាយតម្លៃរួចពីក្រសួង គឺម្ចាស់ចម្ការនោះជាប់ហើយ។ សម្រាប់ម្ចាស់ចម្ការដែលចង់នាំចុះបញ្ជីដើម្បីអាចនាំចេញទៅទីផ្សារចិន គឺត្រូវតែទៅដាក់ពាក្យស្នើសុំជាថ្មីម្តងទៀតនៅក្រសួង ទៅតាមវគ្គនីមួយៗ។
ក្រោយទទួលបានអនុញ្ញាតជាផ្លូវការពីអគ្គ រដ្ឋបាលគយចិន (GACC) កាលពីកាលពីថ្ងៃទី០៥ ខែកក្កដា ឆ្នាំ២០២៥ កន្លងទៅនេះ ក្នុងការសម្រេចឱ្យកម្ពុជានាំចេញផ្លែទុរេនស្រស់ទៅកាន់ប្រទេសចិន ក្នុងនោះបន្ទាប់ពី GACC បានវាយតម្លៃ និងយល់ព្រមលើសំណើចុះបញ្ជីចម្ការទុរេន គឺមានម្ចាស់ចម្ការចំនួន ១១២កន្លែង និងរោងចក្រវេចខ្ចប់ចំនួន ៣០កន្លែង ដែលបានបំពេញតាមគោលការណ៍កសិកម្មល្អ (GAP) លក្ខខណ្ឌភូតគាមអនាម័យ និងស្តង់ដាសុវត្ថិភាពចំណីអាហាររបស់ប្រទេសចិន។
ចំពោះលើការនាំចេញទុរេនស្រស់ទៅចិន លោក ឃឹម ហ្វីណង់ បានអះអាងថា កម្ពុជាក៏កំពុងរំពឹងទុកថា ទីផ្សារនេះនិងបានជួយពង្រីកនូវការធ្វើផលិតកម្មទុរេននៅកម្ពុជាបន្ថែមទៀត បន្ថែមពីនេះកម្ពុជាក៏មានការរំពឹងទុកខ្ពស់ពាក់ព័ន្ធនិងកសិផលដទៃទៀតដែលកំពុងរងចាំនូវការអនុញ្ញាតជាផ្លូវការពីសំណាកគយចិនផងដែរ។
អ្នកនាំពាក្យរូបនេះបានបញ្ជាក់ថា សមិទ្ធផលទាំងអស់នេះកើតចេញពីការខិតខំប្រឹងប្រែងរបស់ក្រសួងកសិកម្មក្នុងការចរចា រហូតដល់សម្រេចបាននូវការរៀបចំចុះពិធីសារពាក់ព័ន្ធនិងអនាម័យ និងភូតគាមអនាម័យដែលជាការបើកផ្លូវដ៏សំខាន់សម្រាប់ការនាំចេញកសិផលពីកម្ពុជា ទៅកាន់ទីផ្សារប្រទេសចិនដោយផ្ទាល់ផងដែរ។
ជាមួយគ្នានេះ លោក ហេង ឆេងលី ប្រធានសហគមន៍ទុរេនបែកអន្លូង ប្រាប់ កម្ពុជាថ្មី ថា អគ្គនាយកដ្ឋាន កសិកម្មនៃក្រសួងកសិកម្មជ្រើសរើសយកចម្ការចំនួន ១០ ខណៈសហគមន៍របស់លោកបានស្នើចុះបញ្ជីសម្រាប់ការបញ្ជាក់វិញ្ញាបនបត្រការអនុវត្តកសិកម្មល្អ(Cam-GAP)។ ក្រៅពីនេះ ចម្ការសហគមន៍របស់លោកប្រមាណជាង ៦០ បន្ថែមទៀត គ្រោងនឹងរៀបចំចុះបញ្ជី ដើម្បីថ្នាក់ជាតិចុះពិនិត្យកែតម្រូវ មុនពេលចិនមកត្រួតពិនិត្យ។
ប្រធានមន្ទីរកសិកម្មខេត្តពោធិ៍សាត់ លោក ហៃ ធូរ៉ា បានឱ្យដឹងថា មកទល់ពេលបច្ចុប្បន្ន នៅក្នុងខេត្តពោធិ៍សាត់ផ្ទាល់មានម្ចាស់ចម្ការចំនួន ៣ ដែលបានចុះបញ្ជីកសិកម្មល្អនៅក្រសួងកសិកម្មដើម្បីអាចនាំចេញផ្លែទុរេនស្រស់ទៅកាន់ទីផ្សារប្រទេសចិនបាន ហើយជាក់ស្តែងសព្វថ្ងៃនេះ មានម្ចាស់ចម្ការចំនួន ១០ បន្ថែមទៀតផងដែរ ដែលគ្រោងចុះបញ្ជីចម្ការនៅក្រសួងកសិកម្ម៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៤ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ