សេចក្ដីជូនដំណឹង
មកស្គាល់កីឡា ៤ ប្រភេទថ្មីរបស់កម្ពុជា ចូលរួមប្រកួតនៅស៊ីហ្គេម លើកដំបូងនៅឆ្នាំនេះ
កម្ពុជា បាននឹងកំពុងត្រៀមខ្លួនចូលរួមការប្រកួតព្រឹត្តិការណ៍កីឡាអាស៊ីអាគ្នេយ៍ លើកទី ៣១ ឆ្នាំ ២០២១ នៅប្រទេសវៀតណាម ដោយពិធីបើកជាផ្លូវការនឹងចាប់ផ្ដើមនៅថ្ងៃទី ១២ ខែឧសភា។
សម្រាប់ព្រឹត្តិការណ៍ស៊ីហ្គេម លើកទី ៣១ នេះនឹងមានកីឡាចំនួន ៤០ ប្រភេទដាក់ឱ្យប្រកួត ស្មើនឹង ៥២៦ វិញ្ញាសា។ ចំពោះកម្ពុជា នឹងបញ្ជូនកីឡាចំនួន ៣៣ប្រភេទចូលរួម លើកលែងតែ ៧ប្រភេទកីឡាដែលកម្ពុជាពុំចូលរួមមានដូចជា អុកអន្តរជាតិ, បាញ់ធ្នូ, ម៉ូតូទឹក, ប៊ូឡីង, បាល់គប់ (Handball), គុនគូរ៉ាស (Kurash) និង បញ្ចសីលា (Pencak silat)។ ចំពោះកីឡាដែលកម្ពុជាចូលរួមមានដូចជា អត្តពលកម្ម, ហែលទឹក, កាយសម្ព័ន្ធ, បាញ់កាំភ្លើង, តេក្វាន់ដូ WT, ប្រណាំងទោចក្រយាន, គុនដាវ, យូដូ, វ៉ូស៊ូ, ចំបាប់, ប្រដាល់សកល, ការ៉ាតេ, កីឡារាំ, ទ្រីយ៉ាត្លុង, ជឺជីតស៊ូ, លើកទម្ងន់, កានូ/កាយ៉ាក, បាល់ទាត់ (បុរស-នារី), បាល់ទះ, បាល់បោះ (5×5 និង 3×3 បុរស-នារី), សីដក់, វាយកូនឃ្លីលើតុ, វាយសី, វាយកូនបាល់, វាយកូនគោល, វ៉ូវីណាម, ប្រដាល់គុនខ្មែរ, ឃីកបុកស៊ីង, ប៉េតង់, កាយវប្បកម្ម, ប៊ីយ៉ា ស្នូកឃ័រ, កីឡាអេឡិចត្រូនិក និងអុកចិន។
ជាមួយនឹងប្រភេទកីឡាចំនួន ៣៣ នេះ មានកីឡាថ្មីចំនួន ៤ ដែលកម្ពុជា នឹងបង្ហាញខ្លួនជាលើកដំបូង ក្នុងព្រឹត្តិការណ៍នេះ នោះគឺ កីឡាអុកចិន ”Xiangqi”, កីឡាបាញ់កាំភ្លើង, បាល់បោះ 3×3 នារី និងបាល់ទាត់នារី។
ប្រភេទកីឡាអុកចិន ”Xiangqi” មិនត្រឹមតែជាកីឡាលើកដំបូងដែលកម្ពុជា ចូលរួមនោះទេ កីឡានេះក៏ជាកីឡាថ្មីបង្ហាញខ្លួនលើកដំបូងក្នុងព្រឹត្តិការណ៍ដែលធ្វើឡើងរៀងរាល់ ២ ឆ្នាំម្ដងមួយនេះផងដែរ ចាប់តាំងពីបង្កើតឡើងនៅឆ្នាំ ១៩៥៩ មក។ សម្រាប់ការបង្ហាញខ្លួនលើកដំបូងនេះ កម្ពុជា នឹងមានអត្តពលិក ២ រូបចូលរួម។ ចំពោះប្រភេទកីឡាបាញ់កាំភ្លើងវិញ កម្ពុជានឹងបង្ហាញខ្លួនជាលើកដំបូង ចាប់តាំងពីកីឡានេះ បានដាក់បញ្ចូលក្នុងការប្រកួតស៊ីហ្គេមដែលបានកកើតឡើងលើកដំបូងនៅឆ្នាំ១៩៥៩ មកម្ល៉េះ។ កម្ពុជា នឹងមានអត្តពលិក ២ រូបចូលរួមផងដែរ។
សម្រាប់ប្រភេទកីឡាបាល់បោះវិញ លើវិញ្ញាសា 3×3 ក្រុមនារីកម្ពុជា ចូលរួមលើកដំបូងដូចគ្នា បន្ទាប់ពីវិញ្ញាសាមួយនេះទើបតែបានដាក់បញ្ចូលកាលពីឆ្នាំ ២០១៩ ក្នុងស៊ីហ្គេម លើកទី ៣០ នៅប្រទេសហ្វីលីពីន ខណៈពេលនោះ កម្ពុជា បានបញ្ជូនក្រុមបុរសចូលរួម។ បាល់បោះ 3×3 ក្រុមនារីកម្ពុជា នឹងមានការចូលរួមពីកីឡាការិនីកូនកាត់ខ្មែរ-អាមេរិក ៤រូប។
ចុងក្រោយ គឺប្រភេទកីឡាបាល់ទាត់ វិញ្ញាសានារី ក៏ជាលើកដំបូងសម្រាប់បាល់ទាត់នារីកម្ពុជា ចាប់តាំងពីវិញ្ញាសាត្រូវបានដាក់ឲ្យប្រកួតតាំងពីស៊ីហ្គេម លើកទី ១៨ ឆ្នាំ ១៩៩៥ នៅប្រទេសថៃ។ ការចូលរួមលើកដំបូងនេះ ក្រុមបាល់ទាត់ជម្រើសជាតិនារីកម្ពុជា ត្រៀមកីឡាការិនី ៣៥នាក់ ខណៈបច្ចុប្បន្នកំពុងប្រមូលផ្ដុំហ្វឹកហាត់នៅមជ្ឈមណ្ឌលកីឡាបាល់ទាត់ជាតិបាទី ក្នុងខេត្តតាកែវ មុននឹងជម្រុះមកនៅត្រឹម ២០ នាក់ចុងក្រោយចេញទៅវៀតណាម។
ព្រឹត្តិការណ៍កីឡាអាស៊ីអាគ្នេយ៍ លើកទី ៣១ ឆ្នាំ ២០២២ នៅប្រទេសវៀតណាម នឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី ២៣ ខែឧសភា ឆ្នាំ ២០២២ ខាងមុខ ដោយមានប្រតិភូប្រមាណជាង ៥០០០ ពាន់នាក់ ស្មើនឹង ១១ ប្រទេសចូលរួម៕
អត្ថបទ៖ មន្នីរ័ត្ន
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ