ក្រសួងទេសចរណ៍ បើកវគ្គបណ្តុះបណ្តាលដុតនំឥតគិតថ្លៃ តាមរយៈសិក្សាផ្ទាល់ និងអនឡាញ

ក្រសួងទេសចរណ៍ សហការជាមួយក្រុមហ៊ុន Willmar CLV នឹងបើកវគ្គបណ្តុះបណ្តាលបង្រៀនពីជំនាញដុតនំ តាមរយៈប្រព័ន្ធអនឡាញ និងសិក្សាផ្ទាល់ ដោយឥតគិតថ្លៃ ដើម្បីចូលរួមពង្រឹងគុណភាពសេវាកម្ម និងអភិវឌ្ឍន៍សមត្ថភាពថ្មី ដល់អ្នកបម្រើការងារក្នុងវិស័យឧស្សាហកម្មទេសចរណ៍។

ចំពោះវគ្គបណ្តុះបណ្តាលនេះនឹងត្រូវចាប់ផ្តើមនៅថ្ងៃទី១៣ ខែមករា ឆ្នាំ២០២៣ ខាងមុខ ជារៀងរាល់ថ្ងៃសុក្រ។ ចំពោះអ្នកដែលមានបំណងចង់សិក្សាតាមប្រព័ន្ធអនឡាញ អាចសិក្សាបានដោយសេរី និងចុះឈ្មោះតាមរយៈ គេហទំព័រ៖ www.tptd.org ។

សម្រាប់អ្នកដែលចង់សិក្សាដោយផ្ទាល់ អាចចុះឈ្មោះតាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចេណ៍នៃក្រសួងទេសចរណ៍ ឬ តាមរយៈលេខទូរស័ព្ទ ០៧៨ ៨៩៩ ៩១៩ ឬ ០៩៦ ៤៩៥ ២៧៩១។

សូមជម្រាបថា សម្រាប់ថ្នាក់សិក្សាផ្ទាល់ គឺចំនួនមានកំណត់ ដូច្នេះ ប្រសិនជាលោកអ្នកមានចំណាប់អារម្មណ៍ ចង់សិក្សាដោយផ្ទាល់ជាមួយក្រសួងទេសចរណ៍ អាចចុះឈ្មោះនៅការិយាល័យ និងលេខទូរស័ព្ទខាងលើ៕

ដោយ៖ អុន ស្រីមាន