វប្បធម៌ ជំនឿ
ប្រទាលកន្ទុយក្រពើមិនត្រឹមជំនួយសុខភាពនិងសម្រស់ តែក៏ជារុក្ខជាតិហុងស៊ុយអាចស្រូបទាញថាមពលអវិជ្ជមានយ៉ាងស័ក្តិសិទ្ធិ
ប្រទាលកន្ទុយក្រពើ (Aloe Vera) ជារុក្ខជាតិផ្ដល់នូវគុណប្រយោជន៍ចំពោះសុខភាព សម្រស់ ប្រើជាឱសថព្យាបាលរោគា ព្រមទាំងជាហុងស៊ុយការពារភាពអវិជ្ជមាននានាមិនឱ្យយាយីអ្នកផ្ទះទៀតផង។
រុក្ខជាតិប្រភេទនេះ ត្រូវបានគេដាំដុះនិងប្រើប្រាស់យ៉ាងទូលំទូលាយស្ទើរពេញពិភលោក ព្រោះតែសារប្រយោជន៍ដ៏កំពូល និងមានភាពងាយស្រួលក្នុងការថែទាំ។
និយាយចំពោះសុខភាព ប្រទាលកន្ទុយក្រពើ ជាថ្នាំស័ក្តិសិទ្ធិជួយព្យាបាលដំបៅ បែកពង ឬខ្ទុះ ព្យាបាលស្នាមរបួស រលាកផ្សេងៗ សម្អាតមេរោគក្នុងមាត់ គ្រប់គ្រងជាតិស្ករក្នុងឈាមបានល្អ ជួយព្យាបាលបញ្ហារំលាយអាហារ ជួយក្នុងការបន្សាបជាតិពុល ព្យាបាលពេលសត្វល្អិតទិច ឬខាំ។ល។
បើងាកមកខាងសម្រស់វិញ រុក្ខជាតិបៃតងនេះ អាចបង្ការនិងព្យាបាលមុន ជំនួយសរសៃសក់ឱ្យលូតលាស់ល្អ ក៏ដូចជាផ្ដល់ឱ្យស្បែកភ្លឺថ្លា ពន្យារភាពជ្រៀវជ្រួញ និងត្រូវបានគេយកទៅផលិតជាគ្រឿងសម្អាងផងដែរ។
ប្រទាលកន្ទុយក្រពើ ក៏រុក្ខជាតិពិសេសដែលមានសមត្ថភាពស្រូបខ្យល់ពុលបានល្អទៀតផង។ យោងតាមការការស្រាវជ្រាវមួយរបស់ Nutrition Neuroscience បានបង្ហាញថា ប្រទាលកន្ទុយក្រពើអាចជួយកម្ចាត់នូវសារធាតុគីមីចេញពីក្នុងខ្យល់ ជំនួយការដកដង្ហើម ពេលដាំក្នុងផ្ទះ ជួយពង្រឹងការចងចាំ ជួយកាត់បន្ថយជំងឺបាក់ទឹកចិត្ត និងបញ្ហាថប់បារម្ភ។
ប្រទាលពាន់ឆ្នាំនេះ ក៏ត្រូវបានអ្នកមានជំនឿលើហុងស៊ុយអះអាងថា អាចស្រូបទាញរឿងរ៉ាវក្ដីក្ដាំ ភាពអពមង្គល និងថាមពលអវិជ្ជមានពីខាងក្រៅ មិនចូលគេហដ្ឋានបានឡើយ។
ដើម្បីដាំប្រទាលកន្ទុយក្រពើឱ្យបង្កើតហុងស៊ុយក្នុងផ្ទះ គេមិនត្រូវដាក់ផើងរបស់វាក្នុងបន្ទប់គេង ឬបន្ទប់ទឹកជាដាច់ខាត ដោយត្រូវដាក់នៅក្បែរបង្អួច យ៉ផ្ទះ ឬដាំមុខផ្លូវចូលផ្ទះក៏បាន។ ប្រសិនចង់បានហុងស៊ុយសំណាងល្អនិងសុខភាពបរិបូណ៌ ត្រូវដាក់វានៅទិសខាងកើត អាគ្នេយ៍ ខាងជើង ឬខាងត្បូង។
ការដាក់តាំងនិងដាំបែបនេះ គេជឿថា អាចជួយការពារគ្រោះចង្រៃ និងផ្ដល់ដល់ក្ដីសុខគ្រួសាររួចផុតការបៀតបៀនពីថាមពលអាក្រក់ទាំងឡាយទាំងពួង៕
ប្រែសម្រួល៖ សន្យា
ប្រភព៖ fengshuied
ចុចអាន៖ ដើមរាសី រុក្ខជាតិកម្ចាត់ខ្យល់ពុល ជួយបង្កើនសំណាងដល់គ្រួសារនិងអាជីព
ចុចអាន៖ ដើមឈើជុំវិញផ្ទះមិនចេះតែដាំទេ! ទាល់តែត្រូវទិស ទើបអាចនាំសំណាងល្អ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)