វប្បធម៌ ជំនឿ

វត្ថុតុបតែងគេហដ្ឋាន ៥ យ៉ាង ជួយបង្កើនហុងស៊ុយ និងនាំភាពត្រជាក់ត្រជំ ដល់ម្ចាស់ផ្ទះ

បានផុស

២ years មុន

នៅ

ថ្ងៃចន្ទ ២០ មិថុនា ២០២២

ដោយ

ផ្ទះគឺជាកន្លែងដែលត្រូវការការថែទាំពិសេស ការមានផ្ទះល្អឆ្លុះបញ្ចាំងពីជីវិតដ៏ល្អ នៃគ្រួសារល្អ។ ដូច្នេះហើយ ការថែរក្សាផ្ទះត្រូវយកចិត្តទុកដាក់យ៉ាងខ្ពស់ ហើយក្រៅពីត្រូវមើលថែផ្ទះឲ្យមានសភាពស្អាត នៅមានកិច្ចការជាច្រើនដែលត្រូវធ្វើសម្រាប់អ្នកជាម្ចាស់ផ្ទះ។

ថ្ងៃនេះ គ្រូ ណុប បានប្រមូលផ្តុំនូវព័ត៌មានល្អៗ ពីប្រភពចំណេះដឹងផ្សេងៗដែលអាចជួយពង្រឹងហុងស៊ុយក្នុងផ្ទះរបស់អ្នក ដើម្បីជួយការពារគ្រោះថ្នាក់ផ្សេងៗ និងជួយទាក់ទាញសំណាង។ ជាពិសេសវត្ថុនោះ ក៏ជួយនាំភាពត្រជាក់ត្រជំដូចគ្នា។

១ រូបសំណាកដំរី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំរីជាសត្វដែលមានកម្លាំងខ្លាំង និងជាសត្វខ្ពស់ជាងគេ។ ថ្វីដ្បិតដំរីជាសត្វដែលមានកម្ពស់ខ្ពស់ និងមានកម្លាំងខ្លាំងក៏ដោយ ប៉ុន្តែដំរីក៏ជាសត្វមិនហិង្សា មិនងាយធ្វើបាបអ្នកដទៃ។ ដូច្នេះហើយ ការនាំយករូបសំណាកដំរីមកធ្វើជាគ្រឿងតុបតែងផ្ទះ គេមានជំនឿថា ដើម្បីឲ្យមានកម្លាំងធំដូចដំរី (សំដៅលើភាពអស្ចារ្យក្នុងវិស័យការងារ) ហើយកម្លាំងរបស់ដំរីនឹងជួយបណ្តេញគ្រោះថ្នាក់ទាំងអស់មិនឲ្យចូល។ រូបសំណាកដំរី គឺជាគ្រឿងតុបតែងគេហដ្ឋាន ហុងស៊ុយដ៏សំខាន់បំផុតមួយ ដើម្បីតុបតែងគេហដ្ឋាន ឬការិយាល័យរបស់អ្នក។

២ រូបសំពៅ

បើយោងតាមជំនឿគេជឿថា សំពៅជាវត្ថុដ៏ល្អមួយ ដែលជួយទាក់ទាញទ្រព្យសម្បត្តិ និងភាពរុងរឿងដល់អ្នក ហើយជួយពង្រឹងហុងស៊ុយផ្ទះ ក្នុងលាភសំណាងផងដែរ។ ការនាំយកទូកសំពៅមកបន្ថែមហុងស៊ុយក្នុងផ្ទះ នឹងស្របទៅនឹងការប្រើប្រាស់សំពៅក្នុងអតីតកាល ដែលអ្នកក្រុងបានប្រើសំពៅក្នុងជំនួញ។ ទំនាក់ទំនង និងធ្វើពាណិជ្ជកម្មជាមួយប្រទេសផ្សេងៗ ដូច្នេះហើយកាលពីមុន សំពៅនឹងនាំទ្រព្យសម្បត្តិដល់អ្នកក្រុង ដោយនាំយកគ្រឿងអលង្កាល្អៗផ្សេងៗ។

៣ ត្រីកន្ទុយបីមួយគូ

ចំពោះអ្នកមានបញ្ហាស្នេហា រួមរស់ជាមួយគ្នាមិនចុះសម្រុងជាដើម ត្រីកន្ទុយបីមួយគូនឹងជួយឲ្យគ្រួសារនោះមានសេចក្ដីស្រឡាញ់ចំពោះគ្នាវិញ។ ព្រោះការមានត្រីមួយគូជាមួយគ្នា គឺជាក្តីស្រលាញ់ដែលពួកគេមានចំពោះគ្នា ហើយវាឆ្លុះបញ្ចាំងថាគ្មាននរណាម្នាក់អាចស្រលាញ់យើង ដូចគ្រួសារយើងនោះទេ។ ដូច្នេះត្រីមួយគូ ជាវត្ថុស័ក្ដិសិទ្ធិល្អសម្រាប់ពង្រឹងហុងស៊ុយនៃសេចក្ដីស្រឡាញ់ ចំពោះមនុស្សក្នុងផ្ទះ ។

៤ នាគបៃតង

ជនជាតិចិនមានជំនឿថា នាគបៃតង ជាវត្ថុស័ក្ដិសិទ្ធិ ដែលគេប្រើសម្រាប់តុបតែងផ្ទះ ដើម្បីពង្រឹងហុងស៊ុយ ដែលមានកម្លាំងជំរុញខ្លាំងក្នុងហុងស៊ុយ។ ដោយសារតែគេជឿថា នាគពណ៌បៃតង គឺជានិមិត្តសញ្ញានៃសំណាង និងអំណាចដែលនឹងនាំមកនូវភាពរុងរឿងដល់ម្ចាស់។

៥ នាគហោះលើលើពពក

មិនបាច់និយាយទេ យើងប្រហែលជាបានដឹងរួចមកហើយថា សត្វនាគគឺជាសត្វទេវកថារបស់ប្រជាជនចិន ហើយអំណាចនៃនាគ គឺគ្មានអ្វីដែលអាចប្រៀបធៀបបានឡើយ។ រួមទាំងអំណាចគ្រប់គ្រងធាតុទាំង៤គឺ ដី ទឹក ខ្យល់ ភ្លើង ដូច្នេះហើយការបន្ថែមហុងស៊ុយជាមួយនាគ នឹងជួយការពារគ្រោះថ្នាក់ ជួយនាំសំណាង និងថាមពលមកអ្នកពីអំណាចនៃនាគមានដល់ម្ចាស់ផ្ទះផងដែរ។

យ៉ាងណាហើយ ក្រោយមិត្តអ្នកអានបានដឹងពីការវត្ថុសម្រាប់តុបតែងផ្ទះទាំង ៥ ដើម្បីពង្រឹងហុងស៊ុយ ដូចដែលបានណែនាំខាងលើ។ ថ្វីត្បិតតែផ្ទះស្អាតហើយ តែបើបន្ថែមវត្ថុហៅសំណាង ហៅអំណាច និងលុយកាក់បន្ថែមដល់ផ្ទះ ក៏ជាការប្រសើរបំផុតសម្រាប់គ្រួសារទាំងអស់គ្នា៕

គ្រូ ណុប

ចុចអាន៖ក្បួនថ្វាយបង្គំតាកំប៉ោង ជួយបង្កើនហិរញ្ញវត្ថុ និងការងារឲ្យកាន់តែរីកចម្រើន

ចុចអាន៖គោលការណ៍ហុងស៊ុយ ៩ ប្រភេទ ជួយម្ចាស់ផ្ទះ មានតែរឿងសុភមង្គល និងបង្កើនលុយកាក់