Connect with us

វប្បធម៌ ជំនឿ

ជ័យលាភីទាំង ៥ នៃមហោស្រពសិល្បៈល្ខោនបាសាក់ ឆ្នាំ២០២២ ទទួលពាន និងថវិកា ៣៥ លានរៀល

បានផុស

នៅ

ក្រោយពីការប្រកួតដ៏ស្វិតស្វាញកន្លងមកនេះ ទីបំផុត មហោស្រពល្ខោនបាសាក់ទូទាំងប្រទេស​​ ឆ្នាំ២០២២ ប្រធានបទ “វប្បធម៌សន្តិភាព” នាល្ងាចថ្ងៃទី៤ ខែតុលា ឆ្នាំ២០២២នេះ បានរកឃើញម្ចាស់ជ័យលាភីហើយ ដោយជើងឯកទាំង ៥ ក្រុម ទទួលពាន និងប្រកាសនីយបត្កិត្តិយស ព្រមទាំងថវិកាសរុបចំនួន ៣៥ លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជ័យលាភីលេខ១ ទទួលបានពានមាស១ អមដោយទឹកប្រាក់ ១០ លានរៀល និងថវិកាសប្បុរជនបន្ថែមចំនួន ៣ លានរៀល បានទៅលើក្រុមឈ្មោះ ក្រុមរស្មីវប្បធម៌ខេត្តកែប មកពីខេត្តកែប រឿង ទេពវង្សកុមារ ធីតានាគរាជ។

ជ័យលាភីលេខ២ ទទួលបានពានប្រាក់១ អមដោយទឹកប្រាក់ ៧ លានរៀល និងថវិកាសប្បុរជនបន្ថែមចំនួន ២ លានរៀល បានទៅលើក្រុមឈ្មោះ នាយប៉េងប៉ោះ មកពីខេត្តកំពង់ចាម រឿង ពិជ័យរតនា ចំប៉ាមរកត។

ជ័យលាភីលេខ៣ ទទួលបានពានសំរិទ្ធ១ អមដោយទឹកប្រាក់ចំនួន ៤ លានរៀល និងថវិកាសប្បុរជនចំនួន ១ លានរៀល បានទៅលើក្រុមឈ្មោះ អុល សំអាង វង់ទី១ មកពីរាជធានីភ្នំពេញ រឿង មហាសេនាភក្ដី។

ចំណាត់ថ្នាក់កិត្តិយស ២ក្រុម ទទួលបានប្រកាសនីយបត្រ អមដោយទឹកប្រាក់ក្នុង១ក្រុមទឹកប្រាក់ចំនួន ៣ លានរៀល និងថវិកាសប្បុរជនចំនួន ១ លានរៀល បានទៅលើ ក្រុមល្ខោនបាសាក់រស្មីអង្គរ ខេត្តបន្ទាយមានជ័យ រឿង លោភៈ និងក្រុមសិល្បៈ ម៉ាប់ស្រី រស្មីជាតិ ខេត្តកណ្ដាល រឿង កំផែងវណ្ណៈ ឬជីវិតចៅកំសត់។

លោកស្រី ម៉ិញ កុសនី អបអរសាទរចំពោះ សិល្បករ សិល្បការិនី ល្ខោនបាសាក់ ទាំងអស់ ដែល​ទទួលបាន​​ជ័យលាភីនៅក្នុង មហោស្រពល្ខោន​បាសាក់ទូទាំង ប្រទេសឆ្នាំ២០២២ ជាពិសេស ក៏លើកទឹកចិត្ត​ដល់សិល្បករ សិល្បការិនី ដែលមិនទទួលបានពានរង្វាន់ និងសុំ​បន្តការខិតខំប្រឹងប្រែងបន្តទៀត ដើម្បីរួមចំណែកលើកស្ទួយ វិស័យសិល្បៈទស្សនីយភាពឱ្យកាន់​តែរីកចម្រើន ប្រកបដោយ និរន្តរភាព។

លោកស្រី ម៉ិញ កុសនី មានប្រសាសន៍ថា៖ “ដូចដែលយើងទាំងអស់គ្នាបានដឹងហើយថា មហោស្រពល្ខោនបាសាក់មិនគ្រាន់តែជា​វេទិកា ប្រកួតប្រជែងយក​ពានរង្វាន់នោះទេ ប៉ុន្តែគឺជាទីកន្លែងជួបជុំសិក្សាស្វែងយល់ វាស់ស្ទង់​សមត្ថភាព និងការចែករំលែកបទពិសោធន៍ និងចំណេះដឹងផងដែរ។ ដូចនេះ គោលដៅ​សំខាន់នៃការរៀបចំ មហោស្រពល្ខោនបាសាក់ គឺដើម្បីផ្តល់​ឱកាស​ក្នុងការសិក្សាពីចំណុចខ្លាំង និងចំណុចខ្សោយ លើផ្នែកតាក់តែងនិពន្ធរឿង ការដឹកនាំតម្លើងរឿង និងការ​សម្តែង​ជាដើម សំដៅ​ពង្រឹងសមត្ថភាព និងលើកកម្ពស់វិស័យសិល្បៈទស្សនីយភាពមួយនេះ ដើម្បីឈានទៅដល់​ការប្រកួត​ប្រជែង​លើឆាក អន្តរជាតិ”។

រដ្ឋលេខាធិការ ក្រសួងវប្បធម៌ និងវិចិត្រសិល្បៈ រូបនេះលើកឡើងថា ក្រសួង ចាត់ទុក​មហោស្រពល្ខោនបាសាក់ ឆ្នាំ២០២២​នេះ គឺជា​ព្រឹត្តិការណ៍ប្រចាំឆ្នាំដ៏មានសារៈសំខាន់ ក្នុងការរួម​ចំណែកលើក​ស្ទួយសិល្បៈ ទស្សនីយភាពខ្មែរ ពិសេស​ល្ខោនបាសាក់ ឱ្យមានសកម្មភាពរស់រវើកឡើងវិញ តាមរយៈ ការផ្សព្វផ្សាយ តាមបណ្តាញសង្គម សាលារៀន អង្គការ សមាគមនានា  ធ្វើយ៉ាងណាឱ្យមហាជនគ្រប់ស្រទាប់ ពិសេសយុវជន បានស្គាល់ និងយល់ដឹងពីសិល្បៈវប្បធម៌ ដ៏សម្បូរបែបរបស់ខ្មែរ។

លោកស្រី ម៉ិញ កុសនី មានប្រសាសន៍ថា៖ “ខ្ញុំមានជំនឿយ៉ាងមុតមាំថា មហោស្រពល្ខោនបាសាក់ឆ្នាំ២០២២នេះ ពិតជាអាចផ្តល់​នូវ​សារប្រយោជន៍កាន់តែច្រើនថែមទៀតសម្រាប់ជាបទពិសោធន៍ និងបាន​រួម​ចំណែកក្នុងការថែរក្សាការពារ ពង្រឹងនូវ​អត្តសញ្ញាណជាតិ លើកកម្ពស់វប្បធម៌ ប្រពៃណី និងទំនៀមទំលាប់ជាតិរបស់ខ្លួន ដូចពាក្យថា៖ “កិច្ចថែរក្សាការពារ បេតិកភណ្ឌវប្បធម៌ គឺជាភារកិច្ចរបស់កូនខ្មែរគ្រប់ៗរូប”។

លោក ឈាង ឆដាភ័ក្ត្រ ប្រធានស្តីទី នាយកដ្ឋានសិល្បៈទស្សនីយភាព មានប្រសាសន៍ថា គោលបំណងនៃការរៀបចំមហោស្រពល្ខោនបាសាក់ឆ្នាំ២០២២ ក្រោមប្រធានបទ “វប្បធម៌សន្តិភាព” គឺដើម្បីថែរក្សា ការពារ លើកស្ទួយ លើកទឹកចិត្តសិល្បករល្ខោនបាសាក់ និងដើម្បីផ្សព្វផ្សាយជូនដល់មហាជន។

លោក ឈាង ឆដាភ័ក្ត្រ មានប្រសាសន៍បន្តថា៖ “ជាពិសេសេយុវជន យុវនារី ដែលជាទំពាំងស្នងឬស្សីនៃប្រទេសជាតិ ឱ្យបានស្គាល់ និងស្វែងយល់អំពីល្ខោនបាសាក់ ព្រមទាំងរួមគ្នាគាំទ្រមរតកវប្បធម៌ខ្មែរ។ នៅចុងបញ្ចប់នៃមហោស្រព គណៈកម្មការមេប្រយោគបានរកឃើញជ័យលាភីចំនួន ៣ ក្រុម ដែលមានសមត្ថភាព និងទេពកោសល្យ យ៉ាងពិតប្រាកដ នាឆ្នាំ២០២២នេះ។ ព្រឹត្តិការណ៍វប្បធម៌នាឱកាសនេះ គឺពិតជាទទួលបានលទ្ធផលគួរជាទីមោទនភាពយ៉ាងក្រៃលែង”។

លោក ឈាង ឆដាភ័ក្ត្រ បានឱ្យដឹងថា មហោស្រពនេះបានរៀបចំឡើងមាន ២វគ្គ។ វគ្គទី១ តម្រូវឱ្យក្រុមល្ខោនបាសាក់ផ្ញើវីដេអូសម្តែងដើម្បីចូលរួមប្រកួតតាមរយៈអនឡាញ។ ក្នុងនោះក្រុមសិល្បករល្ខោនបាសាក់ចំនួន ១០ក្រុមបានដាក់ពាក្យដើម្បីចូលរួមប្រកួត មានដូចជា៖ រាជធានីភ្នំពេញ ១ក្រុម, ខេត្តកណ្តាល ៣ក្រុម, ខេត្តកំពង់ស្ពឺ ១ក្រុម, ខេត្តកំពង់ឆ្នាំង ១ក្រុម, ខេត្តកំពង់ចាម ១ក្រុម, ខេត្តបន្ទាយមានជ័យ ១ក្រុម, ខេត្តត្បូងឃ្មុំ ១ក្រុម, ខេត្តកែប ១ក្រុម។ វគ្គទី២ គឺជាវគ្គជម្រុះយក ៥ ក្រុមដើម្បីឈានទៅវគ្គផ្តាច់ព្រ័ត្រ ដើម្បីមកប្រឡងផ្ទាល់នៅនាយកដ្ឋានសិល្បៈទស្សនីយភាព៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥ នាទី មុន

ក្រសួងមហាផ្ទៃ រំពឹងឈ្នះមេដាយសរុបលើស ១០០ គ្រឿង នៅថ្ងៃនេះ នៃព្រឹត្តិការណ៍កីឡាជាតិលើកទី ៣

ព័ត៌មានជាតិ២៣ នាទី មុន

សម្តេចតេជោ ហ៊ុន សែន អញ្ជើញជួបសំណេះសំ ណាលជាមួយមន្ត្រីគណបក្សប្រជាជនកម្ពុជានៅក្នុងរាជធានីភ្នំពេញ ជាង៣ពាន់នាក់

ជីវិតកម្សាន្ដ២៨ នាទី មុន

CL ទទួលបានការស្វាគមន៍ការមកដល់យ៉ាងកក់ក្ដៅពីហ្វេនជាច្រើន ពិសេសអាយដល Top5 អ្នកឧកញ៉ា សំអាង វឌ្ឍនៈ ដោយផ្ទាល់ នៅអាកាសយានដ្ឋានអន្តរជាតិភ្នំពេញប្រទេសកម្ពុជា កាលពីយប់មិញនេះ!

ព័ត៌មានជាតិ១ ម៉ោង មុន

ព្រឹត្តិការណ៍រាត្រីសមោសរ សប្បុរសធម៌ នៅបរិវេណប្រាសាទបាយ័នថ្ងៃទី ១៦ ធ្នូ

ជីវិតកម្សាន្ដ២ ម៉ោង មុន

បវរកញ្ញា ទៀង បូរមី មោទនភាពចំពោះសមិទ្ធផល​ទទួលបាន”Top16″ ពីការប្រកួត​លើឆាកអន្តរជាតិ

Sokha Hotels

ព័ត៌មានពេញនិយម