វប្បធម៌ ជំនឿ

បុរាណថា ដាក់ក្រូចឆ្មាក្នុងផ្ទះនឹងបង្កើនទ្រព្យសម្បត្តិ បញ្ជៀសឧបទ្រព

បានផុស

៣ years មុន

នៅ

ថ្ងៃសៅរ៍ ២១ តុលា ២០២៣

ដោយ

ជារឿយៗយើងតែងឮនូវពាក្យចចាមអារ៉ាមអំពីក្រូចឆ្មារ គេជឿថាអ្នកគួរយកវាដាក់ក្នុងចាន ឬពែង ហើយដាក់នៅខាងក្រោយទូ ឬនៅលើតុបរិភោគអាហារប្រហែល ៨-៩គ្រាប់ នឹងជួយបង្កើនទ្រព្យសម្បត្តិ ការងារ ហិរញ្ញវត្ថុ និងការរីកចម្រើនបន្ថែមទៀតនៃជីវិតទៅថ្ងៃមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រូចឆ្មាក៏ជួយឲ្យមានក្លិនល្អ ដោយអាចជួយដោះស្រាយថាមពលអាក្រក់ ភាពអពមង្គលឬបញ្ចៀសនូវរឿងអាក្រក់ដែលប្រុងនឹងចូលមកសំងំក្នុងផ្ទះលោកអ្នក។

ដាក់ក្រូចឆ្មាបីក្នុងចានមួយនៅលើតុ ឬក្បែរគ្រែរបស់អ្នកជារៀងរាល់យប់មុនពេលចូលគេង។ វានឹងជួយរុញច្រានរឿងអាក្រក់ៗចេញឆ្ងាយ ហើយនឹងជួយទាក់ទាញរបស់ល្អដល់មនុស្សនៅក្នុងផ្ទះ។

ប្រសិនបើយើងមិនចង់នាំថាមពលអាក្រក់មកក្នុងជីវិតរបស់យើង។ ក្រូចឆ្មាត្រូវកាត់ជា ៤ ចំណែក ហើយត្រាំក្នុងអំបិល។ ដាក់វានៅក្រោមគ្រែរបស់អ្នករាល់យប់។ មនុស្សបុរាណបានជឿលើវាថា វានឹងជួយបណ្តេញរឿងអាក្រក់ចេញពីខ្លួនអ្នកជាក់ជាមិនខានទេ។

លើសពីនេះផងដែរ ក្រូចឆ្មាត្រូវបានគេប្រើក្នុងការធ្វើម្ហូបដើម្បីបង្កើតរសជាតិកាន់តែឆ្ងាញ់ និងភាពឈ្ងុយចេញពីក្រូច។ហើយបន្ថែមពីលើអត្ថប្រយោជន៍ដែលល្អសម្រាប់សុខភាពរាងកាយរបស់យើង ក្រូចឆ្មាជាបន្លែដែលមានពណ៌បៃតង និងមានក្លិនក្រអូប។ ដូច្នេះ គេអាចដាក់នៅចំណុចផ្សេងៗក្នុងផ្ទះបានផងដែរ។

ទោះយ៉ាងណាក៏ដោយ ជឿឬមិនជឿ សូមប្រើការវិនិច្ឆ័យរបស់អ្នកមកសម្រចចិត្ត ដោយសារនេះគ្រាន់តែជាវិធីរបស់មនុស្សបុរាណតែប៉ុណ្ណោះ៕