សេដ្ឋកិច្ច

ក្រុមហ៊ុនអាកាសចរណ៍ Cambodia Airway តភ្ជាប់ជើងហោះហើរពីក្រុងព្រះសីហនុ-ឆឹងទូ

បានផុស

៥ ខែ មុន

នៅ

ថ្ងៃពុធ ២១ មករា ២០២៦

ដោយ

ក្រុមហ៊ុនអាកាសចរណ៍ Cambodia Airway បានបើកជើងហោះហើរត្រង់ជាផ្លូវការពីទីក្រុងកំពង់សោម ទៅទីក្រុងឆឹងទូ (Chendu) ចាប់ពីថ្ងៃទី ២១ ខែមករា ឆ្នាំ ២០២៦ ដែលមាន ៣ ជើង ក្នុងមួយសប្ដាហ៍ គឺថ្ងៃពុធ សុក្រ និងថ្ងៃអាទិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមពាក់កណ្ដាលខែមករា ឆ្នាំ ២០២៦ អាកាសយានដ្ឋានអន្តរជាតិព្រះសីហនុ ទទួលបានជើងហោះហើរ ៥៤ ជើង ក្នុងមួយសប្ដាហ៍ (ទ្វេទិស)។

លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា (PATA) មានប្រសាសន៍ថា ការតភ្ជាប់ជើងហោះហើរពីកម្ពុជាទៅទីក្រុងឆឹងទូ ប្រទេសចិន មានគុណតម្លៃមហាសាលសម្រាប់វិស័យទេសចរណ៍ និងសេដ្ឋកិច្ចកម្ពុជា ប្រសិនបើការតភ្ជាប់ជាអចិន្ត្រៃយ៍ ប៉ុន្តែសួរថាតើការតភ្ជាប់ជើងហោះហើរនេះ ជាបណ្ដោះអាសន្ន ឬយ៉ាងណា ខណៈរាជរដ្ឋាភិបាលកំពុងបង្ក្រាបទៅលើក្រុមល្បែងឧក្រិដ្ឋកម្មអនឡាញខុសច្បាប់ ដោយសារមានបុគ្គលិកមកពីចិនច្រើនដែលកំពុងសម្រុកទៅចិនវិញ។

យោងតាមអាកាសចរណ៍ស៊ីវិល នៅក្នុងឆ្នាំ ២០២៥ កម្ពុជាទទួលបានជើងហោះហើរចេញ-ចូល (ទ្វេទិស) ចំនួន ៦៤ ៨២១ ជើង កើនឡើង ១១% ធៀបនឹងឆ្នាំ ២០២៤, អ្នកដំណើរចេញ-ចូល (ទ្វេទិស) ចំនួន ៦ ៩៨៨ ២៥៩ នាក់ កើន ១២% និងទំនិញតាមផ្លូវអាកាសមានចំនួន ៩៣ ៨៨៩ តោន កើន ២១%៕