សេដ្ឋកិច្ច

ផលិតកម្មជលផលរបស់កម្ពុជា សម្រេចបានជិត ១ លានតោន

បានផុស

២៥ វិនាទី មុន

នៅ

ថ្ងៃពុធ ១ កក្កដា ២០២៦

ដោយ

នៅក្នុងឆ្នាំ២០២៥ ផលជលផលទទួលបានសរុបជិត ១ លានតោន (៩៧៨ ៥៦០) កើនឡើង៥,៦% ធៀបនឹងឆ្នាំ២០២៤ ក្នុងនោះ ផលនេសាទទឹកសាប ៥១៤ ៨៣០តោន (កើនឡើង១០%) ផលនេសាទសមុទ្រ ១៤០១៦០តោន និងផលវារីវប្បកម្ម ៣២៣ ៥៧០តោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទមានប្រសាសន៍នៅក្នុងពិធី ទិវាមច្ឆជាតិ ១កក្កដា ២០២៦ នៅទន្លេវ៉ៃគោ ក្រុងស្វាយរៀង ខេត្តស្វាយរៀងថា ការកើនឡើងនូវផលនេសាទទឹកសាប ដោយមានការខិតខំប្រឹងប្រែងទប់ស្កាត់ និងបង្រ្កាបបទល្មើសនេសាទពីសមត្ថកិច្ចជំនាញជលផល រួមជាមួយ កងកម្លាំងប្រដាប់អាវុធ រដ្ឋបាលថ្នាក់ក្រោមជាតិ សមត្ថកិច្ចពាក់ព័ន្ធ និងសហគមន៍នេសាទ ព្រមទាំងមានការចូលរួមផ្តល់ព័ត៌មានពីមហាជន។

លោករដ្ឋមន្ត្រីបានបន្តថា ទោះបីជាបរិបទពិភពលោកមានការប្រែប្រួល ស្មុគស្មាញ និងប៉ះពាល់ដោយការបម្រែបម្រួលអាកាសធាតុ ប៉ុន្តែវិស័យកសិកម្មកម្ពុជា នៅតែរក្សាភាពធន់បានខ្ពស់ និងរក្សាតួនាទីសន្តិសុខស្បៀង និងលើកកម្ពស់ជីវភាពប្រជាពលរដ្ឋ ទ្រទ្រង់កំណើនសេដ្ឋកិច្ច៕