Connect with us

សេដ្ឋកិច្ច

ការប្រមូលពន្ធយានយន្តគ្រប់ប្រភេទនឹងផុតកំណត់នៅចុងខែនេះ

បានផុស

នៅ

នៅសល់តែជាង ១០ថ្ងៃទៀតប៉ុណ្ណោះ នឹងដល់ថ្ងៃផុតកំណត់បង់ពន្ធផ្លូវយានយន្តគ្រប់ប្រភេទនៅកម្ពុជា។ ក្រោយផុតកំណត់កាលបរិច្ឆេទថ្ងៃបង់ពន្ធ តើនឹងមានរឿងអ្វីកើតឡើងចំពោះអ្នកដែលខកខានមិនទាន់បានបង់ពន្ធផ្លូវយានយន្ត?

ការប្រមូល​ពន្ធ​លើ​មធ្យោបាយ​ដឹកជញ្ជូន និង​យានជំនិះ​គ្រប់​ប្រភេទ​សម្រាប់​ឆ្នាំ​ ២០២១ បានចាប់ផ្តើម​ដំណើរការ​ ​កាលពី​ថ្ងៃទី​ ០១ ខែមិថុនា ដោយ​នឹងត្រូវ​បញ្ចប់​នៅត្រឹម​ដំណាច់ខែ​វិច្ឆិកា​នេះ។ នេះបើតាមការជូនដំណឹងរបស់អគ្គនាយកដ្ឋាន​ពន្ធដារ (GDT) ​កាលពីចុងខែ ឧសភា ឆ្នាំ ២០២១កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់​យានយន្ត​គ្រប់​ប្រភេទ​ត្រូវ​ដាក់​លិខិត​ប្រកាស ឬ​យកមក​ជាមួយ​នូវ​បណ្ណ​សម្គាល់​ការបង់ពន្ធ​លើ​មធ្យោបាយ​ដឹកជញ្ជូន និង​យានជំនិះ​គ្រប់​ប្រភេទ និង​ធ្វើការ​បង់ពន្ធ​នៅ​សាខា​ពន្ធដារ​ខេត្ត-ខណ្ឌ ឬ​នៅ​ធនាគារ​ដែល​សហការ​ជាមួយ​អគ្គនាយកដ្ឋាន​ពន្ធដារ​។

បើតាមអគ្គនាយកដ្ឋាន​ពន្ធដារ  ​យានជំនិះ​គ្រប់​ប្រភេទ​ដែលជាប់​កាតព្វកិច្ច​បង់ពន្ធ​អាចបង់ប្រាក់​ពន្ធ​តាមរយៈ​ធនាគារ​កាណាឌីយ៉ា ធនាគារ​អេស៊ីលីដា ធនាគារ​វឌ្ឍនៈ ធនាគារ​កម្ពុជា​សាធារណៈ ធនាគារ ៨ ត្រាស់ រ៉ូយ៉ាល់ ធនាគារ​ស្ថាបនា ធនាគារ​ប្រៃសណីយ៍​កម្ពុជា ព្រមទាំង​ធនាគារ​ដែល​បាន​ចុះ​អនុស្សរណៈ​នៃ​ការយោគយល់​គ្នា​ជាមួយ​ក្រសួង​សេដ្ឋកិច្ច និង​ហិរញ្ញវត្ថុ​។

«កម្ពុជាថ្មី» បានទាក់ទងលោក គង់ វិបុល អគ្គនាយកដ្ឋានពន្ធដារ ដើម្បីចង់ដឹងថា តើក្រោយផុតកំណត់ថ្ងៃបង់ពន្ធ ម្ចាស់យានយន្តដែលខកខានមិនទាន់បានបង់ នឹងទទួលរងការផាកពិន័យបែបយ៉ាង? លោកប្រាប់ថា កំពុងជាប់ប្រជុំ។

ទោះយ៉ាងណា លោក​ គង់ វិបុល ធ្លាប់បានប្រាប់សារព័ត៌មានថា​«ម្ចាស់​​យានយន្ត​ដែល​ខកខាន​មិន​បាន​បង់​ពន្ធ​ទាន់​ពេលវេលា​កំណត់​​នឹង​ត្រូវ​ទទួល​រងទោស​ទណ្ឌ​ទៅតាម​ច្បាប់​ស្ដីពី​​សារ​ពើពន្ធ​ជា​ធរមាន»។

លោកបញ្ជាក់ថា បន្ទាប់ពី​ថ្ងៃ​បិទ​បញ្ចប់​ការប្រមូល​ពន្ធ​នេះ​អគ្គនាយកដ្ឋាន​ពន្ធដារ​នឹង​សហការ​ជាមួយ​អាជ្ញាធរ​មាន​សមត្ថកិច្ច​ ពិសេស​នគរបាល​ចរាចរណ៍ ដើម្បី​ចុះត្រួតពិនិត្យ​ការអនុវត្ត​ប្រមូល​ពន្ធ​​នៅ​តាម​ដង​ផ្លូវ​នានា​ក្នុង​ពេល​ឆាប់​ៗ​នេះ។ លោក​បាន​ព្រមាន​ថា ក្នុង​ករណី​រកឃើញ​យានយន្តណា​ដែល​ម្ចាស់​នៅ​មិនទាន់​បាន​បង់​ពន្ធ​ប្រចាំ​ឆ្នាំ​នោះ​ សមត្ថកិច្ច​នឹង​ធ្វើការចាប់​ផាក​ពិន័យ​គុណ​នឹង​ ២​លើ​តម្លៃ​ពន្ធ​ធម្មតា​។

យោងតាមសេចក្តី​ប្រកាស​ព័ត៌មាន​របស់​អគ្គនាយកដ្ឋាន​ពន្ធដារ បានបង្ហាញថា កាលពី​ឆ្នាំ​ ២០២០ ចំណូល​ពន្ធអាករ​ដែល​អគ្គនាយកដ្ឋាន​ពន្ធដារ​ប្រមូលបាន​មាន​ចំនួន ២ ៨៨៩,០២ ​លាន​ដុល្លារ កើនឡើង ១០៤,៤៩ លាន​ដុល្លារ ស្មើនឹង ៣,៧៣ ​ភាគរយ​ធៀប​ឆ្នាំ​ ២០១៩​៕

អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៦ នាទី មុន

អភិបាលរងខេត្តកណ្ដាល ឱ្យពិនិត្យល្អិតល្អន់ ករណីទណ្ឌិតស្នើបន្ធូរបន្ថយទោស ឱកាសទិវាជ័យជម្នះ ៧ មករា

ព័ត៌មានជាតិ៤៦ នាទី មុន

ឧកញ៉ា សំ សុខនឿន៖ ​ក្នុងនាមពាណិជ្ជករ​​ ពិតជា​ដឹងគុណយ៉ាងជ្រាលជ្រៅបំផុត ចំពោះកងទ័ព ដែលហ៊ានលះបង់គ្រប់បែបយ៉ាង ដើម្បីជាតិមាតុភូមិ​

ជីវិតកម្សាន្ដ១ ម៉ោង មុន

អឿន ម៉ូលីកា ប្រកាសក្ស័យធន ក្រោយកូនតុងទីន បោក និងរត់ចោល

KPT+១ ម៉ោង មុន

ព្រះឆាយាលក្ខណ៍​​កុមារភាពដ៏កម្រ នៃព្រះរាជបុត្រ ២ ព្រះអង្គ ប្រសូត និង​សោយ​ទិវង្គត ក្នុងខែតែមួយ

ព័ត៌មានអន្ដរជាតិ១ ម៉ោង មុន

ស្តេចស៊ុលតង់ព្រុយណេ បើកព្រះទីនាំងរថយន្ត ដឹកនាយករដ្ឋមន្រ្តីម៉ាឡេស៊ី បង្កការភ្ញាក់ផ្អើល

Sokha Hotels

ព័ត៌មានពេញនិយម