សេដ្ឋកិច្ច
ធនាគារពិភពលោកព្យាករការធ្លាក់ចុះសេដ្ឋកិច្ចនៅអ៊ុយក្រែន និងរុស្ស៊ីដ៏អាក្រក់
ធនាគារពិភពលោកបានចាត់វិធានការលើការខូចខាតសេដ្ឋកិច្ចដោយសង្គ្រាមរុស្ស៊ី-អ៊ុយក្រែនដោយបានព្យាករពីការធ្លាក់ចុះផលិតផលក្នុងស្រុកសរុប (GDP) រហូតដល់ពីរខ្ទង់សម្រាប់ប្រទេសទាំងពីរ។
ប្រទេសអ៊ុយក្រែននឹងរងផលប៉ះពាល់ខ្លាំងជាងគេបំផុតដោយសេដ្ឋកិច្ចនឹងធ្លាក់ចុះដល់៤៥.១%នៅឆ្នាំ២០២២។ ធនាគារដែលជាប់ពាក់ព័ន្ធនឹងអង្គការសហប្រជាជាតិបាននិយាយក្នុងការព្យាករថ្មីរបស់ខ្លួនកាលពីថ្ងៃអាទិត្យ។ ចំណែកប្រទេសរុស្ស៊ីនឹងរងផលប៉ះពាល់ខ្លាំងមិនធ្លាប់មានផងដែរពីទណ្ឌកម្មសេដ្ឋកិច្ចរបស់អាមេរិក និងសម្ព័ន្ធមិត្តលោកខាងលិចដែលធនាគារពិភពលោកបានព្យាករថា នឹងធ្លាក់ចុះដល់១១.២%នៅក្នុងផលិតផលក្នុងស្រុកសរុប។
ធនាគារដែលមានមូលដ្ឋាននៅទីក្រុងវ៉ាស៊ីនតោនបាននិយាយថា ប្រទេសមួយចំនួននៅក្នុងតំបន់នឹងបង្ខំចិត្តស្វែងរកជំនួយពីខាងក្រៅដើម្បីជៀសវាងខកខានលើបំណុលបច្ចុប្បន្នរបស់ពួកគេ។ អ្នកផ្តល់ប្រាក់កម្ចីបាននិយាយថា ទីផ្សារកំពុងលេចឡើងនៅអឺរ៉ុប និងអាស៊ីកណ្តាលនឹងធ្លាក់ចុះ៤.១%ក្នុងឆ្នាំនេះ ដែលប្រែប្រួលពីការព្យាករមុន៣%។
«សង្គ្រាមកំពុងប៉ះពាល់យ៉ាងធ្ងន់ធ្ងរលើជីវិតមនុស្ស និងបំផ្លិចបំផ្លាញសេដ្ឋកិច្ចរបស់ប្រទេសទាំងពីរ»។ ធនាគារពិភពលោកបាននិយាយ និងបានព្យាករថា «ការបាត់បង់សេដ្ឋកិច្ចដ៏អាក្រក់នៅតំបន់អឺរ៉ុប អាស៊ីកណ្តាល និងទូទាំងពិភពលោក»។
ស្ថាប័នដដែលបានបន្តថា ដូចជាប្រទេសជិតខាងពីររបស់អ៊ុយក្រែនគឺ កៀហ្ស៊ីស៊ីស្ថាន និងតាហ្ស៊ីគីស្ថាននឹងធ្លាក់ចូលក្នុងវិបត្តិសេដ្ឋកិច្ចនៅឆ្នាំនេះ ខណៈឥទ្ធិពលសេដ្ឋកិច្ចនៃវិបត្តិបានហក់ឡើង។
ការធ្លាក់ចុះសេដ្ឋកិច្ចតាមការប៉ាន់ស្មានក្នុងតំបន់គឺពីរដងដូចការធ្លាក់ចុះផលិតផលក្នុងស្រុកសរុបកាលពីឆ្នាំ២០២០ នៅពេលជំងឺកូវីដ-១៩បានរាតត្បាត។
ឥទ្ធិពលនៃទណ្ឌកម្មលើរុស្ស៊ីនឹងប៉ះពាល់សេដ្ឋកិច្ចទូទាំងពិភពលោក ហើយនឹងវាយប្រហារប្រទេសអតីតសហភាពសូវៀតយ៉ាងខ្លាំង។ នេះបើយោងតាមការព្យាករដែលធ្វើបច្ចុប្បន្នភាពថ្មី។
ធនាគារពិភពលោកបាននិយាយថា ៖«ផលប៉ះពាល់នៃសង្រ្គាមកំពុងធ្លាក់ចុះតាមរយៈទំនាក់ទំនងពាណិជ្ជកម្ម ហិរញ្ញវត្ថុ និងការធ្វើចំណាកស្រុកខ្លាំងក្នុងតំបន់ ដែលបណ្តាលឱ្យមានការខូចខាតសេដ្ឋកិច្ចយ៉ាងច្រើនដល់ប្រទេសជិតខាង»។
WB បានផ្តល់សេណារីយ៉ូធ្លាក់ចុះពីជម្លោះអូសបន្លាយកាន់តែយូរ ទណ្ឌកម្មកាន់តែច្រើន តម្លៃទំនិញនឹងកាន់តែកើនឡើងថែមទៀត។ ក្នុងករណីនេះ GDP របស់រុស្ស៊ីអាចធ្លាក់ចុះតាមការប៉ាន់ស្មានដល់២០% ខណៈអ៊ុយក្រែនអាចដល់៧៥%៕
ប្រែសម្រួល៖ វីរបុត្រ
ប្រភព៖ RT
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ